Hatua za Kuchukua Unapojisikia Kuchoka Kazi




Kutokuridhika na kazi ni hali ya kujisikia hufikii matarajio yako kikazi. Matarajio yanaweza kuwa kiwango cha mshahara, kujisikia unafanya kazi ndogo kuliko uwezo ulionao, kazi kutokuendana na vipaji ulivyonavyo au hata kutokupata heshima uliyoitarajia.

 Kila mtu kwa wakati fulani hujisikia kutokuridhika. Kuna sababu kadhaa. Moja, ni kuwa na matarajio makubwa kuliko uhalisia wa kazi. Lakini la pili, kujilinganisha na watu wasiolingana na kazi unayoifanya. Unapoona wenzako wanafanya kitu tofauti na kile unachokifanya wewe inawezekana ukajisikia kuachwa nyuma hata kama kimsingi pengine unafanya vizuri.

Vyovyote iwavyo, zipo nyakati unaweza kujikuta huridhiki na kazi unayoifanya. Makala haya yanaangazia vichocheo vinne vya kuchoka kazi na hatua za kuchukua unapojikuta katika hali kama hiyo.
Huridhiki na mshahara
Ulipokuwa mwanafunzi uliota ndoto za kufanya kazi yenye mshahara mnono. Uliamini maisha yako yangebadilika ndani ya muda mfupi. Baada ya kupata kazi, unashangaa mambo ni kinyume. Unacholipwa hakilingani na matarajio yako.
Hapa sababu inaweza kuwa kukosa subira. Hakuna mafanikio yanayokuja kwa njia ya mkato kama vijana wa siku hizi wanavyoamini. Mafanikio katika mazingira ya kazi yanafuata hatua fulani. Unahitaji kuwa mvumilivu.
Lakini vile vile huenda kuna maslahi usiyoyaoona. Hata kama mshahara ni mdogo, pengine mwajiri wako anakupa usafiri kwenda na kurudi kazini; amekulipia nyumba; amekuweka mpango wa bima ya afya; anahakikisha unapata chakula cha mchana ukiwa kazini.
Mbali na mshahara huo mdogo, labda mwajiri anakupa fursa ya kwenda masomoni na pia unapata muda wa ziada kufanya mambo mengine. Haya yote unaweza kuona ni madogo lakini ukiyabadilisha kuwa fedha yanaweza kuwa nusu ya mshahara unaoutamani.
Ujuzi wako hautumiki
Moja wapo ya mambo yanayopunguza ari ya kazi ni kujisikia ujuzi ulionao hautumiki ipasavyo. Unalipwa vizuri lakini moyo wako hauridhiki na kazi unayofanya.
Labda una Shahada ya Biashara na Masoko, lakini majukumu yako ya kila siku ni yale yale na hayakupi changamoto. Kazi yako ni kupokea barua za wateja na kuzigonga muhuri. Unaichukulia hali hii kama udumavu na unatamani ungefanya kazi inayokupa changamoto.
Katika hili unahitaji kutafuta fursa nyingine za kutumia ujuzi wako kazini. Pengine kampuni ina shughuli nyingi za ziada ambazo ukiweza kuwa tayari unaweza kuzifanya.
Vipi kama ukianzisha wazo la chama cha akiba na kukopa? Kazi hiyo inaweza kukufanya ukatumia muda wako wa ziada kutumia maarifa yako ya Biashara na ukajisikia kuridhika.
Kadhalika, unaweza kuamua kufanya kazi nyingine za ziada zisizoathiri utendaji wako. Kuna fursa nyingi za ujasiriamali zisizokulazimu kuacha kazi na zikakufanya utumie vizuri zaidi ujuzi ulionao.
Lakini pia kuna suala la uzoefu. Unaweza kuamua kuwa mvumilivu ukaweza kupanda ngazi hapo kazini. Kubadilisha kazi kila baada ya muda mfupi, kunakufanya uendelee kuwa mtu asiyeweza kuaminiwa kwa nafasi za uandamizi.
Huoni fursa ya kukua
Umefanya kazi kwa miaka mitano kwenye kampuni kubwa inayokulipa vizuri lakini hujioni ukikua kiujuzi. Huwezi kwenda masomoni ukiwa kazini na pengine kampuni haina mpango wa kukusaidia kujiendeleza kiujuzi. Hali hii imekufanya ujisikie kuchoka, unajisikia kudumaa na huna hamasa tena ya kufanya kazi. Ufanyeje?
Tafakari kitu gani hasa kilikufanya ukapenda kazi unayoifanya hivi sasa. Kitu gani kilikuwa kinakuvutia kwenda kazini mwanzoni mwa ajira yako? Nini kimebadilika leo?
Unapokuwa katika mazingira kama haya ni rahisi kumlaumu mwajiri wako. Kumbuka mwajiri halazimiki kufikiri namna ya kukuendeleza na kukupa hamasa ya kujiendeleza. Hiyo ni kazi yako.
Kwa kuwa fursa ya kujiendeleza kimasomo mbali na ofisini haipo, fikiria kujiunga na masomo ya masafa. Jiandikishe kufanya masomo yako kwa njia ya mtandao; jiunge na vyuo vya karibu vinavyotoa masomo ya jioni au mwisho wa juma. Kwa namna hiyo unaweza kuendelea na kazi huku ukikuza ujuzi wako.
Kadhalika, jenga utamaduni wa kujisomea vitabu vinavyoendana na fani yako. Maarifa yanabadilika kwa kasi. Vijana wa leo wanaoingia kwenye ajira wanajua mambo mengi ambayo pengine wewe mkongwe hukujifunza. Usiposoma utaachwa nyuma na utendaji wako unaweza kuanza kupwaya.
Una ndoto za kazi nyingine
Inawezakana kazi unayoifanya leo hailingani na masomo uliyosomea. Ulikuwa na ndoto za kuwa mwanasheria lakini mazingira yalikulazimu kusomea Sayansi ya Siasa. Ingawa unafanya kazi kwa sasa, lakini moyo wako bado uko kwenye sheria.
Jambo la kukumbuka hapa ni kwamba si wakati wote tunapata kile tunachopanga. Si mara zote watu hufanya kazi zinazolingana na fani walizosomea. Unaweza kusomea Sayansi ya Siasa ukajikuta ukifanya kazi ya Ofisa Raslimali Watu. Unaweza kusomea Biashara na Masoko ukajikuta unafanya kazi ya Ualimu. Mambo hubadilika.
Ukweli ni kwamba elimu ya chuo hutupa maarifa ya jumla yanayoweza kutumika kwenye eneo zaidi ya moja. Mwalimu, kwa mfano, anajifunza utawala, siasa, mipango, uandishi wa miradi na maarifa mengine anayoweza kuyatumia kwenye eneo tofauti na Ualimu.
Mbali na maarifa na ujuzi mahususi, miaka unayotumia darasani inakufundisha ujuzi wa ziada ambao hatuufanyii mtihani. Mfano, namna ya kuwasiliana na watu, kutatua migogoro na watu msioelewana, uandishi wa nyaraka, nidhamu ya muda na ujuzi mwingine mwepesi.
Kila tunachokisoma kinatunufaisha kwa namna moja au nyingine. Hakuna ujuzi usio na maana yoyote hata kama huoni ukiutumia moja kwa moja. Pengine ni wakati wa kukubali kuwa mambo yamebadilika. Ulichotaka kukifanya sicho unachokifanya. Ndivyo maisha yalivyo.   

Hata hivyo, kama umejaribu kukuza ujuzi wako; umejiendeleza ukiwa kazini; umefanya jitihada za kujiongezea kipato na bado huridhiki na mazingira ya kazi, pengine ni wakati wa kujaribu kwingine. 

Maoni

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»