Unayatumiaje masaa ishirini na mane?

Binadamu wote ni sawa kwa maana nyingi. Usawa mmoja wapo ni kiasi cha muda ambacho kila mmoja wetu anacho.

Kila binadamu anayo masaa ishirini na mane kwa siku. Masaa yaliyotimia yenye dakika sitini.

Kinacholeta tofauti, ni namna tunavyoyatumia masaa haya kwa faida. Kile tunachofanya katika kila 'lisaa' linalopita mikononi mwetu.


Wakati wapo wanaoweza kupangilia mgawanyo wa muda kwa siku inayofuata, na kutathimini adabu waliyo nayo kwa kile walichopanga, wengi tunajikuta tunafanya yale tusiyoyapanga na hivyo hatuna namna ya kutathmini matendo yetu ya siku.


Watumiaji wazuri wa muda wanao uwezo mzuri wa kusema 'hapana sikupanga hili' wakati watumiwaji wa muda hawana uwezo huo.


Ninaposhindwa kusema hapana mahala ambapo nilipaswa kufanya hivyo, ni namna bora zaidi ya kuteketeza muda.

Ikiwa tutaweza kudhibiti matumizi ya muda, tutakuwa tumeweza kuyadhibiti maisha yetu.

Maoni

  1. kamala Lutatinisibwa Lutabasibwa2/7/09 3:43 PM

    nini kimekufanya uja na mada hii? kwa sababu hujaonekana mpaka watu (hasa mzee wa C/MOTO) wakadhani ulikuwa labda mmoja wapo wa abiria wa ndege zile? unamaanisha huna nidhamu ya muda wa ku-blog? unamaanisha wanaokutembelea wana nidhamu mbovu ndio maana haupo? umeona baadhi ya watu wakipoteza muda wao vile usivyopenda?

    kwa nini, kwa nini, Y?

    (tuelewane; sina lengo la kukukwazwa wewe wala msomaji yeyote)

    JibuFuta
  2. Bila jina2/7/09 3:48 PM

    Habari kaka! unatubeep au umerudi jamani,tulimis topic zako hasa mimi mdada mpk nikakutext.

    JibuFuta
  3. Christian Bwaya2/7/09 4:41 PM

    Ndugu Kamala,

    Nimekuja kubaini kwamba ni utovu wa nidhamu ya muda ndio ulinifanya nipotee bloguni. Baada ya kujitathmini, nikagundua kuwa hata kama ni kweli mambo yalipandana, lile na hili, yale na hayo; kama ningekuwa na adabu ya muda nisingepotea kivile. Kinachochangia upotevu wangu (mara nyingine) ni kukosekana utaratibu wa kuheshimu kila wajibu nilio nao kwa uzito unaostahili.

    Mafunzo hayo niliyoyapata, nilidhani yangeweza kushirikishika na wenzangu ambao wengi wao tulijadiliana kwa kirefu nyuma ya pazia katika kipindi chote cha ukimya wa blogu hii.

    Mdada,

    Nimepiga kabisa 'sijadipu'. Karibu tujadiliane.

    JibuFuta
  4. Albert Kissima3/7/09 8:16 AM

    Karibu sana kaka Bwaya, hakika umepiga kweli kweli, tena full dola mzee.
    Ulichosema ni sahihi, tukiutawala muda vizuri, kamwe hatutasingizia majukumu, mambo kusongana na kadhalika.

    JibuFuta
  5. kamala Lutatinisibwa Lutabasibwa3/7/09 9:08 AM

    nimekupata vyema Bwaya. lakini maisha haya kuna nyakati za deadlines, duh hata kupost kitu kidogo inakuwa noma. niewahpitia nyakatika kama hizo japo kublogu pia kuna umuhimu na nafasi yake.

    JibuFuta
  6. Christian Bwaya3/7/09 11:31 AM

    Kissima na Kamala nakubaliana nanyi. Mpangilio sahihi wa majukumu tuliyonayo hutupa nafasi ya kufanya mambo mengi katika ufanisi wake.

    Nilichokibaini ni kwamba mara nyingi ni rahisi sana kuyatelekeza majukumu yale yanayotegemea zaidi hiari bila deadline, huku tukiyatahayarukia yale yanayoonekana kuwa na deadline.

    Kwa msingi huo, nadhani kama anavyosema kamala, ni muhimu kujiwekea deadline hata katika yale majukumu yanayoonekana kuwa na hiari fulani kama haya ya kublogu.

    Katikati ya utitiri wa majukumu, bado ni kweli kwamba zipo dakika nyingi sana huzipoteza kwa porojo na mambo mengine yasiyo na ulazima. Laiti kama tungeweza kuzitumia vyema dakika hizo kwa ukamilifu, hicho kinachoitwa kuwa bize kisingekuwepo. Na tungeweza kuyatimiza majukumu yetu yote kwa ukamilifu basipo kujiahidi siku nenda siku rudi bila utekelezaji wa maana.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»