Ukiona watu wazima wanaumbuana hadharani...

Ukiona watu wazima wa nyumba moja
Wanaodai kwao umoja ndio sera
Hadharani wanaonyana na kuumbuana
Nini maana yake?
Ndani ku shwari?

Maoni

  1. Subi Nukta5/3/09 9:31 AM

    Panapofuka moshi, ikiwa mtu hafahamu wala hajafika mahala hapo basi majibu yanaweza kuwa mawili.
    Mosi: Moto unakolea ndani
    Pili: Ndani kumeshateketea ni moshi wa masalia tu.
    Kila siku ninajisemea, 'siasa si hasa bali visa na mikasa' na siasa zimo kila kona hata usikotaka kuzikuta, wanakuletea.

    JibuFuta
  2. Christian Bwaya5/3/09 11:40 AM

    Mtu anakuibia redio na bahati nzuri unatonywa na watoto wako. Basi unaanza kujidai kumfuatilia mwaka mzima. Kelele kila mtaa, e bwana mbona unajizungusha? Unawajibu eti bado unacheki namna kumshughulikia. Kabla hata hujamshughulikia, leo mtaa mzima wanasikie eti mwenzetu umeamua kununua redio ile ile aliyokuibia jamaa. Tukisema nyie mabwana mnajuana na mnatuchezea akili zetu, na kwamba wewe unajidai kuibiwa ni bwege, ni makosa?

    JibuFuta
  3. Subi Nukta5/3/09 12:32 PM

    Bwaya, huyo jamaa si bwege hata kidogo, akili zake timamu tamanu haswa! Wana hila hao na lao lengo ni moja. Kwanza watuache na gumzo mtaani kisha tujengeane hisia mbaya, tuzungukane kwa maneno maneno mwishowe tutumbuane usaha na tuanze kukung'utana, halafu ndiyo wao waje wajidai wema wanataka kutupatanisha nasi tukubali, basi ndo tunakuwa mabwege tena sisi, wao watupatanishe kwa ugomvi waliouunda wao?
    Bwaya nakwambia, 'siasa si hasa bali visa na mikasa tu' na sasa siasa hadi watoto wagodo wameziiga kwenye michezo yao ya gololi na ukutiukuti. Tena wacha niimbe, ukutii ukutii, wa mnaazi wa mnaaazi...!

    JibuFuta
  4. Christian Bwaya5/3/09 6:23 PM

    Mtaa mzima mkiwa wa kuzungukwa zungukwa, halafu mnajikuta mnajichanganya wenyewe kwa wenyewe, msielewe kinachofanywa na wenye nyumba ni mchezo wa kuigiza , mtafaa kwa kipi zaidi ya kucharazwa? Ndio tumwite Albert Mnali mcharazwe! Mtashindwaje kuigundua tamthlia?

    JibuFuta
  5. Subi Nukta5/3/09 7:01 PM

    Tamthiliya wameigundua, shida ipo katika kuzungukwa bila kujua mtego upo wapi na pengine hata mtego haupo ni vile tu tumejawa na woga mithili ya majani yale ya 'vifa uongo'. Hadi hapo tutakapo-Mnali-wa, ikiwa itasaidia, pengine tutazipata nguvu zetu, kwa sasa kila mtu na aseme tu, tutasikilizana baadaye wakati midomo yakusemea itapochoka na mikono ikataka kusema.
    ...kwanza tupambe na kisha tusherehekee!

    JibuFuta
  6. Bila jina5/3/09 9:19 PM

    Subi mnazungumzia nini mbona siwaelewi? Najaribu kupata picha iz thiz a politic or something?

    JibuFuta
  7. Subi Nukta6/3/09 5:50 AM

    Jose, hapa Bwaya ameleta fumbo ama katumia sanaa ya kufikisha ujumbe ndani ya pazia, ni changamoto kwa kila mmoja kujadili kadiri ya anavyoona yeye kaelewa kauli hii. Mimi ninaandika na kutoa mchango kwa kadiri ya hali halisi inayoendelea katika nchi yetu, Bwaya naye anazungumza kadiri ya kusudi la fumbo lake, nadhani itakuwa nzuri ikiwa kila mmoja atathubutu kutoa tafsiri yake halafu kama ilivyo ada, Bwaya atatupa hitimisho (akipenda).

    JibuFuta
  8. Bila jina6/3/09 10:40 AM

    Bwaya sasa hivi tunasikia eti mwizi wa redio mwenyewe alishafikisha kesi mahakamani. Ajabu! Yaani pamoja na yote hayo bado mwenyewe nyumba anathubutu kuinunua redio hiyo hiyo. Kisa? Lazima akaitumie kwenye arusi ya jumamosi?

    Tunachojiuliza ni kwamba siku zote hizo hawakujua arusi ni jumamosi? Na hata kama walijisahau, well, kunasababu gani kung'ang'ania redio ya jambazi?

    Itafika mahala watoto wataamua liwalo na liwe. Siku mkisikia wamebeba mapanga msishangae. Kudanganyana kitoto hivi mchana kweupe jamani?

    Zama za kuila familia zimepita!

    JibuFuta
  9. Bila jina11/3/09 3:24 PM

    Lakini hata kaka mdogo wa kambo anaona ni heri baba ainunue redio.

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»