Thamani Yako Inategemea Namna Unavyowasaidia Wengine


PICHA: Lifehack

KUNA ukweli kwamba katika harakati za kutafuta mafanikio, unahitaji kuwa na uhusiano mzuri na aina fulani ya watu. Hawa ni watu wanaokuzidi kile unachotaka kukifanya na kwa namna moja au nyingine wanaweza kuwa msaada kwako kwa kukupa mtaji wa kutekeleza wazo lako, kukunganisha na nafasi za ajira zisizotangazwa hadharani au kukusaidia mawazo yatakayokupeleka mbele kimaisha.

Pamoja na uwezo mzuri wa kufanya vitu, vipaji na elimu, bado unahitaji msaada wa watu wengine kukufikisha kule unakotaka. Hata hivyo, kujenga uhusiano wenye tija na watu unaowahitaji si jambo linalokuja hivi hivi. Unahitaji tabia fulani zitakazowafanya watu wajione wanalo deni la kukusaidia. Usipozielewa tabia hizo, utajikuta katika mazingira ambayo unafahamiana na watu wengi wasiokuchukulia kwa uzito wowote.

Vijana wengi, hasa wanaoanza biashara na pengine wanaotoka kwenye familia zisizo na majina, wanatamani kupata watu wanaoweza kuwa msaada kwao. Wafanye nini ili kujenga mtandao imara na watu wanaoweza kuwa msaada kwao?

Jambo la kwanza ni kuelewa tabia za ubinafsi alizonazo binadamu. Sote kwa namna moja au nyingine tunajali zaidi maslahi yetu binafsi kuliko maslahi ya watu wengine. Hata pale tunapoonekana kuwajali wengine, ndani yetu, inawezekana kuna faida fulani tunayoipata.

Aidha, ubinafsi huo huo ndio unaotufanya binadamu tusipende shida. Hakuna mtu anapenda kuwa kwenye mazingira yanayomwuumiza. Hii ni kweli hata kwenye uhusiano wetu na watu. Kila binadamu hujilinda asijikute kwenye mazingira ya kutumiwa na watu wengine bila faida. Kinachojenga urafiki wa karibu, kwa mfano, ni vile watu wawili wanavyosaidiana kupunguziana shida badala ya kuumizana.

Kwa hivyo, ukitaka kuwa na uhusiano imara na watu, hasa wale wanaokuzidi, epuka kuonekana unawaongezea shida kwenye maisha yao. Usimfanye mtu akajihisi anatumiwa zaidi kuliko anavyopata kwako. Ukifanya kosa hilo utaonekana mzigo.

Kuna mambo mengi unaweza kuyafanya bila wewe kujua na ukaanza kuonekana mzigo kwa watu. Mfano, ni kuwa mtu wa kulalamika. Unapolalamika maana yake huna majibu ya matatizo unayoyaongelea. Watu waliofanikiwa, hawapendi kusikia mtu anayetumia nguvu nyingi kuongelea shida badala ya ufumbuzi.

Pia, unapokuwa na tabia ya kutaka kupata misaada na vitu kwa watu kuliko vile unavyochangia kutatua changamoto zao, watu hawatatamani kukutana na wewe. Sababu ni kwamba wanapokuona hawakuoni wewe, bali wanaona mzigo. Hakuna mtu anapenda mizigo.

Kwa bahati mbaya, binadamu huwa tunavutia watu wanaofanana na sisi. Kwa mfano, unapokuwa na uso wenye tabasamu, ni rahisi watu unaokutana nao kukuonesha tabasamu. Unapokasirika, unawafanya wanaokuzunguka wakasirike pia. Ndivyo ilivyo hata kwenye mambo mengine. Unapoonekana huna mwelekeo, utawavutia watu wasio na mwelekeo. Ukiwa mzigo, utavutia mizigo mingine. Wale unaotamani wakusaidie, watakukimbia.

Ukitaka kuaminiwa na watu wa muhimu wanaokuzidi, unahitaji kuanza kuwa tofauti kwa lugha na matendo yako. Kwanza, onekana kama mtu wa maana kwa mavazi, lugha yako, na mwenendo wako. Ni habati mbaya binadamu tunapokutana na watu wapya, tuna tabia ya kukadiria thamani zao kwa kutumia vigezo vinavyoonekana.  Hakikisha unaonekana mtu nadhimu, timamu, anayeaminika.

Pili, jitahidi uwe na kitu unachoweza kuwapa watu badala ya kusubiri ufanyiwe. Kwa mfano, unapoongea na watu wa muhimu, wape nafasi wakuambie mambo yao zaidi kuliko unavyowaeleza mambo yako. Watu wenye hadhi ya juu wanapenda kufahamika kwamba wanaheshimika. Wape nafasi hiyo.

Kadhalika, usiwe na haraka ya kutaka misaada. Kila inapowezekana, onesha namna unavyoweza kutumia kile ulichonacho kuwa jibu la matatizo ya watu.

Thamani yako ni vile vitu unavyoweza kuwapa watu. Uwezo ulionao wa kutatua matatizo yanayowakabili watu wanaokuzunguka. Thamani yako ni ujuzi ulionao, maarifa na busara ambayo watu wengine wanaweza kunufaika nayo.

Ikiwa unataka watu wavutwe kwako, jenga thamani yako. Fikiria namna unavyoweza kuwasaidia kufikia malengo yao. Kukosa fedha na raslimali kusikufanye ushindwe kuwa na thamani. Wasaidie watu kupata ufumbuzi wa matatizo yao. Kufanya hivyo kutaongeza thamani yako. Na kadri thamani yako inavyoongezeka, ndivyo watu watakavyokuheshimu na kukuona kama mtu wa maana. 

Maoni

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»