Mawazo yako ndiyo nguvu uliyonayo

Upo uhusiano mkubwa sana baina ya namna unavyofikiri, na jinsi unavyoishi. Kushindwa kwako, hakutegemeani na nguvu yoyote ulivyonayo isipokuwa ufahamu wako. Kuanguka kwako hakutegemei maadui wengi ulionao, isipokuwa aina ya mtazamo ulionao. Kurudi nyuma kwako hakutegemei historia yoyote uliyowahi kuwa nayo, isipokuwa namna unavyoendekeza mawazo yako ya kushindwa.

Naelewa kwamba panahitaji mjadala wa kina kuhusu kipi kinachomtawala mwenzie: mawazo yetu ndiyo yanayotuongoza ama ni sisi ndio tunayaongoza mawazo. Hapo inapidi tushukie penye uelewa na namna mawazo yetu yanavyojengeka vichwani mwetu.

Kwa haraka haraka, nadhani, twawaza vile tulivyoviingiza ubongoni iwe kwa hiari yetu wenyewe ama pasipo hiari hiyo. Kwa maneno mengine sisi ndio watawala wa mawazo yetu.

Hiyo ni kusema kwamba unavyojiona, ndivyo ulivyo. Ukijidharau, hakuna mtu atakuja kukufanyia kazi ya kukuonyesha thamani uliyonayo. Ukianza leo kujiona masikini, ni wazi kuwa akili yako itakubaliana nawe na kusema kweli, utakuwa umeukaribisha umasikini wako kwa mikono yako miwili.

Ningependa kukuachia ujumbe huu mchana wa leo;

Katika kila unalojaribu kulifanya, dhania kwamba haiwezekaniki jambo hilo likashindwa kwa namna yoyote. Kwa sababu, haiwezekani ukashindwa katika jambo lolote, isipokuwa kama utakubali akilini mwako kwamba umeshindwa.

Achana na mawazo ya kushindwa shindwa. Achana na watu ambao hawaishiwi stori za ubaya ubaya. Amua kuyaelekeza mawazo yako kwenye mafanikio. Kwa sababu mawazo yako ndiyo nguvu yako kuu uliyonayo! Itumie nguvu hiyo!

Maoni

  1. Unknown13/12/08 4:55 PM

    Kazi nzuri Bwana Bwaya.
    Ahsante sana kwa kufundisha maarifa haya ya utambuzi,
    Tukipata watambudhi kadhaa kama wewe basi jamii yetu itabadilika.

    PRIVATE

    Kaka nilikutumia ujumbe kwenye simu yako ya kiganjani jana lakini sikupata majibu, kulikoni..........

    JibuFuta
  2. MARKUS MPANGALA14/12/08 8:29 AM

    mmmm mkuu hiii ya leo hii kali. ngoja nataka niseme kitu ebuuh nikumbuke kwanza. mmmm mada ni kali sana imenigusa nashindwa kuandika zaidi. kwaheriiiii

    JibuFuta
  3. Fadhy Mtanga14/12/08 10:31 PM

    Hapo kaka umesema, werevu wataelewa,
    Umesema kitu chema, na ndivyo inavyokuwa,
    Umejawa na hekima, chakula umepakuwa,
    Bwaya umesema kweli.

    Shurti tujifikiri, mustakabali wetu,
    Tuwe na fikra nzuri, ikibidi mara tatu,
    Siyo tu tunakariri, na kujiona si kitu,
    Bwaya umesema kweli.

    JibuFuta
  4. Christian Bwaya15/12/08 3:33 PM

    @ Kaluse, simu ya kiganjani inayoachwa nyumbani, wakati mwenye nayo yuko matembezini huitwaje? Sijapata jina zuri kuiielezea. Nadhani ulishanisamehe.

    @ Mpangala, asante kwa kuendelea kutembea kibaraza hiki. Ninathamini snaa mchnago wa mawazo ya watu kama ninyi. Endelea kuwapo kaka.

    @Mtanga, napenda sana kusoma mashairi yako. Una uwezo mkubwa sana katika tungo. Hongera sana kaka.

    JibuFuta
  5. MARKUS MPANGALA16/12/08 8:18 PM

    mawazo matamu kama CHUKALI vipi unakula sana CHUKALI ya wamakonde wewe?

    JibuFuta
  6. Bila jina16/12/08 10:33 PM

    Bwaya mada yako hii ni nzuri sana,nimeikubali lkn kuna mambo kadhaa ya kuongeza.
    Binafsi naona mawazo yangu pekee hayatoshi ktk kunifanya nifikie malengo yangu.
    Kushindwa ktk jambo fulani kunaashiria kikomo cha mawazo niliyokuwa nayo kuhusiana na jambo hilo.Hii inamaanisha kuwa msaada wa kimawazo unahitajika ktk hali hii, kinyume na hapo unaweza fanikiwa lakini ni baada ya kupoteza muda mwingi.
    Mtu anayekumbatia mawazo yake tu,ana hatari kubwa ya kushindwa kujitambua,kuwa mtu wa kutokubali mabadiliko na kuwa mtu wa kujaribujaribu kwani wakati wote atakuwa anajaribu kupima mawazo yake.
    Mtu kushindwa jambo kunatokana na kutumia mawazo yake binafsi kupita kiasi."hivi unapoamua kufanya jambo kwa upeo wako,na jambo lile likashindikana,unajifunza nini?usahihi wa mawazo yako unapimwa na nini?
    "kukubali au kupokea mawazo ya mtu na kuyafanyia kazi na kuyaunganisha na ya kwangu ni matokeo ya kutumia nguvu niliyonayo yaani mawazo yangu"
    umeshawahi kujiuliza, "UNA UWEZO KIASI GANI WA KUYATAWALA MAZINGIRA ULIONAYO?(kuna wakati mawazo ya mtu yanaweza kutumiwa na mtu mwingine na huyu mtu akafanikiwa na pia kutokufanikiwa na kujuta na kusema bora angebaki na mawazo yake.Lakini yote haya ni katika kutumia mawazo kama "NYENZO" pekee niliyonayo kwani maamuzi(mawazo) ndio yalipelekea kutumia wazo la mwingine.samahani Bwaya,nimetumia nyenzo badala ya nguvu,unanaje lakini!)da! Mada ngumuuu sana!

    JibuFuta
  7. Bila jina17/12/08 11:25 AM

    Anachosema anon hapo juu ni changamoto muhimu sana. Tujiulize wote je, ni kweli kuwa mawazo yetu yanatutosha? Lakini je, tunapochambua mawazo ya wenzetu, tunajuaje kwamba yana msaada kuliko yale tuliyonayo? Mada tamu sana hii na pana mno.

    JibuFuta
  8. Christian Bwaya17/12/08 11:56 AM

    Nadhani kuna haja ya kuangalia namna mawazo yetu yanavyoweza kutegemea mawazo ya wengine na vile vile namna, kama anavyosema Mtingwa, ambavyo mawazo yetu yanaathiri namna tunavyoyachambua mawazo ya wengine. Je, unapokubali wazo la mwingine kipi kimekusaidia, mawazo yake, ama mawazo yako?

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»