Je, hatuwezi kuishi bila ngono?

Siku hizi ni kawaida watu kukutana kimwili  bila ndoa. Ndio maana neno tendo la ndoa halitumiki. Ni ngono. Na hata hivyo inaonekana pia chaweza kufanyika bila mapenzi, kwa hiyo wakabatilisha kukiita kufanya mapenzi. Hiyo ndiyo hali halisi.

Mjadala wenyewe ulikuwa katika kuhoji ikiwa kijana wa kisasa anaweza kufikisha miaka zaidi ya ishirini na tano bila kuonja ngono(na kijana mwenyewe asiwe mgonjwa, kwa maana ya hitilafu katika mfumo wake wa uzazi) Je, anaweza kuahirisha kuanza ngono hata kama mwili wake unamshawishi kufanya hivyo? Maana inasemekana kwa mujibu wa wadau hawa, katika siku za leo, ngono haikwepeki!


Wewe unasemaje? Ngono ni kama chakula? Kwamba usipoipata utaumwa? Na je, haiwezekani kuwa na mahusiano ya karibu (mno)lakini 'no' ngono? Na kwamba huu mtindo wa kuanza ngono mapema kwa vijana wengi unasababishwa na nini? Ni mwili tu ama ni tatizo la kisaikolojia zaidi? Kwamba ni kujilemaza fulani hivi kuwa aah kila mmoja anafanya bwana?
Jielewe

Maoni

  1. Unknown22/10/08 7:47 PM

    Bro mambo niaje? Hyo mada mkuu iko juu kimakini kweli,kwa hapo sina cha kujibu wala kuongezea .

    JibuFuta
  2. MARKUS MPANGALA22/10/08 7:59 PM

    DUU kaka hii kitu ipo makini sana nafikiri ni jambo bora mtu kujiuliza namna gani unaweza kuishi bila ngono. hivi inawezekana japo siku moja kubanjuka tu? labda inawezekana hebu soma maelezo ya daktari mmoja wa Cape Town labda mimi sielewi.
    "Three or more orgasms a week are beneficial to your healthy. Ejaculation does reduce prostatic congestion and usually improves the symproms of chonic prostatitis"
    By Dr Werner Botha
    Capte Town.

    mimi sielewi mistari yake hebu nipeni somo kwanza hata nilikoipata nako taabu kwelikweli.

    JibuFuta
  3. Bila jina25/10/08 9:31 AM

    kufanya ngono au kufanya mapenzi kama wengi tulivyozoea kuita,ukweli ni kwamba wengi tunafanya bila ya kujiuliza.Sehemu kubwa ya jamii inajitumbukiza katika kufanya ngono si kwa sababu ya uhitaji wa kimwili bali ni utashi na ni kama fasheni. Na ndiyo utakuta mtu amalizapo kufanya hiyo ngono huwa kuna kujuta sana na mawazo yanakuwa mengi na kuichukia hiyo ngono.Hii inaonyesha wazi kuwa wengi hufanya si kwa hitaji la mwili bali kwa tamaa ya mwili.Nakumbuka kuna mada aliwahi kuiandika lui ikisema Kijana tunza mbegu zako,ktk mada hiyo lui aliwasihi sana vijana waache kumwaga mbegu zao hovyo kwenye vijishamba bali wasubili wazimwage kwenye mashamba yao halali,ili waweze kuzitunza na kutoa mazao mazuri.
    Ukweli wetu hufanya ngono kwa kufuata utashi wa mwili tu na si vinginevyo.Hakuna ushahidi wa mtu ambaye hajafanya ngono muda mrefu akawa ameathirika kilichopo ni maneno ya vijiweni tu ambayo wengi huwa tunadhani yana ukweli wowote.
    Kwa mtazamo wangu tunaweza kuishi bila kufanya ngono kwani kufanya ngono sio lengo kuu kama wengi tunavyoamini na kufikiria.

    JibuFuta
  4. Christian Bwaya25/10/08 6:31 PM

    @ Shayo, Karibu sana.

    @ Mpangala, kwamba ngono ina faida kiafya, hilo ni suala la mjadala. Maana hawa wanaoitwa wataalamu mara nyingi huzisemea hisia zao kwa lugha ya kisayansi! Si mara zote kauli zao ni za kuaminika.

    @Nuru, kama ngono ni utashi, mbona kampeni za UKIMWI zinakwama? Utashi maana yake tungeshafanikiwa siku nyingi kuutokomeza! Mbona pamoja na kusambaza elimu ya kujikinga nayo, na kusema kweli kila mmoja anajua walau kwa sasa, bado UKIMWI unasambaa kwa kasi ya kutisha?

    Mimi hili linanifikirisha: Kwamba hata huyo anayeendesha kampeni ya kupambana na UKIMWI bado yeye mwenyewe anashindwa. Unaelezeaje hali hii kwa kuhusianisha na utashi ngono?

    JibuFuta
  5. Unknown3/10/21 1:27 PM

    Dah

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»