Tujichunguze kabla ya kumshutumu Michael Jackson


Watu wengi wanamshutumu Michael Jackson utafikiri hawafanyi alichofanya. Walipewa nywele pilipili, wanazikaanga ziwe kama za Michael Jackson. Wana vyuso nyeupee lakini miguu myeusi tii. Eti nao wanamlaani Michael Jackson.


Tumekuwa vipofu. Wengi wetu hatukufikia hatua ya kuchonga pua, kwa sababu tu hatukujaliwa pesa za kufanya hivyo!

Nilimwambia dada mmoja hivyo, nusura anitoe ngeu. Lakini meseji senti.


Wengi wetu hatuna tofauti na mzungu Michael Jackson. Halafu tunajidai kumshambulia.


Je, huu ni uungwana kweli?

Maoni

  1. Mzee wa Changamoto10/7/09 3:17 PM

    Well!! Wengi wa wanaoonya hata hawajui maisha aliyopitia na yalioelekeza kufanya alichofanya. Kulikuwa na usiri wa hali ya juu katika maisha yake na sasa yaonesha kuwa ni machache sana yaliyokuwa yakifahamika kumhusu. Lakini tukubali ama tukatae, kuna wengi ambao tunawaheshimu na kuwapenda ambao maisha yao ni mabovu zaidi ya huyu ambaye tunamhukumu sasa. Watu wanahoji mengi kumhusu Michael na hata watu wengine kwa kuwa ya kwao hayajawekwa wazi. Kwa walio hapa Marekani watatambua hili zaidi kwa kuwa tumewaona na kuwasikia na kuwasoma viongozi wengi wa kisiasa (hasa hawa wahafidhinba wa Republican) wakisema na kuhimiza kuhusu MISINGI YA KIFAMILIA NA NDOA na wengi wao sasa wamekamatwa na kashfa za UZINZI na hata WIZI WA PESA. Ni kati ya watu ambao wakiwa wanaongelea matatizo ya jamii na namna ambavyo jamii inastahili kushikilia nguzo za kifamilia, utadhani wamewekewa PASSWORD YA MAOVU lakini wanapokuja "kudabuliwa" na maovu yao wanakuwa wadogodogo na wenye aibu tele.
    Ni hali hiyohiyo ilivyo kwa wengi wetu. Tunasema tusemayo kwa kuwa yetu hayako mwangani.
    Namsikiliza saana Lucky Dube na katika wimbo wake huu alisema "the things you say today will come and hunt you tomorrow, the things you do today will come and hunt you tomorrow. IF YOU CAN'T SAY SOMETHING GOOD ABOUT SOMEBODY, JUST SHUT UP"
    Na ni ujumbe huu huu ninaoutuma kwa wote wajionao watakatifu kuwa, kama kuna utakatifu ndani yenu, na muendelee kuishi kitskstifu huku mkiwasaidia wasio nao kuupata bila kujitangaza. Na hakuna haja ya kujisifia kwani watenda mema hujulikana. Pia hakuna haja ya kusema mabaya kwani haisaidii lolote hasa kwa aliyekwisha uvua utu.
    Kwa hiyo, kama huna la kusema, ama huna zuri la kusema kuhusu mtu mwingine, JUST SHUT UP

    JibuFuta
  2. Simon Kitururu10/7/09 7:24 PM

    Nakubaliana kabisa na Mkuu Bwaya na Muzee wa CHANGA VOLKANO.

    Ila samahani kwa Muzee Changa Volkano miye nimejipa UTAKATIFU mwenyewe nimechoka kumsubiria PAPAA BENEDIKTO.:-)

    JibuFuta
  3. Christian Bwaya10/7/09 8:01 PM

    Mzee wa changamoto asante sana kwa mchango ulioshiba. Nimesoma maoni yako kwa tafakari kubwa na nimejifunza mapya.

    Mtakatifu Mkodo, habari za siku? Nshakutumia e-mail bila mafanikio. Pole na majukumu mkuu!

    JibuFuta
  4. Albert Kissima10/7/09 9:20 PM

    Mimi nadhani kuchonga pua, kubadilisha nyeti, n.k hii ndio balaa ya kumtafuta Mungu maneno, lkn kukaanga nywele, kupaka kucha ina,kupaka lipstiki,n,k si makosa hata kidogo na haya hayapaswi kuzungumziwa.

    Ina maana hata kunyoa nywele ni yale yale ya wako jako?
    Hatukuzaliwa na Nguo, wala viatu, hayo nayo ya kiwako jako?
    Kwa nini tulipewa utashi?

    Hivi wanaofanya plastic surgery wana hatia kwa Mungu?

    JibuFuta
  5. Given tmk1/8/09 11:01 AM

    Kwa maoni yangu urembo sio kujichubua lkn kuwa msafi ni jambo jema! Nawahurumia sana watu wanaopenda mambo hayo.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»