Iweje waliotulia hawaolewi, aolewe huyu asiyetulia?

Si mara zote uhusiano wa ndoa ni matokeo ya upendo kama inavyotarajiwa. Yapo mahusiano mengi tu ya ndoa ambayo kimsingi ni arrangements za watu kujipatia mahitaji mengine kabisa yasiyohusiana na mapenzi. Katika makala haya, tunajaribu kuonesha kwamba si kila mwanamke aliyeolewa maana yake ni kuwa anafaa na kadhalika, si kila asiyeolewa maana yake ni kuwa hafai.
__________________________________________________________________________
SWALI kutoka kwa msomaji wangu mwingine linasomeka kama ifuatavyo:
“I dont believe all wives are wife material (Siamini wanawake wote wanafaa kuoelewa). Wapo wanaoolewa kwa kuwa Mungu alipanga iwe hivyo and you people call it lucky (wengine wanaita bahati ). 
And there are single ladies single mothers who are so obedient and mannered but not married. (Kuna wanawake na akina mama hawajaolewa na bado wana heshima na tabia njema) So kuolewa ni tabia njema ya mwanamke au mipango ya Mungu???” anamaliza.

Nakushukuru sana msomaji wangu kwa kufuatilia blogu yetu. Mrejesho kutoka kwa wasomaji ni sehemu ya uhai wa blogu. Shukrani sana. Sasa twende moja kwa moja kwenye swali lako:

Sababu za wanaume kuoa hazifanani

Si mara zote uhusiano wa ndoa ni matokeo ya upendo kama inavyotarajiwa. Yapo mahusiano mengi tu ya ndoa ambayo kimsingi ni arrangements za watu kujipatia mahitaji mengine kabisa yasiyohusiana na mapenzi. Ndoa zimeanza kuwa 'fursa' za kujinufaisha kibinafsi na zinameanza kupoteza dhana halisi ya mahusiano. Ndoa zimeanza kuchukuliwa kirahisi kama ubunge na udiwani unaopatikana hata kama huwapendi wapiga kura.

Aina mpya ya usaliti wa mahusiano. Picha theheraldng.com 
Wapo watu huoa ili waweze kupata uhamisho wa kikazi ‘kumfuata mwenzi’. Wapo wanaooa fedha na elimu na hawafikirii kingine chenye maana 'takatifu' ya ndoa. Wengine wanaoa kupata ‘watumishi wa ndani’ watakaosaidia kupika, kufua, kusafisha nyumba na kadhalika. Wengine wanawachukulia wanawake kama ‘viwanda’ vya kuwazalia watoto. Wapo wanaooa ili kupata ‘heshima’ ya marafiki au jamii kwamba jamaa siku hizi kaoa. Wanataka kufikia matarajio ya wengine. Zote hizo ni ndoa na zaweza kuwa halali.

Kwa hiyo tunaweza kusema kwa hakika, wapo wanaume tena wengi tu huoa si kutafuta utoshelevu wa kihisia kwenye ndoa. Hawana habari na kujua na kujibu mahitaji ya‘mwenzi’ na wala hawafikirii namna ya kuwekeza kwenye ndoa ili kadhalika waweze kupata mahitaji yao ya kihisia. Badala yake, ndoa kwao ni nyenzo ya kujipatia 'raslimali watu' itakayowafaa kwa shughuli nyinginezo, wakijua kuwa mahitaji yao ya kihisia watayakidhi kupitia michepuko.

Si kila anayeolewa ni ‘wife material’

Kwanza haiwezekani kila mwanamke awe wife material. Tofauti ya malezi, imani, mitazamo na mambo mengine kibao, kama usawa wa kijinsia unaopiganiwa siku hizi, vyote hivyo vimewafanya wanawake wasikidhi vigezo vya kuoleka achilia mbali kuolewa kwa sababu ya kuwa na sifa za kuolewa. 

Na kama tulivyoona katika aya zilizopita, yapo mazingira ya kutosha kuwafanya wanawake kuolewa kwa sababu nyinginezo nje ya ‘kuwa na sifa za kuolewa’. Pengine wanacho kile kinachotafutwa na baadhi ya wanaume wanaojali ‘mengineyo’ zaidi ya upendo. Hivyo wanaolewa kama bidhaa, vitu, viwanda, wafanya kazi na kadhalika. 

Ndio maana unaweza kushangaa wanawake wajeuri, wazinzi, wababe, wasiopenda kwa dhati, bado wanaweza kuolewa kwa sherehe kubwa tu. Kwa nini? Ni kwa sababu wanaume wanaowaoa wanaotafuta bidhaa. Kwa wanaume wa jinsi hii wala usishangae wanawake wenye nidhamu, unyenyekevu na maadili wakaonekana si lolote.

Umejiwekea mazingira ya kukutana na ‘waoaji’?

Kwa upande mwingine, wapo wanawake wazuri, werevu, waadilifu, waaminifu na kila aina ya sifa njema hawaoelewi. Pamoja na sababu nyinginezo, huenda hawajajiweka katika mazingira ya kuonana na waoaji! Tulisema huko nyuma watu huhusiana na wale wanaowajua. Kadri unavyoonana na watu ndivyo wanavyokujua na vetting yao kwako unaweza kuzaa matokeo.  

Sasa kama mwanamke kwa sababu moja au nyingine haonani na watu, iwe kwa aibu, kazi nyingi, dharau na kadhalika, inaweza kumwia vigumu sana kuonekana. Kujenga urafiki unaoweza kuelekea kwenye mahusiano serious kunaanzia kwenye kukutana. Hukutani na watu, hata kama unafaa, unajiharibia mwenyewe na baadae unalalamika 'huna bahati'.

Wengine pamoja na uzuri na ‘utakatifu’ walionao, hawajijengei taswira nzuri kwa wanaume ‘waoaji’. Chukulia mfano wanawake wabishi, wenye majigambo, wasiojua kusikiliza, wanaoamini wanajua kila kitu, watetezi wa usawa wa kijinsia uliozidi mipaka na kadhalika. Hawa hata kama wanao uzuri wa nje, wanaweza kujikuta wakiwa ‘bidhaa’ ya wanaume wakora wanaotafuta michepuko na sio mahusiano ya kudumu. Na wakiolewa, hujikuta wakiangukia kwenye kundi la wanaume wanaowachukuliwa wanawake kuwa njia ya kufikia malengo yao mengine ya kimaisha.

Ndio kusema, si kila mwanamke anayeolewa basi ni mwadilifu, na si kila asiyeolewa hafai. Kinachogomba ni umeolewa kwa sababu gani? Umependwa kwa sababu mwanaume anaamini unaweza kujibu mahitaji yake ya kihisia, au umeolewa kama nyenzo ya mwanaume huyo kufikia malengo yake mengine ya kimaisha? Je, hujaolewa kwa sababu hufai, au umeshindwa kujikutanisha na wanaume ‘waoaji’ na kuwathibitishia unavyoweza kujibu mahitaji yao ya kihisia?

Si kila aliyeolewa, ameolewa kwa bahati na mipango ya 'mungu’. Kadhalika kwa wasioolewa. 
Twitter: @bwaya

Maoni

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»