Wazazi wanaweza kukwepa lamawa?

Nilibahatika kushuhudia ugomvi mzito wa wazazi wenye hasira kali kwenye daladala. Halmanusra wamteketeze rafiki yangu.

Ilivyokuwa ni kwamba konda alimporomoshea matusi ya mwilini abiria mwenzetu. Kuona vile, kila abiria alimsulubu konda kwa kosa la kushindwa kuudhibiti mdomo wake.

Basi, rafiki yangu kuona vile, akawaomba wazazi wale kutokumlaumu konda, akidai kuwa kosa hasa ni la wazazi wa konda yule.

Kauli ile ilileta tafrani la kutisha kiasi kwamba mashambulizi yote yalihamishiwa kwa rafiki yangu.

Japo mjadala ule haukuweza kufikia tamati nzuri, lakini ulinipa tafakari.

Kwamba, kwa nini wazazi walewale wanaogeuka mbogo pale malezi yao yalipohusianishwa na udhalimu wa watoto wao, hao hao hujipiga piga kifua wanapohusishwa na mafanikio ya watoto wao?

Kwanini mtoto anapoharibika wazazi hukwepa kuwajibika moja kwa moja lakini watoto wanapofanya vizuri, wazazi kudai sifa kwa lazima?

Maoni

  1. Fadhy Mtanga6/7/09 2:18 PM

    Hiyo ilikuwa kali kuliko!
    Mi' nina mtazamo wangu. Kuwa maisha na tabia ya mtu yeyote ukubwani, huwa imeathiriwa na malezi aliyopewa.
    Kwa mantiki hiyo, binadamu akiwa na vitendo vichafu ukubwani, itazame familia yake. Hapo utagundua kuwa kama hawakuwa wakimgombeza, kumchapa na kumkandamiza mara kwa mara katika utoto wake, basi walikuwa wakigombana wao mara kwa mara. Hali hiyo ikasababisha athari katika makuzi ya mtoto.
    Hivyo wazazi hawapaswi kukwepa lawama kwa kuharibika kwa mienendo ya watoto wao.
    Vivyo hivyo, hata katika mafanikio yawayo yoyote yale katika maisha ya mwanadamu, basi wazazi ama walezi wake huwa wameacha athari.
    Ni hayo tu!

    JibuFuta
  2. Albert Kissima6/7/09 4:15 PM

    Pamoja na wazazi kulaumiwa lakini pia kijana lazima nae abebe lawama kwa upande wake. Si kwa sababu wazazi walikuwa masikini basi na watoto wawe masikini.Kwa sababu kijana ameshakuwa na akili ya utambuzi hana budi kujikomboa mwenyewe kutoka ktk athari zile za makuzi mabovu.

    Ikumbukwe pia mazingira anayofanyia kazi kijana huyu yanamchango mkubwa sana ktk tabia yake.

    JibuFuta
  3. Bila jina6/7/09 4:28 PM

    mdada ninasema kwa upande mwingine kwa kitendo kama hicho mazingira pia yanachangia, mtu kama huyo au mtu wa aina hiyo amelelewa vizuri na wazazi au walezi wake vizuri kabisa ila alivoanza maisha yake pamoja na jamii iliyomzunguka nina maana majirani au marafiki na hali ya maisha ikamchanganya basi anajiona hana thamani katika jamii na ameshakata tamaa ya maisha kila analotamka kwake anaona sawa.mfano mzuri watoto wa wachungaji wako tofauti na wazazi wao mambo wanayofanya uraiani je alaumiwe nani?

    JibuFuta
  4. Christian Bwaya6/7/09 5:52 PM

    Kissima, athari za makuzi mabaya si jambo linalohisika katika ufahamu (unconscious) kwa maana kwamba mwathirika hawezi jua kiuwazi kwamba ameathirika.

    Unapomshauri mtu huyo ajikomboe, huoni kwamba utakuwa unamkabidhi kazi inayozidi uhalisia?


    Mdada,

    katika watu ninaodhani wanajisahau ni hao wachungaji. Wanatumia muda mwingi kuchunga kondoo kuliko kuchunga watoto wao. Kwa hiyo haishangazi kwamba watoto wao mara nyingi wanachora mshazari wa kitabia ambazo kimsingi ni mwangwi wa udhaifu wa wachungaji wenyewe...

    JibuFuta
  5. Bila jina6/7/09 6:41 PM

    A person becomes what the parents invest in him. We are the product of parential genes which convey the traits we may have.

    There is no way an honest parent may deny the reflected behaviours in his child because on addition to the genetic truth, the influence of his parenting style plays a role on what the child will become.

    The argument made by Mdada and Kissima are doubtful since a child to not choose the personalities they happen to have.

    The question of the environmental effect is of no use to blame the child himself.

    Strong parenting style may guide a child to overcome the environment variables on his own. Parents make a narrow escape in this respect.

    I like the discussion.

    JibuFuta
  6. Albert Kissima7/7/09 10:40 PM

    Bwaya, ukizungumzia swala la unconsciousness ina maana kwamba hata wazazi hawapaswi kulaumiwa bali wale mababu zetu wa zamani.
    Mimi naamini kuwa tabia hizi zinaweza kubadilika, ni swala tu la kujielewa na kuweka azimio la kuachana na tabia zisizofaa(ukombozi binafsi)

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»