Nani yu huru?

Wakurupuka alfajiri, haraka wende kazini
Wajutia kuliacha shuka, waogopa kuchelewa
Ukifanyacho kimepangwa, mpangaji ni mwajiri
Muda ulohisi wako, ukweli si wako
Mwajiri kaununua nira kakufungia
Wajisifu na ajira?

Mwajiriwa akilinda kibarua chake|Picha ya picturesof.net
                                     


















Uhuru ni nini na aliye huru ni nani?
Aliyehuru hufugwa na mwingine, ati?
Aliye huru yuna muda
Cha kufanya akipanga yeye, pa kwenda haamrishwi
Huenda atakako kwa hiari ya muda wake
Hupata mkate wake pasipo mauzo ya muda wake
U huru?


Mtumwa aongozwa na bwana wake
Hiari na aendako hanayo
Kazini ni lazima
Ujira huupata kwa kuuza uhuru wake
Hana mamlaka na muda alodhani wake
Muda wake kauuza kwa mwajiri
Nira kakabidhiwa
Mabega yote juu, meno yote nje
Ajisifu ana ajira!



Upendacho kukifanya, huthubutu kukifanya
Si wajua hakikupi muamala?
Usichopenda ndo' wakifanya kupata mkate wako
Kwa gharama ya muda wako mkate waupata
Muda huna shilingi wapata
Shilingi wapata kwa kumtumikia mwajiri
Na wadai u huru?


****************************************

Pasina muda swahiba huwezi kuwa uhuru

Maoni

  1. Yasinta Ngonyani18/5/12 8:31 PM

    Kutokana na shauku kusema kweli hata sijasoma ulichoandika. Kwanza nataka kukulaki kwa furaha zote kwa kurejea hapa nasi ...karibu sana kaka Bwaya..yaani wewe ni mwiko kukufikiria nilipanga kesho nikutangaze na nipeleke tangazo kwa polisi ila umewahi ..ntarudi kesho kutoa maoni ya mada...

    JibuFuta
  2. Christian Bwaya18/5/12 8:45 PM

    Ha ha ha haaaa! Upo dada Yasinta? Nimefurahije kuonana na wewe saa hizi? Karibu mwaka ati! Yaani ndio kwanza nafuta futa vumbi ndani ya nyumba iliyohamwa siku nyingi, hata dekio lenyew sijashika, mara jirani wabisha hodi? Asante sana kwa mapokezi moto moto. Ngoja nikague usalama tutalizana za siku!

    JibuFuta
  3. Bila jina12/12/12 5:01 PM

    sikuzote sio rahisi kwa mtanzania kufikiria juu ya uhuru wake yeye mwenyewe kinachojaliwa sana ni pesa na kujikimu kimaisha unajukumu lingine kubwa la kusama ni kwa vipi basi mtu aweza pata huo uhuru

    JibuFuta
  4. and9/1/14 6:58 PM

    visit my furniture indonesia Mebel jepara Murah

    JibuFuta
  5. Zainul Ashari29/3/14 7:33 AM

    good information

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Makundi Manne ya Tabia za Watoto Kitabia

Picha
Ingawa ni kweli tunazaliwa na sehemu ya tabia tulizonazo, upo ukweli wa kiutafiti unaothibitisha kwamba mazingira ya kimalezi yana nafasi kubwa katika kujenga tabia za mtu. Ukuaji wa mtoto kimwili na kiakili, mathalani, unatawaliwa zaidi na uasili ambao kwa kiasi kubwa hatuna mamlaka nao. Hata hivyo, ukuaji wa kihisia na kimahusiano unatawaliwa zaidi na mazingira ya kimalezi ambayo tayari tuliyaona kwenye makala iliyopita .
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»