Kuyamudu Mafanikio Yako...


Fikiria umehitimu masomo kwenye chuo maarufu; umepata alama nyingi kwenye mtihani mgumu; umepata kazi yenye heshima; umejenga nyumba nzuri; umenunua gari la ndoto zako; umesafiri kwenda mahali wanakotamani kwenda watu na hawawezi au basi tu umekutana na mtu fulani maarufu.

Unajisikiaje kama watu hawatafahamu? Kwa nini watu wakifahamu unajisikia vizuri zaidi?

Kwa wengine wetu, mafanikio yetu yasipofahamika kwa wengine haturidhiki. Tunapima thamani ya tulichonacho kwa kuangalia wengine wanavyokikubali. Ndani yetu unakuwepo msukumo wa kutamani wengine waone mema yanayotutokea. Furaha ya binadamu ni kufanikiwa. Hakuna asiyependa kufanikiwa na ni vigumu kuficha mafanikio. Ukifanikiwa watu wataona na wataambiana.

Hata hivyo, hali hii ya kupenda mafanikio, inaweza kuchukua sura ya mashindano. Mtu anaweza kushindwa kuvumilia mafanikio yajitangaze yenyewe. Anaweza kujikuta akitumia nguvu nyingi kutangaza. Anatamani kila anayekutana naye asikie. Bahati mbaya kufanya hivyo huleta matokeo hasi kama nitakavyofafanua.

Binadamu (kwa asili yake) ni mtu wa mashindano. Kimya kimya, tunashindana sisi kwa sisi. Nani ana nini na mimi nina nini. Tunajilinganisha. Ukiwa na kizuri wasichonacho, unajihesabu umefanikiwa. Ukikosa kizuri walichonacho wengine, unanyong'onyea. Sehemu kubwa ya maisha yetu ni KUJILINGANISHA. Hulka hiyo ya kushindana hutufanya tuwaonee wivu (na hata ikibidi kuwachukia) wale wanaoonekana kutuzidi.

Unapotangaza mafanikio yako zingatia hilo. Asiye na hicho ulichonacho, hatakuwa mwepesi kukupa heshima unayoitarajia. Sababu? Anatafsiri heshima yako kama udhaifu kwake. Hatakubali ajione dhaifu kirahisi. Ndio maana atakusema, atakupinga na ikibidi kukudhalilisha. Kwa nini? Mashindano.

Ni vizuri kabla hujawaambia watu mafanikio yako jiulize, 'Hivi ni lazima wajue? Wakijua watanufaika? Kama ni muhimu wajue, je siwezi kuwaacha wakajua wenyewe? Hadhi yangu inategemea namna watu wanavyoniona?'

Pengine tunahitaji kujifunza kumudu mafanikio. Kama si lazima, usiwaumize watu kwa kuwaonesha kile unachojua hawana. Waache waone wenyewe na ikibidi waambiane wenyewe. Unapotumia mikakati kuwajulisha, inakuwa kama mtu anayekwenda kula keki katikati ya watu wenye njaa. Hawataelewa mantiki yake, hata kama wanaweza kutoa pongezi kwa maumivu. Uzuri ni kwamba anayejitambua, hawaumizi wengine kihisia.

Maoni

  1. Unknown28/3/17 6:41 AM

    Ni kweli kabisa hiyo ndio tabia yetu binadamu na kutokana na hii tabia ya kutaka kujionyesha tumempa Markzagart faida ya kuuunda facebook ambapo humo kazi yetu n kuonyesha mafanikio,
    kwa nn tusiache watu wayaone wenyewe live mpaka tu post mitandaoni...
    tubadilike jamani

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»