Tofautisha dini yako na utamaduni wa "wenye dini"

Wakati umefika wa kuchukua juhudi binafsi za kutenganisha dini na utamaduni wetu kama vitu viwili tofauti. Tuweze kupambanua mambo ambayo ni ya kidini na yale ya utamaduni wa nje, ambayo kwa kujua ama kutokujua tunadhani kwa kuyafanya maana yake tunashika dini.

Kuvaa kanzu na baibui si utamaduni wetu. Kuitwa Mathayo hakuhalalishi ukristo wako. Kukaa chini katika ibada, wakati kuna uwezekano wa kupata viti, ni kujaribu kuwaiga wenye dini na mazingira yao.

Na bahati mbaya twayafanya hayo tukiamini kuwa tunashika dini kumbe ni ulevi tu wa utamaduni wa watu fulani fulani. Tujielewe.

Maoni

  1. Bila jina22/12/07 8:17 AM

    Huu ni wakati kweli wa kuamka kifikra hasa haya masula ya Dini. Nimekuwa kwa muda mrefu nikifuatilia mambo hayo lakini ukweli kuna mambo yamekuwa magumu sana kuyaelewa. Nikiwafuata hao viongozi wa dini na kuwadadisi wengi husema ninaelekea kuchanganyikiwa au wengine nina pepo na wengine nina kufulu.
    Ni kweli Bwaya kuvaa kanzu au baibui sio utamaduni wetu, huu utamaduni tumelazimishwa na hao walioleta hizi dini.Manake unaambiwa usipovaa hivi we sio ktk dini yetu jamani hebu tujiulize swali huyu atakuwa ni mungu wa aina gani anayeangalia mavazi ya mtu na sio kuangalia mtu kama mtu mawazo yake na matendo yake?Wengine wanaambiwa usipoitwa jina la mtakatifu fulani sio miongoni mwetu.Kwa Mungu ndugu zangu hakuna suala la majina kama tutadhania hivyo tutakuwa tumepotea sana.Katika uislam kuna watu kabla hawajawa waislam walikuwa na majina yao na baada ya kuwa waislam walibakia na majina yao iweje leo hapa kwetu mtu ukitaka kuingia kwenye uislamu inabidi ubadili jina lako ndiyo utakuwa muislamu safi?Vivyo hivyo katika ukristo historia inaonyesha watu waliomkubali kristo waliingia katika ukristo na kubakia na majina yao.SWALI:Abubakari swahaba mkubwa sana wa Mtume Muhamad kabla hajawa muislam aliitwa nani na Petro mwanafunzi wa Yesu kabla ya kumpokea krist aliitwa nani?
    Jamani huo ulikuwa ni utumwa wa kifikra na kwa kiasi kikubwa wamefanikiwa katika hilo manake huwezi kuamini watu ni wengi ambao tuko katika kuamini dini ya mtu iko kwenye jina!Hayo majina huo ni utamaduni wa waliyo yaleta hayo majina,kila jina ambalo tunaamini ni la kidini sio kweli TUMEDANGANYWA. Ninavyojua mimi kila jamii huwa ina utaratibu wake w kuwapa watu wajina.

    JibuFuta
  2. luihamu26/12/07 2:12 PM

    Mkuu wengi wanakesha makarisani,wengi wanajiita walokole eti watakwenda mbinguni,nawaluteri au wakatoliki je?bado tuko katika giza,bado tumetekwa na imani kali ya utamaduni wa watu wengine.babu zetu waliaabudu mizimu lakini leo!

    JibuFuta
  3. Christian Bwaya29/12/07 3:08 PM

    Nuru na Luihamu, nadhani kuna umuhimu wa kuziruhusu fahamu zetu kuchunguza na kutafakari masuala ambayo hapo mwanzo hatukuweza.

    Ni kucharibu kuchunguza miwani tunayoitumia kuyatazama masuala hayo. Hiyo ndiyo hatua ya kwanza.

    Asanteni kwa ushirikiano mnaouonyesha katika harakati hizi za kujielewa.

    JibuFuta
  4. Gwamaka20/2/08 8:05 PM

    Mkristo umechokoza mada nzuri!! kwamtazamo wangu kutengamanisha dini na utamaduni ni kitu kigumu saana. kwasababu unapoongelea utamduni ndani yake kuna vitu vingi ikiwemo dini. kwahiyo unapotaja dini fulani tayari unautaja utamaduni wa watu fulani. Dini, sanaa na vitu vngingine vingi ndio pakacha moja linalounda utamaduni fulani.
    Lakini ni mwanzo mzuri kama tumeanza kufikiri namna ya kutofautisha dini na utamaduni. tutafika mahali tutaanza kuangali namna ya kutenganisha dini na "political interests" za hao walioleta hizo dini zilizojificha ndani yake!
    Lakini kwa maoni yangu suala sio kupembua na kutangamanisha bali, ama kuzipiga chini kabisa au kuzitohoa ziendane na mukhtadha wa utamaduni wetu tulionao (kama tunao)

    JibuFuta
  5. Bila jina13/4/11 8:43 AM

    inawezekana vipi kutofautisha dini na utamaduni wa wenye dini wakati hao ndo waliotuletea dini hizo wakiwa na tamaduni walizonazo!.kama tunataka kutafuta ukweli kisayansi ni kuwa huwezi kuitwa mkristo au muislamu bila kushikwa na tamaduni za hao waliotuletea dini na kutupotosha kuwa ukiitwa MICHAEL ni jina la kikristo wakati kiukweli jina hilo linatambulisha utamaduni wa waingereza wakati yesu hajawahi kuwa muingereza!.hivyo basi haiwezekani kutofautisha dini za kigeni na tamaduni zao labda kama tutaanzisha dini zetu na kuingiza tamaduni zetu humo ikiwemo na kujiita majina ya tamaduni zetu kama "kubalunga".

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»