Tunawezaje kutunza muda katika mazingira haya?

Unaamka asubuhi na mapema. Unagusa tepu ya maji uoge, lahaula, yamekatika. Unaokoteza matone machache, unafanikiwa 'kupiga paspoti' kuondoa harufu ya kikwapa.

Chai. Umeme haupo. Luku imekata. Hivyo umepanga kwenda benki kisha intaneti, halafu ununue luku, na kupita pita panapowezekana siku hiyo.

Shughuli ya kwanza, benki. Kwenda ilipo benki ni shughuli inayohitaji uvumilivu. Unamaliza masaa mawili njiani. Foleni ndefu.

Hatimaye unafika benki. Kwenye mashine ya kuchukulia fedha, foleni ndefu. Unangoja kwa karibu saa moja ili kuifikia. Bahati mbaya, unapokaribia unasikia malalamiko, mashine 'imezira' kazi. Hujui ufanyeje.
Unaenda kujaribu kwingine, unafanikiwa baada ya kama saa moja. Ishakuwa saa saba, hujatia chochote kinywani.

Unaamua kwenda kula. Hotelini wanasema chakula ulichoomba bado kiko jikoni bado, wameamua kutumia mkaa umeme (wa dharura) umekatika. Kwa vile ilivyo joto, unaamua kukingoja badala ya kuungulia juani. Unamalizia saa kamili ukiwa pale. Bahati unakula.

Basi, unaenda kwenye mkahawa wa intaneti, unakalia kompyuta moja. Baada ya robo saa, umeme huo umekatika. Huna cha zaidi, unaondoka ukilalamika.

Unaelekea kwenye luku, nako kafoleni flani. Nusu saa inakatikia pale.

Wakati ukiyaendea yale mengineyo, hewala, unakutana na rafiki zako wa siku nyingi. Hukupanga kukutana nao. Wananogesha michapo mpaka unasahau ulikokuwa unaenda.

Giza linawatenga unaamua urudi nyumbani. Barabarani foleni ni ile ile ya asubuhi. Saa tatu usiku, unafika nyumbani.

Unabahatisha maji unaoga. (Ungewahi usingeyakuta, yamerudi saa mbili). Unaweka luku, unaingia jikoni. Unajipikilisha tambi na tusamaki tuwili.

Wakati vikichemka, unachukua kitabu usome, mara mwaa! Umeme 'wa dharura' umechukuliwa na wenyewe. Hujala.

Kwa kukata tamaa unapanda kitandani ulale huku ukijaribu kufikiri ulivyoshindwa kutekeleza ratiba yako kwa leo. Kausingizi kanakuchukua huyooo unalala. Siku imeisha. Kesho, panapomajaliwa, yatakuwa yale yale.

Maoni

  1. Yasinta Ngonyani27/3/09 1:05 AM

    Hapa naweza seama nina bahati mbaya. Tena bahati mbaya sana kusimama foleni kwote halafu mashine haifanyi kazi. ha ha ha ha .

    JibuFuta
  2. Bila jina27/3/09 10:09 AM

    ndio maana nitahama jiji hili muda mfupi tu ujao niwaachie kero na nikaishi kwa vibatari na kuchimba shimo kuweka fedha zange na kukojoa kwenye kopo usiku ili nimwage asubhi

    K L L

    JibuFuta
  3. Simon Kitururu27/3/09 10:41 AM

    DUH!

    JibuFuta
  4. Digna Abrahamu27/3/09 3:58 PM

    Jana kutwa nilikuwa nikizunguka mjini, nilichokuwa nikikitafuta sikukipata, mara kutahamaki giza hilo, nikakimbilia kwenye kiota changu kujipumzisha, hakika tunapoteza muda bila kujua...

    JibuFuta
  5. Koero Mkundi27/3/09 4:35 PM

    Kila siku naamka saa kumi na moja alfajiri nafanya mazoezi kidogo kisha nachungulia net na kusoma ujinga wa wenzangu kwenye blog, baada ya kupata stafutahi mida ya saa moja asubuhi naenda kazini. Duh! foleni, napoteza saa nzima kutoka mikocheni mpaka mjini.

    Natoka ofisini jioni ya saa kumi na moja, foleni tena!!, loo nafika nyumbani saa kumi na mbili kasoro, napumzika kidogo baadae natembea hadi ufukweni kunyyoosha miguu na kufanya mazoezi mafupi,halafu narejea nyumbani na kumsaidia mama kuandaa chakula cha jioni, kisha nakaa kwenye net tena kupitia blog hee!! mara saa nne usiku hiyo, nimechoka na siku imeisha.....

    JibuFuta
  6. Christian Bwaya27/3/09 5:52 PM

    Digna,

    Kutunza muda katika mazingira yetu kunaingiliwa na namna huduma zinavyotolewa pamoja na utamaduni. Tunayeyusha masaa mengi katika kungoja huduma hizo. Tunayo safari ndefu kuweza kuutunza muda.


    Koero, sehemu kubwa ya muda wangu wa ziada nautumia kusoma na intaneti. Mazoezi sijayapa bado nafasi. Nitaanza.

    JibuFuta
  7. Albert Kissima28/3/09 4:26 PM

    Ili wananchi
    waitumikie nchi
    yao "kizalendo" rerikali haina budi
    kuhakikisha kuwa inatoa huduma zilizobora na kwa wakati, hii ni pamoja na kuhakikisha hata mashirika binafsi yanatoa huduma bora na kwa wakati muafaka.
    Hii itasaidia kutenga muda mwingi wa kufanya kazi za kimaendeleo na za kujenga taifa.

    JibuFuta
  8. Nuru Shabani30/3/09 11:59 AM

    Suala la muda bongo bado ni tatizo kila kona.Ukienda idara binafsi hawajali muda,idara za serikali ndio usiseme ni kasheshe.

    JibuFuta
  9. Christian Bwaya30/3/09 12:15 PM

    Ndugu Nuru naomba tuwasiliane e-mail yangu.

    JibuFuta
  10. Egidio Ndabagoye30/3/09 9:46 PM

    Udosini muda wa asubuhi huwezi kuongea na mtu akiwa anakimbizana na rupia,akishakula kalamati na chapati zao kuanzia saa 8 ukitaka huduma utalia.Muda huo kila kitu kinaanza kwenda nyuma ya muda.

    No hurry in Africa!

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»