Mwaka wa malengo mahususi ndio huu

Mwaka unaishia leo. Watu wengi watakwambia jitathmini. Kuona wapi ulikosea. Wapi ulilikoroga. Wapi ulifanya vizuri na mambo kama hayo.

Binafsi sioni sababu yoyote ya kufanya hivyo. Sioni sababu ya kufanya hicho kinachoitwa tathmini ya mwaka. Sababu ni kwamba hata kama ungegundua wapi ulikoharibu, huna unachoweza kufanya zaidi za kujiumiza moyo. Utaumia moyo, na historia itabaki pale pale. Maana historia ilikwisha kuandikwa. Kama ulishindwa mwaka huu, hesabu ni upepo umepita.

Hata kama ungegundua wapi ulifanya vizuri, ukweli ni kwamba hayo wameshapita. Yaache yaende. Hakuna haja ya kulewa sifa zisizoweza kukusaidia leo. Siafa za jana zinabaki kuwa za jana. Huna sababu ya kuangalia nyuma. Historia haiwezi kukusaidia. Una sababu ya kuiacha ipite vile ilivyokuwa.

Nionavyo mimi, huu ni wakati wa kutazama mbele. Kuwa na malengo. Usipojua unakokwenda, utaishia kokote. Wafanyakazi waangalie namna watakavoboresha utendaji wao wa kazi. Wanafunzi wajiangalie watakavyoweza kusoma kwa bidii. Wazazi, namna watakavyowalea watoto kwa ufanisi zaidi. Mafisadi, namna watakavyoiba kwa makini zaidi.

Katika kufanya hivyo, tukumbuke kuwa namna tunavyofikiri huathiri uhalisia wa mambo. Tukianza kufikiri kushindwa kabla hata hatujaanza, ni hakika yake tutashindwa. Tukianza kuhisi kukwama, ni hakika tutakwama sana. Busara ni kuona kuwa mwaka unaoanza utakuwa wa mafanikio kwako. Kwa kila unachotia mkono wako kukitenda, ona/fanya kama suala la kushindwa halipo. Maana hutoshindwa, mpaka uamini akili mwako kwamba umeshindwa. Kila kitu kinaanzia akilini kumbuka.

Wengi wetu hatufikii malengo yetu pengine ni kwa sababu ya malengo hayo kutokuwa mahususi (specific). Hayapimiki. Hayaeleweki. Ni ya jumla jumla. Malengo yanayoelea elea.

Mtu anakwambia, "..mwaka huu lazima nifanikiwe...!".
Unamwuliza, "...unataka ufanikiweje?"
"...sina lugha nzuri sana ila nataka kufanikiwa, naona kufanikiwa yaani...".
"...katika eneo lipi sasa?..."
"...maeneo yote. Yote nifanikiwe...".
Ukimwuliza lini, anakwambia, "..ah, wakati wowote bwana...lazima nitoboe!"

Mipango ya jinsi hii ni ndoto na huwa haitekelezeki. Na hata kama "utafanikiwa" hatuwezi kujua, maana hatukupanga. Twapaswa kuwa na malengo yanayopimika. Malengo ya Yenye muda mahususi kuyatekeleza. Ni kwa namna hiyo tutaweza kuyakagua kila wakati kuona tunavyoyafikia. Tumia kitabu cha kumbukumbu za kila siku. Kama huna kinunue leo. Tukianzia hapa, suala la kutunza muda halitakuwa mgogoro. Tutaweza kuukomboa wakati. Na mwaka utakuwa wa mafanikio.

Heri ya mwaka mpya.

Maoni

  1. Evarist Chahali31/12/08 4:08 PM

    Ndugu yangu,kila mwaka mpya unapofika huwa nawakumbuka wale rafiki zangu wanaopiga madebe na kuchoma matairi usiku.Ukiwauliza wengi wao kuhusu mafanikio ya 2008 au matarajio ya 2009 hawana jibu.Lakini katika dunia ya sasa huwezi kumlaumu mtu kushangilia kumaliza mwaka,huku mafisadi huku magonjwa huku vimbunga,majambazi,nk.Nadhani njia nzuri ya kusherehekea mwaka mpya ni kanisani au msikitini,au faragha kutafakari na kutafakuri mwaka huu umeishaje na ujao utaishaje.

    Ndugu yangu Bwaya,nakutakia kila la heri katika 2009.Tuzidi kuwa sote katika libeneke la ku-blog.Tuna nafasi muhimu (japo haijatambulika sana) katika kuwasemea wasioweza kusikika.Happy New Year,Bwaya.

    JibuFuta
    Majibu
    1. obat perangsang wanita25/11/16 9:53 AM

      I 'm so glad you could come across this site ,
      and we hope to establish good relations with you.
      greetings from me ( OBAT KUAT )


      obat pembesar penis

      jual vimax

      obat kuat viagra

      jual kondom

      Futa
  2. Mzee wa Changamoto31/12/08 5:09 PM

    Heshima kwako Kaka Evarist na asante kwa yote. Napitia na kusoma na kuelimika na kuerevuka kila niangaliapo kitokeacho ughaibuni. Kaka Bwaya naamini umemaliza. Lakini niseme tena kuwa "taswira tujengayo vichwani mwetu ndiyo ituongozayo katika maisha yetu halisi". Natujenge taswira njema, zenye mafanikio, zenye upendo, heshima, amani na utu na pia kukua katika kila imani tuliyopo (maana zote zahimiza upendo na umoja) kisha tutendee kazi mipango yetu myema.
    Tutafika tukishajielewa.
    Heri ya mwaka

    JibuFuta
  3. Fadhy Mtanga31/12/08 10:19 PM

    Nawatakieni Heri ya Mwaka Mpya bloggers wote.
    Na wasomaji wetu.
    One love.

    JibuFuta
  4. A Khudori Soleh1/1/09 12:40 AM

    salam. thanks your comment. you can translate my post to your language by Google translate in my blog.

    JibuFuta
  5. Koero Mkundi1/1/09 7:06 AM

    Habari kaka Bwaya

    Nakutakia heri ya mwaka mpya wa 2009.
    Naomba tuendelee kushirikiana kama mwaka uliopita.

    JibuFuta
  6. MARKUS MPANGALA1/1/09 4:13 PM

    Nimkujw akuwasalimia tu HAMJAMBO JAMBO? heri ya mwaka mpya

    JibuFuta
  7. kamala Lutatinisibwa Lutabasibwa2/1/09 1:16 PM

    tusiishi jana na wala tusiiogope kesho,tuishi maisha tuliyonayo sasa.

    JibuFuta
  8. Christian Bwaya2/1/09 6:34 PM

    Nawatakia wote kila lililojema kwa mwaka huu tuliouanza. Tuendeleze kusudi lile lile kwa nia ile ile.

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»