Mambo Sita ya Kufanya Unapotafuta Kazi

Kutafuta kazi ni kuingia kwenye soko la ajira ambalo kimsingi ni uwanja unaowakutanisha watu wenye mahitaji makubwa ya aina mbili. Upande mmoja, wapo watu wenye ‘bidhaa’ ya ujuzi na weledi, lakini wenye hitaji la kujipatia kipato kwa kutumia ujuzi na maarifa waliyonayo. Hawa wanaitwa watafuta kazi.

Upande wa pili, wapo watu wenye uhitaji wa ujuzi huo ili uwasaidie kuongeza ufanisi wa huduma wanazotoa kwa kutumia raslimali na fedha za kuulipia ujuzi huo. Hawa wanaitwa waajiri. Pande hizi mbili zinahitajiana na kutegemeana kwa maana ya hitaji la upande mmoja hufanyika jawabu la upande wa pili.

Ili uweze kuajirika, unalazimika kumridhisha mwajiri kuwa unao ujuzi na uwezo wa kutumia maarifa uliyonayo katika kuongeza ufanisi wa huduma anazozitoa. Kutokana na ukweli kwamba waajiriwa hutofautiana ujuzi na uwezo huo, na kwa sababu uwezo wa waajiri kadhalika hutofautiana, na kwa kuwa haiwezekani kila mwenye ujuzi kukidhi mahitaji ya mwajiri, hapa ndipo dhana ya ushindani wa soko la ajira inapojitokeza.

Ndio kusema, ili kuweza kushindana vyema katika soko la ajira ni jukumu la mtafuta kazi kujiandaa ipasavyo kiujuzi na kiweledi. Tuangalie mambo sita muhimu ya kufanya unapoingia kwenye soko la ajira ili kuongeza uwezekano wa kuajirika.
PICHA: reamstime.com

Jenga utambulisho wako

Utambulisho wako ni  kama kutangaza bidhaa uliyonayo sokoni. Kwa wewe unayetafuta kazi, bidhaa yako ni ujuzi ulionao, maarifa na fikra zinazokutambulisha kwa wengine. Ni muhimu sana kutafuta mazingira ya kutangaza bidhaa yako.

Katika dunia ya leo mawasiliano yamerahisishwa sana.  Ingia mitandaoni, jenga taswira yako kwa kujihusisha kwa bidii na maeneo uliyobobea.  Kuna mitandao kama Facebook, Twitter, Blogu, LinkedIn,  ambayo yote hiyo ni bure kabisa. Hulipii chochote zaidi ya kuunganishwa na mtandao wa intaneti.

Badala ya kutumia mitandao hiyo kupiga porojo na kufuatilia habari zisizokusaidia, itumie kuonesha mchango ulionao katika jamii. Kupitia unayoyaandika, watu watakuona na itakusaidia kuongeza ushindani wako katika soko la ajira.

Fahamu zinakopatikana taarifa za ajira

Unalazimika kufuatilia kwa karibu vyanzo mbalimbali vya habari kupata taarifa za ajira. Zipo tovuti maalum zilizoandaliwa na watu na taasisi binafsi kwa minajili ya kusambaza habari za kazi. Serikali nayo, kwa mfano, inao ukurasa maalum uitwao http://portal.ajira.go.tz/  kukusaidia kupata taarifa za nafasi za kazi serikalini kila zinapotolewa.

Vile vile, Wizara ya Kazi na Ajira inacho kitengo maalumu kiitwacho Wakala wa Huduma za Ajira (TaESA) ambao pamoja na majukumu mengine hutoa huduma ya ushauri na takwimu kuhusu masuala ya ajira kwa waajiri na watafutaji kazi, kusambaza taarifa za soko la ajira kwa wadau mbalimbali pamoja na kuunganisha watafuta kazi na waajiri ndani na nje ya nchi. Wafuatilie kupitia ukurasa wao http://www.taesa.go.tz/jobs.

Tengeneza mtandao

Mara nyingi tunatarajia kuwa nafasi za kazi hutangazwa.  Lakini wakati mwingine kazi nyingi hasa katika sekta binafsi huwa hazitangazwi wazi wazi. Sababu ni kuwa waajiri wengi wana tabia ya kutafuta watu wanaoaminika, na wakati mwingine kwa kuelekezwa na watu wanaoeleweka.

Ni kwa sababu hiyo ni muhimu kutengeneza mtandao wa watu wanaoaminika wanaoweza kukusaidia kupata taarifa za kazi pale zinapopatikana. Shiriki makongamano, semina na warsha ambazo pamoja na kukukuza kiujuzi, zitakukutanisha na watu mbalimbali wanaoweza kuwa msaada kwako katika safari ya kutafuta ajira.

Jitolee kufanya kazi bila malipo

Utamaduni wa kujitolea haujazoeleka katika jamii yetu. Matarajio ya wahitimu wengi baada ya kumaliza vyuo ni kusubiri ajira zenye malipo na hawako tayari kufanya ‘kazi zisizolipa’. Ikiwa umetafuta kazi kwa muda fulani na hujafanikiwa bado, pengine changamoto ni kukosekana kwa uzoefu unaohitajika na waajiri.

Ili kukabiliana na changamoto hii, tumia muda wako wa mpito kujitengenezea uzoefu unaohitajika bila ajira rasmi. Jitolee kufanya kazi bila malipo. Tafuta taasisi zinazotoa huduma zinazolingana na ujuzi wako. Onesha nia ya kutafuta uzoefu. Kufanya hivyo kutakusaidia kuboresha taarifa zako za uzoefu, na hivyo  kukuongezea sifa za kuajirika.

Andaa nyaraka zako vizuri

Ubora wa taarifa zako binafsi unakuweka katika nafasi kubwa kumshawishi mwajiri kukukubali. Tumia kipindi cha mpito kuweka vizuri taarifa zako binafsi (CV) zikusaidie kuboresha maombi ya kazi utakayoyatuma baadae. Inashauriwa kupitia maelezo yako mara kwa mara ili kuyafanya yakupambanue vizuri wewe ni nani, una ujuzi upi, elimu na uzoefu gani.

Vile vile, ni muhimu kuandaa barua za maombi kwa kila kazi utakayoomba. Kwa kawaida, barua ya kazi hubadilika badilika kuendana na mahitaji mahususi ya tangazo la kazi inayoombwa. Nyaraka zote hizi ni vyema kuandaliwa mapema ili iwe rahisi kuzirekebisha kukidhi mahitaji ya kazi inayombwa.

Punguza matarajio, usikate tamaa

Kuwa na matajirio ya kupata kazi nzuri yenye heshima ni jambo jema. Ndoto ni muhimu. Lakini, wakati mwingine, waweza kuanza na kidogo kinachopatikana kikuwezeshe kupata unachokilenga. Katika mazingira yenye ushindani mkubwa wa ajira, si busara kuchagua sana kazi.

Aidha, kutafuta kazi ni mchakato unaoweza kukuchosha. Wakati mwingine waweza kupata majibu yanayokatisha tamaa. Huna sababu ya kukata tamaa.  Jipe moyo kuwa katika maisha hakuna kizuri kisicho na gharama. Unapokuwa na matumaini, utaweza kufuatilia mambo yako kwa umakini mzuri zaidi.

Fuatilia Jarida la Kazi na Ajira ndani ya gazeti la Mwananchi kila Ijumaa kwa mada kama hizi. Twita: @bwaya, Simu: 0754 870 815

Maoni

  1. Unknown22/10/16 3:29 PM

    Kale Karoho kakuchagua kazi...daah kanapaswa kukemewa kwa nguvu zote..asante kwa ujumbe

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»