Siri ya mwandiko wako (2)

Kama tunavyoweza kumwelewa mtu kwa maneno anayoongea, pia twaweza kumwelewa kwa kuuangalia mwandiko wake. Unapoandika kwenye karatasi, ukweli ni kwamba unatupa dodoso kuhusu tabia zako. Hebu na tuangalie mifano michache ya aina za miandiko na tabia zinazojidhihirisha kupitia miandiko yenyewe:

1. Mwandiko wa kukandamiza: Maana yake akiandika nundu nundu za herufi zinaonekana upande wa pili wa karatasi. Ni dalili ya fikira chanya, kujiamini (hata kunakozidi mipaka) jeuri saa nyingine, majigambo.

2. Kuandika juu juu kwa kuparua: Kutokujiamini, na tabia ya kufikiria mambo kinyume. Yaani kufikiria ubaya, udhaifu wa jambo zaidi.

3. Mwandiko unaolalia kulia: Mwandishi anafikiria anakoenda zaidi, anafikiria mbele. Mara nyingi hana muda wa kutafakari makosa yaliyowahi kumtokea kwenye maisha yake.

4. Mwandiko unaolalia kushoto: Hufikiria jana na yaliyopita. Hujilaumu kwa makosa aliyowahi kuyafanya.

5. Mwandiko unaoongozeka ukubwa kadiri unavyoandika: Mwandikaji ni mbunifu, mkali, hujua kutumia fursa zinazojitokeza. Kama mwandiko unangezeka sana kadri anavyoandika basi kuna uwezekano wa kuwa una tabia ya kuingilia mambo yasiyokuhusu. Kujipenda zaidi (ubinafsi) na kiburi.

6. Mwandiko unaopungua ukubwa wa herufi kadiri unavyoandika: Tabia ya kuishi kama wanavyotaka wengine ama kwa maoni ya watu wengine, kukubali wanachosema wengine, kwa sababu ya kutokuweza kuanzisha mambo mwenyewe. Mtu aliyekata tamaa.

7. Mwandiko usiobadilika kadiri unavyoandika: Uwezo wa kuendana vyema na mazingira yako, mkweli, lakini hata hivyo kukosekana kwa uanzishaji mambo.

8. Herufi kubwa kubwa zenye urefu na upana sawa: Dalili za mwandishi mwenye akili, uwezo wa kuchambua mawazo, uwezo wa kuzingatia, sayansi, ana hisia za juu.

9. Herufi kubwa ndefu nyembamba: Mwenye aibu, Kufikiri kwa juu juu, kutokuangalia jambo kwa kina, hapendi sayansi, walau anavutiwa na siasa kiasi kidogo, anahitaji kichocheo kikubwa kufanya maamuzi.

10. Herufi pana fupi (nene): Mkimya, haongei ongei, ila anajua kupenda, anaishi vizuri na watu.

11. Mwandiko mdogo: Uwezo mzuri wa kuchunguza jambo kwa makini, uwezo mzuri kiakili, Umakini, kumbukumbu safi hivyo anaweza kukariri mambo mengi kwa wakati mmoja, anaheshimu watu wengine hata kama wanatofautiana naye. Ila sasa ukiwa mdogo sana utafikiri sisimizi, maana yake mwandishi hajiamini, anajiona duni flani akijiinganisha na wengine.

12. Mwandiko mkubwa (Jiandiko): Uwezo mdogo wa kuchunguza undani hasa wa jambo, tabia ya kuchukulia mambo katika ujumla jumla zaidi, kutokuwajibika, na utegemezi kwa wengine, kutaka sana ushauri hata kwa mambo yasiyohitaji kushauriwa. Kusikiliza zaidi wanavyosema wengine

13. Mwandiko unaogeuka geuka, mkubwa mara mdogo nk: Hisia zisizotabirika, ‘mudi’ inayobadilika badilika, mchanganyiko wa kujisikia salama na kukata tamaa, tabia ya kufanya mambo kulingana na unavyojisikia. Uwezo mzuri katika muziki na sanaa.

14. Mwandiko unaopungua ukubwa kadiri unavyoandika: Watu wachache wana mwandiko huu, na mara nyingine hutokea mtu napokuwa katika msongo wa mawazo.

Hata hivyo, ni vyema kukumbuka kuwa mwandiko wa mtu huwa na sifa zaidi ya moja katika hizo kumi na nne tulizoziona.

Je, una maoni gani?

Maoni

  1. Yasinta Ngonyani22/10/08 6:19 PM

    kwanza nimestaajabu sana maana nilikuwa sijui kama mwandiko unaweza kuwa na maana kama hizo. Asante sana nitajaribu kuangalia nina mwandiko gani ili nijue mimi ni nani?

    JibuFuta
  2. Christian Bwaya22/10/08 6:38 PM

    Haha haaaaa Yasinta ututangazie matokeo au sio?

    JibuFuta
  3. Fita Lutonja22/10/08 7:55 PM

    Haya hizi sifa yawezekana ni kweli kwani mimi ninamwandiko mdogo ambao kila mtu akisoma huwa anasema kuwa ninmwandiko mdogo.

    Mwandiko wangu uko wima ila unalalia kushoto kidogo sana ukiangalia vizuri ndio unatambua.

    JibuFuta
  4. Bila jina23/10/08 9:15 AM

    asante bwaya kwa kutusaida kuelewa uhusiano uliopo kati ya mwandiko wetu na tabia zetu.Yasinta tunangoja matokeo.
    Je kuna uhusiano kati ya kutembea kwa mtu na tabia yake?

    JibuFuta
  5. Christian Bwaya23/10/08 10:17 AM

    Swali la muhimu Nuru. Nimevutiwa na swali lako, ngoja nilipandishe ukurasa wa kwanza kwa ajili ya mjadala.

    JibuFuta
  6. Bila jina31/10/08 2:16 PM

    Kazi nzuri kijana. Mbona kama sijaona mwandiko wa kucharaza na ule wa kuumba herufi? Au hizi nazo aina za miandiko. Tafadhali Bwaya

    JibuFuta
  7. Unknown8/12/16 8:33 AM

    ......" inakuwaje kwa mtu anaye andika miandiko ya aina nne?....kulala kushoto, kulia, wakusimama.....na wakugandamiza?

    JibuFuta
  8. Unknown6/12/18 4:51 PM

    Ww jamaa genius coz imepatia

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»