Kamwe usikate tamaa

Haya tena. Siku zinakimbia kama nini vile. Ni juzi tu mwezi umeanza. Leo eti masaa machache yajayo mwezi unakatika hivi hivi. Mwaka ndio usiseme. Mwezi wa kumi na moja huu. Bado mwezi tu na mwaka ukatikie mbali.

Sijui kinachosababisha siku kukimbia namna hii. Muda ni mfupi kuliko matarajio. Mambo mengi kuliko dakika zilizopo. Kazi kweli kweli.

Binafsi mwezi huu umepita vizuri pamoja na changamoto za hapa na pale. Nafurahi nimeweza kuzitazama changamoto hizo kwa jicho la kujisahihisha.

Nawe ndugu msomaji bila shaka mwezi umekuendea vyema. Hata kama inawezekana umekumbana na changamoto mbili tatu hakuna haja ya kukata tamaa. Usikate tamaa. Kuna mtu aliwahi kuniambia picha nzuri kusafishwa kwenye chumba cha giza. Giza ni muhimu ili kusafisha picha. Maana yake yake unapojikuta kwenye hali inayofanana na giza vile, kwa maana ya changamoto, kukatishwa tamaa, chukulia hiyo kama mchakato wa kukutengenezea picha nzuri mbeleni.

Usikate tamaa. Pigana kiume. Songa mbele. Anza mwezi wa kumi na moja kwa mtazamo mpya. Jisahihishe. Tutafika.

Maoni

  1. Yasinta Ngonyani31/10/08 10:26 AM

    Oh aise kumbe! nilijisahau kabisa kwa hiyo baada ya miezi miwili tunaingia mwaka mpya 2009. Mm kazi kweli kweli. Ila hata mimi nashukuru Mungu amenilinda mpaka leo ingawa siku haijaisha lakini nasema leo. Napumua na nimefanikisha yote niliyopanga karibu yote. Asante kwa kutukumbusha wengine

    JibuFuta
  2. kamala Lutatinisibwa Lutabasibwa31/10/08 10:51 AM

    Bwaya ahsante kwa ukaribisho wako na sasa nimeiongeza blog yako na Yansinta kwangu.

    Yansita usiwe na wasi wa kumshukuru Mungu kwamba bado unapumua kwani yawezekana kabisa kwamba kutokupumua ni kuzuri kuliko kupumua.

    lakini nimependa msemo wako kwamba umefanikisha yote uliyoyapanga kwani kuyapanga tu tayari nimafanikio na unaelekea kuyatenda.

    JibuFuta
  3. Christian Bwaya31/10/08 1:44 PM

    Yasinta na Kamala ni Mungu yupi manamzungumzia? Allah? Brahman? Wa Israeli? Ama yupi?

    JibuFuta
  4. Yasinta Ngonyani31/10/08 1:54 PM

    sikujua kuna miungu yote hivi. Nilijua kuna mungu mmoja tu na haya ni majina tu ambayo watu wameamua kumwita

    JibuFuta
  5. Christian Bwaya31/10/08 2:00 PM

    Kama ni majina tu dada Yasinta mbona hata matakwa yao yanatofautiana? Yaani anachokitaka Mungu huyu, yule mwingine(jina lingine) anakikataa! Kwa maneno mengine makatazo ya huyu ni matakwa ya huyu!

    JibuFuta
  6. Yasinta Ngonyani31/10/08 2:05 PM

    Ni imani tu kama unaamini mti ni mungu basi utaamini au nguruwe ni haramu basi

    JibuFuta
  7. Christian Bwaya31/10/08 2:23 PM

    Mungu, kwa maana hiyo, anabaki kuwa Mungu hata wapo miungu wengine wanataka kutuchanganya kwa kujifanya wanafanana nae. Changamoto yangu ni kuwatazama hawa miungu waliotapakaa kila kona kwa uangalifu mkubwa. Asante Yasinta. Siku njema

    JibuFuta
  8. kamala Lutatinisibwa Lutabasibwa31/10/08 3:20 PM

    mimi niliongelea Mungu kwa mustakbari alioongelea Yasinta, yaani Mungu wake. Vinginevyo kwangu mimi simjui Mungu aliyemaarufu, siju Mesish, sijui nani. mimi naijua Nguvu kuu (supreme being), nature maumbile etc.
    kimsingi ile nguvu ninayoiamini mini ni ile isiyokuwa na hasira na wala hamna siku itakapokuja kumhadhibu mtu. sio Mungu wa wakoloni a.k.a wazungu
    mpo hapo?

    JibuFuta
  9. Christian Bwaya3/11/08 11:15 AM

    Kamala,

    Kwa nini unafikiri kuna nguvu iliyo kuu? Na hizo sifa ya nguvu hiyo umezipataje pataje? Kwamba haina hasira na haiwezi kuadhibu mtu, umefikiaje hitimisho hilo?

    JibuFuta
  10. kamala Lutatinisibwa Lutabasibwa3/11/08 3:51 PM

    kwa vyovyote kuna nguvu inayoendesha haya mambo, kuna nguvu ambayo ni ya ajabu katika hufanyaji kazi wake.

    nguvu hii wakristo huuita Mungu na waislamu huiita Allah, kila mtu hujiona yuko sahihi lakini wanasayansi ndio basi kwani wao huiita Nguvu tu kama ilivyo. siku zote wanasayansi hukataa kuwepo kwa mtu anayeitwa Mungu lakini hukubali kuwepo kwa nguvu na wanasema kuwa nguvu haiwezi kubadirishwa wala kuharibiwa na wala kupindishwa!

    uwepo wa nguvu unaonekana tu wenyewe, biblia inasema tumeumbwa kwa mfano wa Mungu kwa hiyo basi na sisi ni nguvu au Roho kama ilivyo hiyo Mungu.

    sisi kama binadamu mawazo yetu, maneno (kauli) yetu, yananguvu kuliko tunavyofikiri na hubadirisha na kutupangia maisha yetu. kwamfano, Tanzania sio nchi masikini na wala watanzania sio masikini bali ni nguvu ya Hoja ya watu fulani na sisi kuipokea na kukubali ndivyovinatufanya kuonekana masikini - Nguvu hizo!

    Dini nyingi huamini kwamba nguvu hiyo (Mungu) inahasira na inachukia baadhi ya watu wanaofanya kinyume na maneno ambayo kimsingi ni mapendekezo ya watu waliopita, hii sio kweli!

    nguvu hii ipo na inapenda kila mtu na kila kitu na haihitaji chochote kutoka kwa yeyote isipokuwa ipo kupenda na kupenda tu.

    iko sawa na umeme wa pale Mtera, ukifika mtera huwezi kuona umeme kwa macho na hukuna aliyewahi kuuona umeme japo tunautumia kila siku. wala mtera haijui hasi na chanya, mpaka short ikitokea na kudhuru, yenyewe haijui! inajua kuendelea kuwepo! muifuate mtera na kuileta kwa nguzo mijini msiifate, yote sawa ila nyie msioifuata mdo mmnaopoteza! (mtalala gizani etc)

    nguvu hii ufikiwa kwa upendo kwani asili yake ni upendo usiowamasharti wala wa kulipiza! hufikiwa kwa sayansi ya Roho (science of the soul)

    wanasayansi wetu wanasema hakuna mungu na hii ni kweli kwani Mungu hawezi kupatikana kwa majaribio ya kisayansi, bali kwa majaribio ya sayansi ya roho na hapa ninamaanisha "tahajudi/taamuli-meditation! ambayo hutumika kutuunganisha na Nguvu kuu kama zifanyavyo nguzo na nyaya kwa kuunganisha Nyumba zetu, miji yetu viwanda vyetu nk na chanzo cha umeme yaani mtera

    ni hayo kwa leo

    JibuFuta
  11. Bila jina4/11/08 11:12 AM

    Bwaya,kamala na yasinta hongereni sana kwa michango yenu.
    Ningependa kuungana na Kamala kuwa hakuna kitu kinachoitwa Mungu,kama wengi tulivyoambiwa.
    Zamani kabla hawajaja wakoloni(wazungu na waarabu) hakukuwa na kitu kinachoitwa Mungu,wao waliamini ktk Nguvu kuu.Ndiyo maana utakuta wengine waliamini ktk miti wengine katika majabali,na kikubwa ndugu zangu ieleweke wengi wa watu wa zamani waliamini zaidi katika kanuni za kimaumbile ndiyo ilikuwa msingi wao.
    Kwa mtazamo wangu wengi hatumwelewi mungu sana tunachofanya ni kujenga hofu kwa Mungu,linapokuja suala la kutaka kumjua huyo mungu kwa undani utaambiwa unakufuru,sasa mi huwa ninajiuliza iweje utake kujua asili za aliyetuumba uambiwe unakufuru?Haingii akilini umuulize mzazi wako asili yake wapi akuambie unakufuru.
    kwa kukazia mchango wa kamala kuna wakati mtu akishindwa jambo husema ni mpango wa mungu,lkn ukichunguza utagundua kuna baadhi ya kanuni za kimaumbile hazikufutwa ndiyo maana likashindikana hilo jambo.
    ninaweza kukubaliana na wanasayansi kila kitu kinaendeshwa na kanuni za kimaumbile na kanuni hizo zinaratibiwa na nguvu kuu ambayo wengi tunaiita ni mungu.
    Mi nimejaribu sana kuongea na watu wengi ambao tunaona wamefanikiwa kikubwa wengi ukiwachunguza utaona walifuata kanuni za kimaumbile zaidi ingawa wengi husema mungu amenisaidia kufika hapa.
    pia hata ukienda makanisani na misikitini hafundishi ukweli kuhusu huyo mungu wengi tunamuoona ni mungu wa hasira mungu wa kulaani mungu wa kuwapa mikosi,mungu wa kuadhibu.Hivi jamani ni nani ambaye anaweza akaumba kitu na kisha akakiaadhibu?sanasana atakuwa anakifanyia marekebisho kionekane ni bora zaidi.Tumeona wagunduzi wa vitu mbalimbali duniani huzidi kuviboresha vile vitu walivyovivumbua.Huku unaambiwa ameadhibiwa na Mungu,mi nadhani kuna haja ya kulitazama upya suala la mungu.

    JibuFuta
  12. Christian Bwaya4/11/08 3:13 PM

    Nuru, Kwa nini unafikiri kuna nguvu inayoratibu kanuni za maumbile?

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»