Nini hukifanya kitabu kuwa kitakatifu?

Niliyapenda maswali ya mwanazuoni Kamala. Sijayajibu, nikisubiri wengine wayajibu kwa haki.

Ninaandika kinachotoka moyoni na nimekitafakari muda mrefu.

Ninahitaji kuuelewa 'utakatifu' wa vitabu fulani tunavyoviogopa.



(picha kwa hisani ya 3.bp.blogspot.com)
Vinaongoza 'ushabiki' wetu kidini, na vinafikirika kuwa mamlaka ya ufahamu wetu.

Tukiwa wakweli, vitabu hivi viliandikwa na watu. Hata kama wengine walidai kuwa 'mabomba' ya ujumbe kutoka kwa Mungu, lakini walikuwa watu.

Tafsiri 'sahihi' ya vitabu hivi inahitaji imani. Akikisoma asiye na imani, anapata ujumbe tofauti na yule mwenye 'imani.'

Sentensi zinazoeleweka, zinapindwa-pindwa kukidhi mukhtadha wa kiimani.

Ningependa kujua hasa, vipo vitabu vingapi vitakatifu? Utakatifu wa kitabu unatokea wapi na ni nani mwamuzi wa utakatifu huu? Je, kitabu kitakatifu hakiwezi kusomwa bila uumini na kikaeleweka vizuri zaidi? Je, kitabu kitakatifu ni kweli tupu?

Maoni

  1. Yasinta Ngonyani23/7/09 3:54 PM

    Mimi naamini kitabu kitakatifu ni kila ambacho watu wenyewe wameamua kuwa ni kitakatifu. Ni mawazo yangu!!!

    JibuFuta
  2. Albert Kissima23/7/09 4:21 PM

    Swala la vitabu vitakatifu linabaki pale pale kuwa ni imani.

    Imani ni nini?
    Wakoloni walipoleta dini waliweka misingi fulani ktk ndani ya dini ambayo kila mmoja alilazimika kuifuata. Sasa hiki kinachoitwa imani ni taratibu na kanuni zilizowekwa ktk dini enzi hizo.Pengine heshima pamoja na utakatifu wa vitabu ambavyo leo hii huitwa vitakatifu ilikuwa ni miongoni mwa kanuni na taratifu zilizokuwa zimewekwa.


    Imani hairithiwi, mtu binafsi anaweza kuanzisha na pia kuachana na imani regarding kwamba utu na dhamani ya binadamu inalindwa.


    Izingatiwe kuwa kanuni na taratibu za mahali fulani zaweza kuwa ni imani za jamii hiyo zinapotumika muda mrefu.


    Watu (watoto) wanavyoamini kuwa wakiwaruka wenzao wale waliorukwa watakuwa wafupi,mtu akichapwa na ufagio au mwiko hata pata mke,kupita katikati ya watu waliosimama barabarani ni vibaya. Haya ni baadhi, yapo mengine mengi.Haya yangepewa mkazo unaotakiwa na yakawekwa kwenye vitabu yawezekana kabisa leo hii kitabu hiki kingekuwa kitakatifu na imani juu ya haya ingekuwa kubwa na kingeaminiwa kama vitabu vitakatifu vya leo vinavyoaminiwa.


    Ya mila nayo yangewekwa kwenye vitabu ingekuwaje?

    JibuFuta
  3. Christian Bwaya23/7/09 5:02 PM

    Kissima,

    Kwa hiyo, kama wazee wetu wangepata nyenzo, wakayaandika masimulizi yale ya kimila katika kitabu, leo hii tungekuwa na kitabu kitakatifu kama vile vya Wayahudi, Wahindi na Waarabu?

    JibuFuta
  4. Albert Kissima23/7/09 8:09 PM

    Tena ingekuwa na nguvu kuliko hii tunayoisujudia hivi sasa kwani ingepewa uzito mkubwa kutokana na kigezo kwamba yalimo yangekuwa yanahusisha na yangetokana na mazingira yetu moja kwa moja.


    Mtu mwenyewe anaweza kujijengea imani yake mwenyewe na akiamua imani ile ife anaweza hivyo imani hufa na huzaliwa.

    Mimi naweza kuweka imani kuwa kwa kusaidia wengine nitakuwa huru na nitakuwa na mafanikio.Kama ninaimani na hili hakika lile nilitakalo litafanikiwa.

    JibuFuta
  5. Bila jina24/7/09 12:32 AM

    Kitabu Chochote kitakatifu kinachodai kuwa ni ufunuo kutoka kwa Muumba huwa kinafanyiwa (falsification test) kikiweza kupita hapo basi kinakuwa hakiwezi kupingika. Quran ni kitabu ambacho mtume Mohamed alifunuliwa na Mungu na kuwaamuru wafuasi wake waandike, hakuna Qurani ya Abubakar wala ya Omar. Si kama Biblia ambayo imeandikwa na waandishi baadaye baada ya Yesu kuondoka, ndiyo maana utaona kuna kitabu cha Mark, Luke, Mathew, John.Ningependa watu waweze kupata Kitabu Injili halisi kilichoandikwa kwa lugha ambayo Yesu aliyokuwa akiizungumza kama kipo na si hizi Biblia tunazozisoma ambazo zimefasiriwa katika lugha mbalimbali ili tuweze kuupata ujumbe halisi.

    JibuFuta
  6. Fadhy Mtanga24/7/09 1:22 AM

    Mimi bado nipo nyuma kiuelewa kuhusiana na mambo haya ya dini na imani.
    Nashukuru hili ni darasa zuri sana kwangu.

    JibuFuta
  7. Albert Kissima25/7/09 8:16 AM

    Ndugu anony, unataka kuniambia kuwa mpaka sasa Kurani haijaandikwa kwa lugha nyingine zaidi ya kiarabu?

    Hata hao waliopewa amri ya kuandika kurani nao ni waandishi pia.Huoni kwamba kama angeandika Mtume mwenyewe ingekuwa kitu tofauti?

    Hata hao uliowaorodhesha kama waandishi ni wafuasi wa Yesu kwani hata kuandika tu habari za Yesu tu huo tayari ni ufuasi na utume.
    Wewe mwenyewe kama ni muislam kwa kuwa unamwamini Mtume Muhamad, wewe ni mfuasi na ni mtume vilevile.

    JibuFuta
  8. kamala Lutatinisibwa Lutabasibwa25/7/09 12:08 PM

    ni kwamba, vitabu vyoote viliandikwa. baadhi ya maandishi kwenye vitabu hivyo ni ndoto, matamanio, matarajio, furaha, mitizamo na ubinafsi.

    ukisoma vizuri utaona ujinga mwingi kuliko akili au busara. anyway tafsiri ndio muhimu kwani jinsi unavyotafisiri ndivyo inavyokuwa.

    wale wanaofuata vitabu 'vitakatifu' mna hali ngumu kwani baadhi ya mafundisho kama ya Yesu (mfano) sio halisi katika vitabu. baadhi ya waanzilishi wanaongelea 'experiences' za kukua kiroho au kile walichokiona katika meditations japo sisi tunazungumzia hisia. 'experiences' za 'higher' regions haziwezi kuzungumzika zikaeleweka wala kundikwa zisipoteze maana kwani huwa ni pana kiasi kwamba hazienei kwenye maandiko na hivyo mpaka ziandikwe huwa zinapunguzwa uhalisia wake mpaka mtu afanye na ku-experience mwenye na sio kutumia akili bali roho na sio kuamini bali kuona.

    hii ni moja wapo ya upugufu katika vitabu viitwavyo vitakatifu na ndio maana ukivisoma kwa makini unakuwa na kupanda daraja na kuuona ukweli mkuu.

    JibuFuta
  9. Simon Kitururu25/7/09 12:40 PM

    DUH swala lanikunisha kichwa tu hili!:-(

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»