Mwaliko wa Mkutano wa Global Voices, Dar es Salaam, Novemba 1, 2014

Tunayo furaha kubwa kutangaza mkutano wa Global Voices unaotarajiwa kufanyika Dar es Salaam, Tanzania siku ya Jumapili, Novemba 2, 2014 kuanzia saa 6 mchana hadi saa 10 adhuhuri. Mkutano huo utafanyika kwenye Kituo cha Teknolojia na Mambo ya Jamii, KINU, washirika wa Global Voices Swahili hapa nchini.

Mikutano ya Global Voices ni mikusanyiko midogo inayokusudiwa kusaidia kuwaunganisha waandishi na watafsiri wa Global Voices na wasomaji pamoja na wadau wa habari za kiraia katika maeneo inakofanyikia mikutano hiyo.

Wakati mkutano huu ukifanyika, mikutano ya namna hii itakuwa ikifanyika pia kwenye miji ya Accra, Beirut, Tunis na Belgrade.

Mkutano huu wa Dar es Salaam unakuwa fursa ya mara ya kwanza kabisa kwa Global Voices kukutana na wasomaji wetu nchini Tanzania. Katika agenda za mkutano, kadhalika, kutakuwa na mada kuhusu Uandishi wa Kiraia Tanzania itakayotolewa na Ndesanjo Macha, ambaye ni mwanablogu wa kwanza nchini Tanzania, namna ya kukusanya na kuandika kwa ajili ya wasomaji wa Kitanzania, itakayotolewa na Constantine Manda wa Vijana FM, umuhimu wa kuandika katika lugha ya Kiswahili, itakayotolewa na Zamda Ramadharan, Mhadhiri Msaidizi wa Chuo Kikuu cha Dar es Salaam na nyinginezo.

Unaweza kuona agenda kamili za mkutano huo hapa.

Kama unapenda kushiriki, tafadhali jaza fomu ya kujiandikisha. Tukio hili liko wazi kwa wote ingawa nafasi ni chache sana.

Hapa unaweza kuona ramani ya namna ya kufika kwenye Jengo la Conservation lililo kwenye barabara ya Ali Hassani Mwinyi, karibu na Ofisi za Airtel, Moroko, mahali utakapofanyikia mkutano.

Kwa taarifa zaidi, tafadhali wasiliana na: christianbwaya [at] gmail [dot] com

Makala haya yalichapishwa awali na Global Voices.

Maoni

  1. Yasinta Ngonyani28/10/14 2:18 PM

    nawatakieni yote mema na nasikitika kwamba sitaweza kuhudhuria

    JibuFuta
  2. Christian Bwaya28/10/14 3:23 PM

    Asante sana Yasinta kwa kututakia heri. Tutapatikana kwenye mtandao wa Twita unaweza kutufuatilia bila wasiwasi wowote

    JibuFuta
  3. Henry Kazula30/10/14 2:09 PM

    Nawapongeza sana kwa kuanzisha Global Voice na pia kuwashirikisha wengine kujua zaidi kuhusu uandishi wa Kiraia.Nilikiwa kama mdau wa masuala ya uandishi nilipenda sana kuhudhuria, ila kwa sasa nipo masomoni Arusha.Naweza kumtuma mwakilishi wangu wa kampuni?
    Henry Kazula.
    Mwandishi,Jielimishe Kwanza!

    JibuFuta
  4. Christian Bwaya30/10/14 5:33 PM

    Ndugu Henry asante sana kwa kutambua juhudi hizo. Kwa kuwa ufanisi wa mkutano ni wadau kama ninyi, unaweza kabisa kumtuma mwakilishi. Muhimu ni kuhakikisha anajaza/umjazie fomu ya kujiandikisha. Nimeweka kiungo chake hapa chini. Karibu sana.

    https://docs.google.com/forms/d/1DxhL6XfJoDSZwDbObeqk0a22gpuY_Soj_JF80CAI3yI/viewform?c=0&w=1

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»