Tumia Mitandao ya Kijamii Kuboresha Utendaji wa Taasisi, Kampuni Yako

PICHA: kairalinewsonline.com



Kwa mujibu wa Mamlaka ya Mawasiliano Tanzania (TCRA) kufikia Novemba 2017, Tanzania ilikuwa na jumla ya watumiaji wa mtandao wa intaneti wapatao 22,995,109. 

Moja wapo ya kichocheo kikubwa cha matumizi haya makubwa ya mtandao ni ongezeko la watu wanaotumia simu za viganjani zinazowezesha kuunganishwa na mtandao bila kulazimika kuwa na kompyuta zenye gharama kubwa. Hivi sasa, kwa mfano, takribani  line za simu za kiganjani zinazotumika zinafikia 40,080,954.

Uzoefu unaonyesha kuwa wengi wa watumiaji wa mtandao wa intaneti wanatumia zaidi mitandao kama vile WhatsApp, Facebook, Twitter, Instagram na YouTube.

 Nguvu ya mitandao ya kijamii

 Nguvu ya mitandao ya kijamii, kwa kiasi kikubwa, inategemea tabia ya watumiaji wake. Inakadiriwa kuwa mtumiaji mzuri wa mitandao hii, huchungulia kinachoendelea mtandaoni zaidi ya mara 20 kwa siku.

Makampuni makubwa ya habari kama Mwananchi Communications yanaonekana kuelewa fursa hii. Kwa mfano, wakati nikiandika makala haya, ukurasa wake wa Facebook ulikuwa na wafuasi 1,401,176  wakati ukurasa wake wa Twitter ulikuwa na wafuasi 267,179.
Hata hivyo, utafiti mdogo unaonyesha kuwa taasisi nyingi hazijaweza kuitumia vyema fursa hii. Chuo Kikuu cha Dar es Salaam, kwa mfano, hakina ukurasa kwenye mtandao wa Twitter na kina wafuasi 9,558 kwenye mtandao wa Facebook.

Chuo Kikuu cha Mzumbe, kina wafuasi wasiofika 1000 Twitter na kina wafuasi 8,534 Facebook. Chuo Kikuu cha Kilimo cha Sokoine (SUA) kina wafuasi 6,070 Facebook na wafuasi 900 kwenye mtandao wa Twitter. Chuo Kikuu cha Dodoma (UDOM) kina wafuasi 4,768 Facebook na hakina ukurasa kwenye mtandao wa Twitter.

Bahiya Abdi, mhadhiri wa Chuo Kikuu cha Kikatoliki Mwenge (MWECAU) anafikiri tatizo ni aina ya taarifa zinazohitajika na watumiaji wa mitandao ya kijamii.

Anasema, “Kwamba taasisi za elimu ya juu zinapatikana kwenye mitandao ya kijamii lakini hazina wafuasi, tatizo linaweza kuwa watumiaji wenyewe wa mitandao. Kuna habari wanazozifuata na labda hazipatikani kwenye kurasa za taasisi hizi. Ndio maana unaweza kuona kurasa, kwa mfano, zinazojadili tetesi za watu maarufu ndizo zinazofuatiliwa zaidi.”

Maranya Mayengo, mhadhiri wa Chuo Kikuu cha Dodoma anasema, “Kuwa na wafuasi wachache pia inasababishwa, pamoja na mambo mengine, kutokutangaza ukurasa wa mtandao wa kijamii angalau hata kupitia tovuti […] Kuna taarifa nyingi ambazo wateja wao wangehitaji kujua. Badala ya kutegemea tovuti pekee, mitandao ya kijamii ingewasaidia kuwafikia kwa haraka na kwa ufanisi zaidi.”

Kwa kuwa ni ukweli uliodhahiri kuwa mitandao hii imekuwa ushawishi mkubwa katika jamii, kuna ulazima wa taasisi na makampuni kuangalia namna yanavyoweza kuwekeza katika mitandao hii. Katika makala haya, tunaangazia maeneo manne makubwa.

Kujenga taswira chanya ya taasisi

 Moja wapo ya malengo ya kila taasisi au kampuni ni kujenga taswira chanya mbele ya macho ya jamii. Mitandao ya kijamii inaweza kuwa namna bora zaidi ya kufikia malengo hayo kama  anavyoeleza Maranya Mayengo:
 “Mitandao ya kijamii inasaidia kampuni au taasisi kupeleka taarifa kwa wateja wake watarajiwa kuhusu jambo lolote ambalo kampuni ingetamani kutangazia umma.”

 Kama nilivyogusia awali, idadi ya watu wanaotumia mitandao ya kijamii ni kubwa kuliko watazamaji wa televisheni na wasomaji wa magazeti. Fedha nyingi zinazotumika kulipia matangazo kwenye vyombo vikuu vya habari  zinaweza pia kuelekezwa kwenye majukwaa haya ambayo ni rahisi kuwafikia watu.

 Kuwafikia wateja wako kirahisi

 Faida moja wapo ya mitandao ya kijamii ni kusaidia kutangaza huduma au biashara yako. Ukiweza kuwa na ufuasi wa kutosha kwenye mitandao ya kijamii, ni rahisi kujua wateja wako wanataka nini na ufanye nini kukidhi mahitaji yao.

 Tafiti zinaonyesha kuwa unapokuwa na namna ambayo unafanya mawasiliano ya moja kwa moja na mteja wako, mteja huyu hujisikia kuthaminika na hivyo inakuwa rahisi kwake kufuata bidhaa au huduma unazotoa pale atakapokuwa na uhitaji.

Sayuni Nasari, mhadhiri wa Chuo Kikuu cha Kumbukumbu ya Stefano Moshi (SMMUCO) anasema, “Kumbuka mtumiaji wa mitandao ya kijamii huwa na mtandao wake wa watu wanaomwamini. Ukiweza kumpata mteja mmoja mwaminifu kwa huduma zako, unatengeneza mnyororo wa matangazo kupitia maoni anayoyatoa na hata picha anazoweka kuwaeleza marafiki zake mahali alipo na nini amekipata.”

 Kupata mrejesho wa huduma na bidhaa zako

Taarifa kuhusu huduma zako zinapopatikana mtandaoni zinasaidia kuwafikia watu ambao kwa namna moja au nyingine ungehitaji fedha nyingi kuwafikia.
Ingawa taasisi nyingi hupenda kutumia tovuti kutangaza huduma zake, changamoto yake ni watumiaji kukosa fursa ya kuleta mrejesho kwa sababu hawana namna ya kuweka maoni yao.

Maranya Mayengo, ambaye pia ni mwanafuzni wa shahada ya uzamivu (PhD) anasema mitandao ya kijamii inatoa suluhisho:
“Watu wanapokuja kupokea huduma kwako wanakuwa hawajajiandaa kuandika maoni. Hata kama sanduku la maoni lipo lakini wanaweza wasiwe na kalamu na karatasi. Kwa msingi huo, mitandao ya kijamii ni namna ya kurahisisha upokeaji wa maoni juu ya huduma au bidhaa za kampuni husika.”

 Kuwafahamu wafanyakazi wako

 Kama mwajiri makini unahitaji kuwafahamu wafanyakazi wako. Kwa kuwa ni vigumu kupata uhalisia wa mfanyakazi wako katika mazingira ya kazi, unaweza kufuatilia shughuli zake katika mitandao ya kijamii.

Kwa mfano, kwa kutumia makundi ya WhatsApp ni rahisi kujua mfanyakazi yupi hutumia muda mwingi kupiga soga mitandaoni wakati wa saa za kazi na hivyo kumsaidia kudhibiti matumizi ya muda wake.

Lakini pia, shughuli za mfanyakazi wako mtandaoni zinaweza kukusaidia kujua aina ya maudhui anayopenda kuyafuatilia na hivyo kujua mitazamo yake kwa ujumla. Hili pia husaidia katika mchakato wa kuajiri wafanyakazi wapya.

Angalizo

Ipo hatari ya wahalifu kutumia vibaya jina la kampuni au taasisi kufanya shughuli zao mitandaoni. Hakikisha kurasa zako kwenye mitandao ya kijamii zimethibitishwa.

Kadhalika, unahitaji timu ya watu makini wanaoweza kujibu kero, dukuduku na maoni yanayotolewa mtandaoni bila kuharibu taswira ya taasisi au kampuni yako.

Maoni

Chapisha Maoni

Zilisomwa zaidi wiki hii...

Mambo ya Kuzingatia Unapoandika Wasifu wa Kazi (Curriculum Vitae)

Picha
Katika mchakato wa kuomba ajira baada ya kuona tangazo la kazi, mambo matatu ni dhahiri. Mosi, huombi kazi hiyo wewe mwenyewe. Wapo watu wengi wanaoandika maombi na hivyo kuongeza ushindani wa nani atapata. Pili, nyaraka unazotuma kwa mwajiri mtarajiwa ndizo zinazojenga utambulisho wako kabla wewe mwenyewe hujafahamika. Tatu, afisa mwajiri hatatumia muda mrefu kusoma maelezo yako. Katika hali ya kawaida, atatumia dakika moja kuamua ikiwa amevutiwa na maelezo yako ama la.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»