Unafiki na kutokujiamini kwetu

Unafiki ni hali ya kukuficha kwa makusudi kile kilichomo mawazoni/moyoni kwa lengo la kumwonyesha mtazamaji kuwa anachokiona ndicho, wakati ukweli wa mambo ni kwamba anachokiona ni tofauti sana na uhalisia.

Unafiki ni kama kuvaa gamba lisilo lako. Kubadili rangi ya mwonekano wako. Kuwa "artificial". Unafiki ni kinyume cha uhalisi. Kwamba naweza kuigiza mwonekano fulani ambao kimsingi si wangu katika hali halisi. Naweza kumtabasamulia mtu, wakati ukweli wa mambo ni kwamba ndani yangu nasikia kinyaa.

Naweza tembelewa na mtu, rafiki yangu mathalani, na ukweli ni kwamba nina kazi nyingi za kufanya lakini kwa kutaka kumridhisha rafiki yangu huyo, basi namwonyesha kufurahia ujio wake ingawa moyoni (ukweli wenyewe) ni kwamba namwona kama mpotezaji mkubwa wa muda wangu.Simwambii jinsi alivyoharibu ratiba yangu. Ila usoni anaona ninavyofurahia kuja kwake kiasi kwamba anaendelea kubaki. Na hata anapoaga, naweza kumwomba aendee kubaki, kumbe moyoni nikimsema kwa kukosa kwake busara.

Nakaribishwa chakula nile, lakini nakataa ingawa ni kweli naumwa njaa. " Ah nimeshiba bwana...nimekula sasa hivi" wakati moyoni unaomba akubembeleze zaidi ili ule. Bahati mbaya jamaa wala hawabembelezi, wanaendelea kukata mlo. Wenzetu wabaki kusindikiza matonge kwa macho. Mifano iko mingi sana. Na pengine hata wewe ndugu msomaji unayo mingine mingi mizuri zaidi.

Sasa nikuulize: ni mara ngapi umekuwa mnafiki? Unafiki una kazi gani?(humaanisha nini katika namna tunavyowasiliana na watu)
Je, unafiki unakubalika kwa mtu anayejielewa nafsi yake (self-concept)?
Je, unafiki unaweza kutupa habari ya namna mtu anavyojichukulia mwenyewe (self-esteem)?

Nakupa wito wa kujielewa ili uwaelewe na wanaokuzunguka.

Maoni

  1. Yasinta Ngonyani17/12/08 12:54 PM

    Bwana; Kwa mtazamo wangu naona hiyo ya kukutaa chakula wakati una njaa inawezekana sababu ya aibu na pia kama ulivyosema kutaka kubembelezwa. Na hilo la ujio wa rafiki ni yale yale ya muda. yaani kama kungekuwa na ule uratibu wa kupeana habari kesho nakuja saa moja basi tungeweza kuwaambia rafiki zetu aise mwenzako kesho muda huo nina kazi njoo muda fulani. Pia labda kwa sababu ya UPENDO, mila na desturi basi amekuja na wewe unaonyesha furaha tu wakati hupendi. Lakini ungemwambia ukweli kila kitu kingeenda safi wewe ungekuwa na furahi na pia rafiki angekuwa na furaha. sijui kama nimeeleweka!!

    JibuFuta
  2. Mzee wa Changamoto17/12/08 5:19 PM

    Kama ulivyosema Kaka Bwaya. Unafiki una sehemu kubwa ya maisha na si kuwa ni utamaduni, bali ni desturi za wengi. Tumelelewa katika maisha ambayo kwa namna moja ama nyingine yanapalilia unafiki na unapoamua kuwa mkweli na muwazi na ama kuweka unafiki pembeni, wapo wanaokuangalia vibaya wakidhani ni mkatili kwa kuyonesha hali halisi ya hisia zako. Unajua mwisho wa unafiki ni nini? UMBEA NA SHUTUMA BAADA YA MHUSIKA KUONDOKA kwa kuwa huwezi kumwambia akiwepo.
    Ni mambo yaliyotuweka tulipo kama nchi na twaweza kubadilika na kunufaika

    JibuFuta
  3. Unknown17/12/08 6:20 PM

    Nimepita hapa leo jioni.
    Bado natafakari. Nitatoa mawazo yangu kesho asubuhi.

    JibuFuta
  4. Rashid Mkwinda17/12/08 7:48 PM

    Naam yatupasa tujielewe vyema ili kujijengea mustakabali mpya wa maisha,ukijielewa utajua nini kinachokuzunguka, na utaelewa namna ya kukabiliana nacho, ni muhimu sana kujielewa na kujitambua ulipo unapoelekea na uliotokea.

    Wakatabahu

    JibuFuta
  5. Fadhy Mtanga17/12/08 8:08 PM

    Unafiki!
    Mi huwa nauweka kundi moja na uongo na usengenyaji. Nadhani vinayagusa maisha ya watu wengi kwa namna moja ama nyingine.

    JibuFuta
  6. Bila jina17/12/08 10:56 PM

    Nadhani nimesahau mila nyingi...maisha ya uingereza yaweza kumbadili mtu...lakini tena kwa njia nzuri. Kwa mfano mtu akinipigia simu na niko kwenye shughuli nyingine, humwomba ruhusa kumpigia baadaye na hufanya hivyo pia...sio maneno matupu tu!
    Kisha nchi za ulaya ni vigumu kumtembelea mtu bila kumjulisha kuwa utapitia au yeye kukukaribisha kwake... watu wana mipango yao na waweza simamishwa mlangoni maana hukutarajiwa...utamlaumu nani?

    JibuFuta
  7. Unknown18/12/08 7:27 AM

    bado natafakari,
    Nitapita baadae

    JibuFuta
  8. Christian Bwaya18/12/08 12:01 PM

    Kwa nini tusiweze kuwa wakweli kwa nafsi zetu na watu wanaotuzunguka hata kama ukweli huo utasababisha kutokueleweka? Kipi afadhali, kuwa mnafiki ili kujenga mahusiano yasiyo ya kweli ama kutokueleweka kwa kuwa mkweli? Na je, huu utamaduni wa kuoneana haya bado tunauhitaji katika jamii zetu? Gharama za unafiki ni kubwa nionavyo mimi.

    JibuFuta
  9. kamala Lutatinisibwa Lutabasibwa18/12/08 2:06 PM

    nakubaliana nawe bwaya. unafiki unaletwa na ubinafs mkubwa alionao binadamu wa leo. unaona linaingia suala la chakula hapa hata kama hujaliongelea sana kwamba ni kidogo. tangu lini chakula kikawa kingi? ni kidogo milele ba tunagawana kila kidogo tulichonacho.

    waafrika sisi tunaamini katika usawa ndio maana sihitaji appointment yako kuja kwangu, we njoo tu hali utakayokut ndo hiyo sio kuanza kudanganyana mala niko bize, mara nini. sisi sote ni wamoja, kwangu ni kwako na kwako ni kwangu sio uniombe ruhusa kama vile unakuja kunichinja. unafiki wa kizungu ni pamoja na uchoyo.

    kuna unafiki wa kimataifa wa kijifanya wanakusaidia uendeleee wakati wanachukua raslimali zako. unafiki unaukaribu na uzungu na labda ndio sababu wazungu wanakuja kuhubili injili ya upendo kwetu wakati wanapigana vita kama iraq na kwingine.

    unafiki unaendana na uchoyo, ubinafsi na fitina,
    nimetaupu vya kutosha

    JibuFuta
  10. Bila jina29/8/13 4:15 PM

    I think there z aloot to discuss through dis thing hypocrite coz t leads also to poverty

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»