Kuuishi Wito Wako, Unahitaji Nidhamu ya Kujifunza



PICHA: findingmastery.net/


Nimekutana na vijana wengi wanaotaka niwaonyeshe njia ya mkato ya kufanya kazi za ndoto zao. Wanafikiri kupata kazi inayoendana na vipaji na tabia zao ni jambo la siku moja.

Ingawa huwa ninawasaidia kujiuliza maswali ya msingi yanayowachochea kugundua hazina iliyolala ndani yao, bado husisitiza umuhimu wa kuwa na mtazamo mrefu wa kuona yasiyoonekana kwa macho.

Nitatumia mfano wa Robert Green, mwandishi nimpendaye aliyeandika vitabu maarufu vya ‘The 48 Laws of Power, ‘Mastery’ na ‘The Art of Seduction.’

Ingawa tangu akiwa mdogo aligundua alitaka kuwa mwandishi, Robert hakuwa na uhakika anataka kuandika masuala gani.  Baada ya kumaliza chuo, Robert alianza kufanya kazi kama mwandishi wa habari.

Kazi hiyo, hata hivyo, haikumwendea vizuri. Mhariri wake alimshauri, ‘Tafuta kazi nyingine ya kufanya. Wewe si mwandishi. Hujui kupangilia mawazo yakaeleweka. Nakushauri ukatafute maisha mengine.”

Robert anasema alijisikia vibaya kwa sababu uandishi ndicho kitu ambacho alikiota kukifanya tangu akiwa mdogo. Maumivu ya kusikia hawezi kufanya kitu alichokipenda yalimfanya aanze kuranda randa kutoka kazi moja kwenda nyingine ili maisha yaende.

Katika kazi nyingi alizowahi kuzifanya, ni pamoja na kuwa fundi ujenzi, mhudumu wa hoteli, mwongozaji wa watalii, alifundisha Kiingereza na baadae akawa mwandaaji wa vipindi vya televisheni, Brixton.

Wakati wote huo akihangaika na maisha, Robert Green anasema, aliendelea kuandika kama burudani. Mbali na kuandika makala nyingi ambazo hata hivyo aliishia kuzichana kwa sababu hakuna gazeti lilizikubali, Robert aliandika miswada kadhaa ya vitabu.   

Baadae,  anasema, ilibidi aende Los Angeles ambako ndiko alikozaliwa na kuanza kufanya kazi kwenye shirika la upelelezi. Kisha, Robert alifanya kazi kama msaidizi wa mwaandaji wa filamu, kazi ambayo ilimfanya awe mtafiti, mtunzi na mwandishi wa filamu. Robert anasema alifanya kazi za hapa na pale zaidi ya 50.

Mwaka 1995 akiwa na miaka 36, wazazi wake walianza kuwa na wasiwasi na maisha yake. Alionekana kama kijana asiyejitambua, anayemanga manga kutoka sehemu moja kwenye nyingine. Lakini kwa maelezo yake mwenyewe, Robert anasema, ingawa wakati mwingine alijisikia kuwa na wasiwasi, lakini hakuwahi kujiona kama mtu aliyepotea.

Robert alitumia muda wote huo kujifunza mambo mapya. Aliendelea kuandika bila kuchoka. Hapa tunajifunza kuwa ukiwa na kitu ndani yako, usikipuuze kwa sababu tu unafanya kazi tofauti. Endelea kukichochea hata kama bado muda wake haujafika.

Mwaka huo huo, Robert akiwa Italia, kufanya kazi nyingine, alionana na bwana mmoja jina lake Joost Elffers, aliyekuwa mchapishaji wa vitabu. Katika mazungumzo yao, Joost alitokea kumwuuliza kama ana wazo lolote la kuandika kitabu.

Robert akakumbuka vitabu vingi vya historia alivyovisoma. Fikra zake zikatuma kwenye hulka ya watu kupenda kuwa na ‘mamlaka’ juu ya wengine. Hulka hii ya watu kupenda ‘kuwatawala’ wengine huwafanya wacheze na akili zao ingawa kwa juu juu wanaonekana watakatifu wanaotaka kuwaokoa wananchi.

Kwa hiyo, Robert akamwambia Joost kuwa kama angepata nafasi basi angeandika kuhusu ‘mamlaka.’ Joost  akashawishika na wazo hilo. Kwa kuwa alikuwa na uzoefu na uchapishaji, Joost aliamua kumpa Robert Green msaada aliouhitaji ili aweze kuandika kitabu hicho.

Robert anasema hapo ndipo uzoefu wake wa kazi zaidi ya 50 alizowahi kuzifanya ulianza kuleta matunda yanayoonekana. Kila kazi aliyowahi kuifanya, ilimsaidia kwa namna fulani kuelewa karibu kila namna za michezo ya kisaikolojia inayofanywa na watu wanaotaka kuwa na ‘nguvu’ katika jamii.

Tunachojifunza hapa ni kwamba, ukiweza kuwa makini, chochote unachokifanya leo kinaweza kuwa na msaada baadae. Jambo hili pia linajitokeza kwenye masimulizi ya Dk Ben Carson aliyeandika kitabu cha ‘The Gifted Hands.’

Ukweli ni kwamba binadamu tunapenda kuyatazama mambo kwa macho haya yanayoonekana. Tunapotazama maisha ya watu waliofanikiwa tunafikiri wamefikia hapo walipofika kibahati.

Wakati mwingine tunafikiri tukikutana na watu kama Joost basi maisha yetu yatabadilika. Tunafikiri mafanikio yanategemea sana aina ya watu tunaokutana nao na pengine ufadhili wa kifedha tunaoweza kuupata.

Tusichokijua ni kwamba mabadiliko yanayoweza kuwa kichocheo cha kuuelewa wito wa maisha yetu yana tabia ya kuanzia ndani yetu na hayaonekani kwa macho.

Tunachokihitaji, anashauri Robert Green, ni kujiandaa hatua kwa hatua kwa kukusanya maarifa na ujuzi, kubadili tabia zetu na kujenga uvumilivu hata pale wanapotokea watu wanaotukosoa. Maandalizi haya mara nyingi huwa hayaonekani kwa nje.

Mabadiliko yanayoonekana kwa nje, mara nyingi, ni matokeo ya jitihada za muda mrefu kujiandaa na mafanikio yanayoonekana baadae. Hili ni somo muhimu kwako mzazi au kijana unayesoma mambo ambayo pengine huoni faida yake kwa sasa.

Bahati mbaya jamii yetu haithamini mabadiliko haya yanayoanzia ndani yetu. Tunatafuta njia za mkato ili tubadilike kuanzia nje. Tunajaribu kuiga kwa watu tunaofikiri wamefanikiwa, tunatafuta ushauri kwao, na matokeo yake tunashindwa kufanyia kazi vile vitu ambavyo Mwenyezi Mungu ameviweka ndani yetu.

Hali hii, wakati mwingine hutufanya tuwe watu wa kukata tamaa pale tunapoona wenzetu wanafanya vizuri. Kumbe jibu la mafanikio yetu ni kufanya kinyume.

Badala ya kutarajia mabadiliko ya haraka yanayoanzia nje, tunahitaji kujifunza kujikusanya kidogo kidogo. Hatua hizi ndogo za mabadiliko kuelekea mahali sahihi ni msingi wa mafanikio ya watu wengi waliofanikiwa. Maana yake ni kwamba kila tunachojifunza hata kama hatukipendi, kina maana kubwa katika maisha yetu.

Inawezekana unasoma hapa kwa sababu kile unachokisoma hakifanani na yale unayotamani kuyasoma. Huenda unafanya kazi isiyokidhi matarajio yako. Jifunze kwa Robert Green.

Kwanza, kuwa na uhakika unataka nini bila kujali hali halisi hairuhusu. Jambo la pili, elekeza nguvu kupata uzoefu kupitia hicho unachokifanya. Kuwa tayari kujifunza kwa bidii kama sehemu ya maandalizi yako kuyafikia mafanikio yako.

Makala haya yalichapishwa kwenye safu yetu ya ELIMU NA MALEZI ya Jarida la MAARIFA linaloandaliwa na Gazeti la Mwananchi.


Maoni

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»