Kukosoa, kutafuta makosa, si tabia njema

Siamini kwamba ukosoaji ni asili ya mwanadamu.

Kufikiria kinyume (negative). Kwamba watu wote wanakosea isipokuwa wewe. Kwamba watu wote wamepotea isipokuwa wewe. Kwamba watu wote wanahitaji msaada isipokuwa wewe.

Kufikiria ubaya zaidi wa jambo kuliko uzuri wake. Kufikiria udhaifu kuliko ubora wake. Kufikiria uharibifu zaidi kuliko uboreshaji. Kwamba unaweza kusoma kitabu cha mwandishi fulani, si kwa sababu unataka kujifunza, bali kupekua wapi kakosea. Kwamba unaweza kuzungumza habari za mtu, si kwa nia ya kujenga, bali kwa nia ya kumtafutia makosa yake.

Kwamba watu wanaweza kukwambia jambo zuri na la manufaa, lakini wewe ukalichukulia kwa mtazamo hasi. Ukakosoa.

Kwa nini iwe rahisi zaidi kufikiria udhaifu/ubaya wa mtu/suala kuliko kufikiria uzuri wake? Hivi mwanadamu anavutiwa na nini kutafuta kasoro?


Je, kutafuta/kupekua kasoro ni asili ya mwanadamu ama ni tabia inayojiotea kulingana na mazingira ya mhusika?

Maoni

  1. Egidio Ndabagoye1/10/08 9:01 PM

    Kuna ile wanasema mkanyage bahati mbaya akuumize makusudi.Kwa sasa binadamu tunaangalia mabaya zaidi ya mazuri.

    Tunaumizana makusudi.

    JibuFuta
  2. Yasinta Ngonyani2/10/08 12:23 AM

    Kwanza kabisa hakuna ukweli wala uwongo. Kwa hiyo naweza nikasema ni kweli kutafuta kasoro ni asili ya binadamu maana kuna wakati utakuta mtu anatafuta kila njia ili ampe mwingine kasoro au akipe kitu kasoro

    JibuFuta
  3. Christian Bwaya3/10/08 7:23 PM

    @Edigio, nakubaliana na wewe kabisa kwamba binadamu tunaumizana kwa makusudi. Je, kwa nini tunaumizana kwa makusudi? Ingekuwaje kama kila mtu angekuwa anatafuta kumfurahisha mwenzie na sio kumuumiza?

    @Yasinta: Asante kwa wazo lako kwamba hakuna ukweli wala uwongo. Nakubaliana na wewe. Lakini je, kwa sababu inaonekana kila mtu ni mtafuta kasoro maana yake ni kwmaba hiyo ndiyo asili yetu?

    Asanteni kwa mchango

    JibuFuta
  4. Bila jina9/10/08 12:30 PM

    Bwaya habari za siku.Ulichokisema ni kweli watu wengi tumelelewa katika kuutafuta udhaifu au makosa ya mtu na ndiyo tunachokina zaidi kuliko uimara wake.Hiyo siyo asli ya mwanadamu ila ni malezi ambayo tumefundishwa na wazazi nyumbani,walimu mashuleni na jamii iliyotuzunguka.
    Vitabu vya dini vinatuambia tumeubwa kwa mfano wa Mungu,sasa Mungu huyo ambaye ametuumba mbona haangalii kasoro zetu??
    Hii inaonesha kuwa tabia ya kukosoa ni ya kufundishwa na wanadamu wenzetu tena wake wasiojiamini na wenye kutazama mambo kwa upande mbaya.

    JibuFuta
  5. Christian Bwaya9/10/08 4:11 PM

    Nuru karibu tena. Niliyakosa mawazo yako kwa muda mrefu. Karibu tena tuendelee kubadilishana mawazo humu.

    Nakubaliana na mawazo yako kabisa kwamba inawezekana ni malezi. Je, ni aina gani ya malezi inayotufinyanga kuwa watu wa kutazama mambo kwa upande mzuri? Ungetoa miano iliyo bayana ingekuwa vyema zaidi kwa faida ya wasomaji wengine.

    Nashukuru kwa kutupa sababu nzuri kwamba kuwa "too negative" si asili ya mwanadamu hata kama binadamu wote wanaonekana kuwa hivyo.

    JibuFuta
  6. Bila jina13/10/08 8:50 AM

    Ndugu bwaya na wengine.Ndugu bwaya ameniuliza ni aina gani ya malezi ambayo inatufinyanga tuwe tunatizama mambo kwa upande mzuri?lakini nadhani alikuwa akimaaanisha kutizama mambo kwa upande hasi/mbaya,kama nitakuwa nimekosea nitaomba anisahihishe.Kutizama mambo kwa mkabala hasi ni jambo ambalo tumekuwa tukifundishwa kila siku na watu ambao kwa namna moja au nyingine tumepita katika mikono yao kimalezi,na mbaya zaidi ukipita mikononi mwa wasiojiamini ndiyo hatari zaidi.Chukulia mfano mtu ameamaka asubuhi akajiandaa kwenda kazini akavaa nguo zake safi na akapendeza,njiani anakutana na watu wanamwagia sifa kedekede kuwa kapendeza sana hadi anajisikia vizuri ghafla anatumiwa ujumbe mfupi kwenye simu yake toka kwa mpenzi wake kuwa ameuvunja uhusiano wao,mtu huyu hili jambo la kukataliwa ndilo ambalo litachukua nafasi kubwa sana katika mawazo yake kuliko kule kusifiwa lakini angeweza kufikiria jinsi watu walivyokuwa wakimsifia jinsi alivyopendeza na akapata nafuu,lakini kwa sababu umefundishwa kuwa kukataliwa ni kubaya then ndilo litakalo kuwa kichwani haikuwahi kutokea hata siku moja ukafundishwa kusifiwa nako ni kuzuri zaidi.Mfano mwingine katiak kuelezea namna ya kuangalia mambo kwa mkabala hasi ni pale mtu anaposifiwa kwa kujenga nyumba nzuri,badala ya kusema asante nimejenga nyumba ile nzuri ili nikae pazuri yeye utamsikia akisema kakibanda tu kale,ukweli hatujawahi kufikiri mambo kwa upande chanya.Hatujawahi pia kuambiwa kukosea ni kuzuri zaidi kwani ndiyo unapopata nafasi ya kujifunza,tumeambiwa kukosea ni kubaya sana,mfano tunauona tulipokuwa wadogo siku tukipata maksi nzuri darasani wazazi wetu walitumwagia sifa nyingi na siku tukapata maksi za chini tuliadhibiwa sana hatukuwa kuambiwa kuwa tumefeli labda kwa sababu tumezidisha michezo ila tuliadibiwa,hali hii na nyinginezo za kufanana ndizo zinazopelekea watu wengi tukawa tunatazama mambo kwa mkabala ambao ni hasi.

    JibuFuta
  7. Christian Bwaya23/10/08 10:42 AM

    Nuru,

    Nilichelewa kuuona mchango huu mzuri. Asante kwa kuelewa kosa la kiuchapaji. Haraka haraka haina uhariri.

    Mjadala unaendelea.

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»