Mbona hutumii kipaji chako?

Tulidokeza awali kwamba ni makosa kujaribu kutafuta tusivyonavyo, ilhali tukiviacha tulivyonavyo vikiteketea bila taarifa.

Vipaji ni mojawapo ya vingi tulivyonavyo. Tunapozungumzia vipaji, tunaanisha uwezo asilia ambao tunazaliwa nao bila kujifunza. Na kila mtu ana kipaji hata kama hakijui.

Inasikitisha kuwa watu wengi wanatumia maisha yao hapa duniani kujaribu kubadili vipaji walivyozaliwa navyo. Wanakana uwezo wao na kukimbilia vitu dhaifu kama sifa za bure bure, heshima kwa jamii isiyojitambua, pesa na vitu kama hivyo.

Matokeo yake, wanakaanga vipaji vyao. Wanapotea njia. Wanafanya kazi zisizowapa furaha. Wanaishi maisha ya wengine. Hayo yote ni kwa kutokuvijua na kuvitumia vipaji vyao.

Kwa nini tusianzie na hapa tulipo? Kwa nini tusianzie na tulivyonavyo? Na kama tulivyonavyo ni vipaji, kwa nini tusivitumie?

Itaendelea...

Maoni

  1. Fadhy Mtanga4/7/09 10:25 PM

    Twashukuru sana kaka,
    Hili uliloandika,
    Changamoto ya hakika,
    Kazi tukaifanyia.

    JibuFuta
  2. Yasinta Ngonyani5/7/09 3:57 PM

    Asante kwa kutukumbusha kwani kuna wengine tunasahau kama tuna vipaji. Ni somo nzuri

    JibuFuta
  3. Bila jina6/7/09 10:12 AM

    Asante kaka mdada nasema ni kweli watu hatufanyii kazi vipaji au kwa jina lingine karama tulizo nazo matokeo yake taifa kwa ujumla linabaki kuchukua wataalam toka nje ya nchi kwa mambo flani flani lakini kama watu wangebobea kwenye fani zao wangetatua tatizo hili, na hata kama watafanikiwa kusomea kipaji chao kwa uzoefu wangu wengi wetu hawapendi kubaki hapa nchini kwa mfano madaktari walio wengi wapo nje ya nchi wakidai maslahi hayatoshi,uchumi wa nchi pia unasababisha hali kama hii unasomea ualimu wakati kipaji chako ni muimbaji sidhani kama utafundisha kwa moyo wanafunzi,kitu kingine sasa hivi soko la uigizaji hata wasio na kipaji wameparamia fani hii nadhani unalifahamu hili.

    JibuFuta
  4. Albert Kissima6/7/09 12:02 PM

    Kama mdada alivyosema,hali ya maisha kuwa ngumu(uchumi mgumu) unachangia sana watu kutokutii matakwa ya vipaji vyao. Wakati mwingine tunalazimika kuangalia uwezekano uko wapi, ndio maana si wote ambao ni waalimu walipenda kuwa waalimu, madactari vile vile , mapolisi n.k unakuta si vipaji vyao bali mashinikizo fulani fulani yakiwemo ya ugumu wa maisha. Mtu anaweza kuambiwa asomee masomo ya uhasibu( hata kama si kipaji chake) kisa tu nafasi hiyo imeshaandaliwa mahali fulani hivyo mtu analazimika.

    Utaratibu wa elimu yetu unachangia sana watu kushindwa kutambua vipaji vyao. Ukweli ni kwamba kwa namna ya usomaji wetu, ili mtu afanikiwe ktk masomo, asilimia kubwa ya mda lazima utumike kwenye kusoma hivyo muda wa kufanya mambo mengine mbali na kusoma unakuwa mdogo.

    Binafsi naamini kwamba kama sitajihusisha na mbambo mbalimbali kulingana na mazingira niliyopo, kukitambua kipaji changu itakuwa vigumu sana.

    Walezi/wazazi wananafasi kubwa sana ya kuwaongoza watoto wao toka wakiwa wadogo ktk kuja kuviishi vipaji vyao, na hakika huo ndio muda muda muafaka kabisa.
    Kutambua kipaji chako ukubwani ni kazi ngumu sana.Ndio maana hata kuwa watu wanaombiwa kuwa wana kipaji fulani lakini ukweli ufanisi wa asifiwacho unakuta umetokana na uzoefu tu na si kipaji chake.

    Mwisho kabisa, kama inawezekana, hints za kugundua kipaji ziwekwe wazi na hili litasaidia wengi.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»