Kitabu Kipya cha Malezi na Makuzi



Malezi ya sasa yamekumbwa na changamoto nyingi na kusababisha watu kushindwa kuwasaidia watoto na vijana wao ili kufanikiwa. Mmomonyoko wa maadili umekuwa chanzo kikubwa cha matatizo yanayomkumba kijana na jamii kwa ujumla. Matatizo hayo ni kama vile ukosefu wa ajira, kushindwa kufikia ndoto za maisha, migogoro katika familia, pamoja na watu kushindwa kuwa na utulivu na amani.

Kwa bahati mbaya, masuala haya hayajapewa nafasi katika mijadala yetu. Na hata pale yanapojadiliwa, uchambuzi wake umekuwa wa kijuu juu usiojaribu kutazama kiini cha matatizo. Kadhalika, pamekuwa na uhaba wa maandishi yanayoweza kuchochea mijadala inayolenga kutafuta ufumbuzi wa masuala haya mazito.

Mwalimu Joseph Chikaka ameandika kitabu kinachoitwa “Watoto na Ndoto za Maisha.” Katika kitabu hiki, mwandishi anachambua kwa kina malezi na makuzi ya mtoto yanayosababisha tupate vijana, familia zilizo imara, na hatimaye, taifa lenye furaha. Anakupa mbinu na ushauri wa kimalezi na kimakuzi zitazokuwezesha kupata jamii bora yenye usawazo kiroho, kiakili (kimtazamo), kimwili (afya) na kijamii (mahusiano).

Pia, kitabu hiki kinatoa mbinu na ushauri wa masuala ya msingi ya mzazi, mlezi na mwalimu ya kuzingatia; ili kumsaidia mtoto, kijana na mtu yeyote kuweza kutimiza ndoto zake. Jinsi gani mtu anaweza kutimiza ndoto zake kupitia watu wengine, jinsi gani anadumu ama kupotea kwa njia ya kuelekea katika ndoto.

Mwandishi anachambua kwa kina, jinsi ambavyo watoto huzaliwa na kukua kwenye familia nyingi wakiwa na ndoto nyingi katika maisha yao ya baadae. Ndoto hizo huweza kutimizwa au kushindwa kutokana na jinsi gani wazazi, walezi na serikali zinaweza kusaidia. Aghalabu, wanakuwa na ndoto za kuwa wahandisi, wasanii, walimu, kasisi/ mchungaji, wanasiasa, madaktari, wakulima wa kisasa au kuwa fundi sanifu.

Kwa bahati mbaya, ndoto hizi hazitimii watu wanapofikia umri wa ujana na utu uzima. Sababu kubwa ni changamoto za maisha na ukosefu wa malezi na makuzi bora; ambazo mwandishi ametoa suluhu yake kwa kina.
Vile vile, amethibitisha kwamba, mafanikio ya mtu hayaji kwa bahati mbaya, bali huandaliwa; na mafanikio ya kijana wa leo ni matokeo ya malezi na makuzi ya utotoni.

Mwandishi ni mwalimu mwandamizi katika shule ya Awali na Msingi ya Ignatius, Dodoma. Pia, amefundisha shule mbalimbali hapa nchini. Ni mbobezi katika uandishi wa vitabu, makala, ujasiriamali, unasihi na saikolojia. Pia, ni mtaalamu wa kuendesha mafunzo, semina, kongamano na matamasha ya kitaaluma, michezo na stadi za maisha.


Kitabu hiki kinapatikana kwenye duka la vitabu lililo karibu nawe kwa bei nafuu ya Tsh 15,000. Pia, unaweza kupiga simu namba 0755 423 258, 0658 423 258 kwa mawasiliano zaidi.

Maoni

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Kama sio utumwa ni nini hiki?

Habari za siku ndugu msomaji. Binafsi sijambo. Nafurahi kurejea kibarazani baada ya heka heka za huko na huko. Itoshe kuhusu mimi, nikukaribishe tena humu ndani. Leo ningependa kukusimulia kisa kimoja. Nikuase kwanza, kwamba usilazimike kunielewa vibaya. Sijawa na tabia ya kuona makosa zaidi niwapo mahali ama nikutanapo na watu. Maana siamini kwamba binadamu ana kazi ya kushabikia makosa kuliko jema moja. Nisijitetee sana. Jumapili hii nilipata fursa ya kuhudhuria ibada kwenye kanisa la 'kisomi'. Washirika wa kanisa hili, wengi wao ni wale ambao umande haukuwazuia kuhudhuria shule. Wamesoma. Pamoja na ukweli kwamba wote walikuwa weusi kama mimi, lakini ilikuwa bayana kwamba kiingereza kilikuwa 'nguzo' ya ibada hiyo. Hilo halikuwa tatizo kwangu. Maana inaeleweka kwa wengi wetu kwamba, kusoma kunathibitishwa na umahiri wa kusema kiingereza. Nshazoea hili. Pamoja na ukweli kwamba kiuhalisia kiswahili ndicho kinachotawala madarasani lakini watu hatutaki kuukubali ukweli
Soma zaidi »»