Kwa Nini Wanawake Wenye Mafanikio Wanaogopwa?





UPO ukweli kuwa wanaume wengi wanawaogopa wanawake wenye mafanikio. Hawa ni wanawake wenye kiwango kikubwa cha elimu, fedha, umaarufu au hata madaraka katika jamii. Hoja ya wanaume wenye mawazo haya ni ugumu wa kuwaongoza wanawake wanaowazidi kama alivyonieleza Godfrey, mwalimu wa sekondari jijini Arusha:

“Mwanawake akipata kitu anakuwa jeuri sana. Hawezi kukusikiliza tena na atataka awe huru kufanya mambo yake bila kuingiliwa.” Kwa mujibu wa Godfrey, uwezo wa kifedha na mafanikio kwenye maeneo mengine ya maisha mara nyingi humfanya mwanamke asiwe na utayari wa kuwa chini ya utawala wa mwanaume. “Huwezi kuishi na mwanamke anayejiona yuko juu yako na ukabaki salama. Hatokuwa tayari kukupa nafasi ya kuwa na sauti kwenye nyumba.”

Hitaji kubwa la wanaume wengi ni mamlaka. Wanaume wanapoingia kwenye uhusiano na mwanamke wanakuwa na shauku ya kuwa na sauti inayosikika bayana kukidhi dhana ya kichwa cha familia. Ili sauti hii iweze kusikika bara bara uwezo wa kifedha, kielimu, kimadaraka na hata umaarufu unakuwa na nafasi yake.

Kwa maana hiyo inapotokea mwanamke ameshindwa kuwa chini ya mamlaka yake, mwanaume huanza kujisikia hayuko salama kama anavyoeleza Dickson, karani wa benki mjini Moshi:
“Niliwahi kuwa na dada mmoja mwenye Masters wakati huo mimi nafanya shughuli zangu ndogo ndogo za kiujasiriamali na elimu yangu ya Diploma. Kaka nilikoma kuringa. Mule ndani tulikuwa na bunge lisiloisha. Kila ninachosema, bi mkubwa lazima apinge. Masters ikawa inashindana na Diploma sikuweza kuvumilia.”

 Inavyoonekana kuna ukweli kuwa mwanamke anapokuwa na mafanikio anakuwa na nguvu saidi. Hii si kwa wanawake pekee. Hata wanaume nao wanapofanikiwa wanakuwa na nguvu zaidi katika jamii. Hadhi yao katika jamii inaongezeka na wanasikika zaidi kuliko watu wasio na mafanikio.

Lakini je, kwa nini mwanaume atishwe na sauti ya mwanamke? Je, haiwezekani mwanamke awe na sauti sawa na mwanaume na mambo yakaenda? Silas anajibu, “Lazima mwanamke awe chini ya mwanamke. Iko hivyo tangu kuumbwa kwa dunia. Ukijaribu kupora mamlaka ya mwanaume umepora uanaume wake.”

Kwa upande mwingine tatizo linaweza lisiwe mafanikio ya mwanamke bali kutokujiamini kwa wanaume kama anavyoeleza Irene: “Wanaume wengi hawajiamini. Wanajitutumua tu kwa mabavu na ukali lakini wamejaa wasiwasi. Kwa nini utishwe na mafanikio ya mwanamke kama unajiamini?” anauliza Irene ambaye ni mhasibu wa shirika la moja la umma na kuendelea, “Kwa nini utake kuwa juu ya mwanamke? Kwani ukiwa sawa na mwanamke unakosa uanaume wako? Haya ni mawazo yaliyopitwa na wakati.”

Kwa mujibu wa Irene, si wakati wote tatizo linakuwa ni mwanamke mwenye mafanikio. Wakati mwingine hizi huwa ni hisia tu ambazo zikiaminiwa hugeuka kuwa kweli. Inavyoonekana wanaume wengi wana nafsi zilizo na umaskini wa hadhi na hivyo wanatumia mahusiano yao na wanawake kushibisha njaa waliyonayo.

“Umewahi kujiuliza kwa nini wanaume wengi wanapenda kuoa wanawake wanaowazidi? Maprofesa wengi wanaoa darasa la saba. Mtu kusoma kote anaishia kuoa housegirl. Unafikiri ni kwa nini?” aliniuliza Balibate. Hoja yake ni kuwa wanaume huvutiwa na wanawake dhaifu ili waweze kuwatawala kwa urahisi.

“Mwanaume wa kawaida yuko radhi aoe mwanamke asiye na mbele wala nyuma tena bila kipato chochote ili iwe rahisi kumtawala. Nafikiri suala hili limekaa kimazoea zaidi kuliko kimaumbile. Tumelelewa tukiaminishwa uanaume ni jinsia bora zaidi kuliko kuwa mwanamke.”

Kama anavyoeleza Balibate, wanaume wengi huficha udhaifu wao kwa kuvutiwa na wanawake dhaifu. Jitihada za kujihami na fedheha ya kuonekana yeye ni mtu asiye na mamlaka humfanya aogope kuwa na mwanamke anayeweza kumzidi.

Tunachoweza kujifunza ni kuwa kuna ukweli kiasi fulani kuwa shida ipo. Wanawake wenye mafanikio huwa ni tishio kwa baadhi ya wanaume. Ipo haja kwa wanawake kuchukua hatua za kuondoa tishio hili. Wanawake wasiogope kufanya wajibu wao kama wanawake kwa kutambua mahitaji ya kisaikolojia ya wanaume. Mwanamke waepuke kutumia mafanikio yao kushindana na wanaume.

Lakini pia wanaume, kwa upande mwingine, wanahitaji kujitambua na kuelewa kuwa hawawezi kuwa imara zaidi kwa kutumia mbinu za kizamani. Siku hizi wanawake wengi wanakwenda shule. Nafasi yao kufanikiwa imekuwa kubwa sawa na wanaume. Wanaume wakubali kuwa wanawake nao wanaweza kuwa na mafanikio. Mawazo kuwa uimara wa wanaume utegemee udhaifu wa wanawake yamepitwa na wakati. Muhimu ni wote, mwanaume na mwanamke kujitambua na kutambua wajibu wao.

Maoni

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»