Kuna haja yoyote ya kutokuwa na dini?

Tumekuwa tukijaribu kujadili masuala ya dini. Hili ni jambo jema sana kwa ukombozi wa fikra zetu. Mwaka juzi tulifanya hivyo pale kwa Ndesanjo. Unaweza kubonyeza hapa kuusoma mjadala huo uliohusu dini na imani. Hivi karibuni, Koero aliufungua na kuufunga mjadala wa aina hiyo hiyo. Naomba sasa tujadiliane kwa kina suala hili kwa minajili ya kupeana changamoto pamoja na kuelimishana inapobidi.

Je, dini chimbuko lake ni nini? Je, dini inayo uhusiano wowote ule na Mungu?
Je, bila dini hatuwezi kumwona Mungu? Na je, kutokuwa na dini kunawezekana?

Angalizo: Mipaka ya tafsiri ya Mungu katika mjadala huu, inabaki kuwa maoni ya mchangiaji husika.

Maoni

  1. MARKUS MPANGALA8/1/09 11:47 AM

    Nanukuu): "je dini inayo uhusiano wowote ule na mungu? Je bila dini hatuwezi kumwona mungu" Je kutokuwa na dini kunawezekana?" mwisho wa kunukuu

    Bwaya ubarikiwe umenileta ninapotaka elimu,ninapotaka kuelimishwa ni hay maswali.Yaani nashukuru nimekuwa wa kwanza ili wenzangu wakija wanisaidie mimi lbada mwana mpotevu. ASANTE nawasilisha hoja yako kakangu!

    JibuFuta
  2. Mzee wa Changamoto8/1/09 1:27 PM

    Pengine inabidi kuanza kwa kuitafsiri Dini ambayo itatafsiriwa ki-Imani. Sasa Imani yenyewe ni "kuwa na hakika ya mambo yatarajiwayo. Ni bayana ya mambo yasiyoonekana" Hapo tayari ushaambiwa ama kuwekewa ka-condition ka nini waweza kuhoji maana kuwa na imani katika dini ni kuwa kuwa na hakika na mambo yatarajiwayo na yasiyoonekana. Na hapo ndipo anapokuja Mungu ambaye watu wana hakika ya kumuona japo hakuna aliyewahi kufanya hivyo. Kwa hiyo kwa namna yoyote ile ya kuamini, Dini inayoaminika inakupa TARAJIO la kwenda upendako na huko unaamini utakutana na yule uaminiye kuwa ni Mungu wako. Kwa hiyo kuwa na dini tayari kwakuweka katika mazingira ya kuamnini ambacho hakuna aliyewahi kukiona na hilo latufanya tuamini kuwa TUKO KWENYE DINI NA NDIO NJIA PEKEE YA KUMUONA MUNGU. Ndio maana wahitaji Imani kuwa na dini na ni imani itakayokufanya uamini kuwa utamuona Mungu. Sijui naeleweka? Maana nami kwa kujikanganya sijambo.
    Naacha ili kina Luta-wa-Imani wanisaidie hapa.

    JibuFuta
  3. Bila jina8/1/09 9:02 PM

    Inaaminika kuwa hapo zamani mababu zetu walikuwa na imani zao,wakipatwa janga fulani walikuwa wakiomba kwa namna yao na hali inakuwa vizuri.Baadae wazungu wakaleta dini zao ambazo hazikuwa na lengo zuri(kulingana na historia)kwani zilitumika ktk kuwalainisha mababu zetu na kuweza kututawala na kutukandamiza kirahisi.Kwa mtindo uleule ambao wazungu waliweza kubadili utaratibu wetu wa kubadilishana bidhaa,kwa mfano mtu akitakaka mahindi anaweza kubadilishana na maharagwe,hivyohivyo waliweza kuwashawishi wazee wetu kukana imani walizokuwanazo na kuwapandikiza IMANI nyingine na kuona imani walizokuwa nazo ni za kishenzi na ambazo hazifai.
    Kuna wakati nilikuwa naongea na wazee fulani,basi niliamua kuwagusia kuhusu dini.waliniambia kuna kitabu kimoja cha wakatoliki walichokuwa wanakitumia ktk kusali,kitabu hiki kilikuwa kinaitwa "misale ya waumini" kuna sala ambayo walikuwa wakiisali,na ktk hiyo sala kulikuwa na maneno yaliyokuwa yanasema "tuwaombee na washenzi wote wa bara la Afrika".Watu walishituka na kulalama kuhusu mistari hiyo na hatimaye kitabu kile kilipitiwa na kutoka edition nyingine maneno hayo yakiwa yameondolewa.(hakika ningepata kitabu hiki leo hii nikaiona mistari hii mi ningeachana na dini kabisa!kwani wanaotukanwa ndio waliokuwa wanatamka sala hii kika wasalipo.).Hii ingenipa uhakika wa 100% kuwa dini hizi tulibambikiwa.kwani kama nitaweza kuamini vitabu vinavyoitwa vitakatifu,vile vile nisingeshindwa kuamini kilichoandikwa kwenye ile misale,kuhusu maneno yaliyokuwa yanatudhalilisha sisi waafrika.
    Siku hizi tunaambiwa kama hutaatend kanisani na jumuiandogondogo za kikristu basi tukifa hatutazikwa na padre.(hapa unajifunza nini?).
    Mimi binafsi naamini hivi,kila kitu kinaishia hapahapa duniani,namaana kwamba,ninachotakiwa kufanya ni kuishi na watu vizuri,kusaidia wenzangu pale wanapohitaji na pale ninapoona nahitaji kutoa msaada,natakiwa kuwa chanzo cha amani,upendo na mkemeaji wa maovu.nk,kwani naamini haya naweza kuyafikia bila kuwa na imani ya dini yoyote.(itakuwa na maana gani kama kiongozi mkubwa wa dini analalamikiwa kwa kuwapa mimba wasichana?ujambazi,inamaana gani dini inayomwamini Mungu huyu mmja kukubali mapenzi ya jinsia moja?kila kukicha watu wanakuja na dini zao wenyewe na wanapata waumini wa kutosha tu! Lengo hasa ni nini!).mimi ninapoatend ibada sizingatii utaratibu wa ibada,bali yanayofundishwa na huwa najiuliza mafundisho haya yananisaidiaje ktk kukabiliana na changamoto za dunia hii?
    Mtizamo wangu ni kwamba haitakiwi mtu kusema kwamba dini yake ni ukristo,uislamu,nk au fulani ni thehebu gani,hiyo haitakiwi kwa sababu kama wote tuliumbwa na Mungu,kwa nini tuwe na tofauti za kidini?viongozi wa dini wamejikita ktk kusisitiza taratibu na kanuni za dini zao na siyo kumtayarisha muumini ktk kuweza kukabiliana na changamoto za dunia.Mifumo ya dini mbalimbali ipo ktk mazingira ya vitisho,yaani utendaji wa mambo mema unapandikizwa kwa waumini kwa njia za vitisho.Kwa mfano,kuambiwa kuna jehanamu,kwenye moto ambao unawaka si mchezo!na huku ni kwa wote watendao maovu!Hivi ingetokea taasisi au asasi itakayojikita ktk kufundisha mema,yani kila wiki mara moja na bila kuwa na vizuizi vyovyote wala kufuata taratibu zozote,yani ikifika hiyo siku unakwenda,unasikiliza mambo ya maadili mema,na wala sio lazima,unafundishwa mbinu mbalimbali za maendeleo yako na ya jamii nzima ambazo hazitamkwaza yeyote,ni watu wangapi wangekuwa wanahudhuria,?sio kwamba watu wangekuwa wanaisubiria hii siku kwa hamu kubwa?pengine wangeomba siku ziongezwe,,kwa haya unajifunza nini? Dini ni tija kweli? Ukiweza kuishi na watu vizuri,upendo,amani,kukabiliana na maovu,kusaidia,na mengine mengiambayo hayamkwazi yeyote,bila kuwa na dini,mwisho wake ni nini?da ! Najaribu kuhitimisha lkn nashindwa! ......,

    JibuFuta
  4. kamala Lutatinisibwa Lutabasibwa9/1/09 11:19 AM

    sir lucky,
    kwa taarifa yako sisi tunayo asasi ya kufanya unayoyaongelea na tunahiita elimu ya utambuzi. kwa sasa iko Dar na baadaye tutafungua matawi maeneo lukuki ya nchi hii.

    mtwiba,

    wewe unmenipa changamoto juu ya tunachofikiria na tunachokifanya. kwa nini usubilie kufa ndo umwone Mungu? wengine humwona mungu au nguvu kuu kia wakitaka. kuna wanaotoka kwenye miili yao na kwenda huku mahali pa juu na kurudi kwa njia kadhaa. ukiwauliza watakwambia huyu sie mungu bali kitu kingine ambacho ukuu wake, ubora wake, uzuri wake, upendo nk, havielezeki kwa maneno ya kawaida.

    waweza kumwona Mungu hata bila kulazimika kufa. lakini labda ndio maana sayansi inasema hamna mungu bali kuna nguvu. huwezi kumwona mungu kwa majaribio ya kisayansi bali kwa kufanya sayansi ya roho (sayansi of th soul)

    bwaya,

    maswali yako juu dini ni mazuri. dini ina definition kadhaa. kuna wanaosema dini ni njia ya kuunganisha na chanzo kikuu tulichotengana nacho. lakini wengine hudai dini ni ule woga au deni alilonalo mtu au ahisilo (labda baada ya kutishwa) juu ya uwepo wa nguvu fulani ambayo yaweza kufanyia vibaya any time.

    chanzo cha dini kinasemekana ni uwepo wa vitu viogopeshavyo vilivyokuwa nje ya uwezo wa mwandamu kama vile tetemeko la ardhi, radi, vimbunga magonjwa makali nk,na mwanadamu akaanza kushtakiwa na dhamira kwamba labda kuna vitu kamkosea mtu mwenye vitu hivi hatari na labda yambidi kujipendekeza ili asamehewe na ndiyo maana vitabu vitakatifu vinabaadhi ya maandiko yasemayo kuwa hizo ni laana kwa dhambi. kumbuka vitu kama sodoma/gomora, jangwa nk.

    lakini baada ya maarifa kukua na watu wakagundua kuwa hivi havina ishu wala sio adhabu, ndo maana watu wenye kufikiri vizuri na kujiamni wanaasi dini.

    nadhani kutokuwa na dini hakuwezekani sana kutokana na jamii zetu. mimi nilidhani sina dini lakini sasa nadhani dini zote ni zangu. sielewi sana hapo.

    hata hivyo kuna mifumo ndani ya jamii yetu ambayo tunalazimika kuifuata na ni yakidini na hivyo kujikuta tukiwa sehemu ya dini hizo


    DINI HAZINA UHUSIANO WOWOTE NA MUNGU BALI UOGA NA NJIA ZA KUTAWALA WATU KIMWILI, KIROHO NA KIAKILA.

    naishia hapa

    JibuFuta
  5. Koero Mkundi9/1/09 2:57 PM

    Ndio kwanza naandaa makala inayohusianan na hii mada.
    Naomba kesho asubuhi wadau munitembelee pale kibarazani kwangu.

    Nimeamua kujilipua maana mikwala ya wazee ilinifanya nisite kuendeleza ile mada ya DINI, lakini sasa uzalendo umenishinda mwenzenu sasa nimeamua kuweka mambo hadharani.

    Naomba mnilinde.

    JibuFuta
  6. Unknown10/1/09 5:24 PM

    naona wenzangu walionitangulia wamesema mengi, sina cha kuongeza.

    dada Koero nimekutembelea na nimeona jinsi ulivyojilipua.
    Hongera kwa kuonesha msimamo wako.

    JibuFuta
  7. Christian Bwaya14/1/09 2:46 PM

    Je, kuna ukweli wowote kwamba eti kuna watu hawana dini? Je, ni sawa kumwita mtu mpagani kwa sababu tu haamini dini unazozijua wewe?

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Kama sio utumwa ni nini hiki?

Habari za siku ndugu msomaji. Binafsi sijambo. Nafurahi kurejea kibarazani baada ya heka heka za huko na huko. Itoshe kuhusu mimi, nikukaribishe tena humu ndani. Leo ningependa kukusimulia kisa kimoja. Nikuase kwanza, kwamba usilazimike kunielewa vibaya. Sijawa na tabia ya kuona makosa zaidi niwapo mahali ama nikutanapo na watu. Maana siamini kwamba binadamu ana kazi ya kushabikia makosa kuliko jema moja. Nisijitetee sana. Jumapili hii nilipata fursa ya kuhudhuria ibada kwenye kanisa la 'kisomi'. Washirika wa kanisa hili, wengi wao ni wale ambao umande haukuwazuia kuhudhuria shule. Wamesoma. Pamoja na ukweli kwamba wote walikuwa weusi kama mimi, lakini ilikuwa bayana kwamba kiingereza kilikuwa 'nguzo' ya ibada hiyo. Hilo halikuwa tatizo kwangu. Maana inaeleweka kwa wengi wetu kwamba, kusoma kunathibitishwa na umahiri wa kusema kiingereza. Nshazoea hili. Pamoja na ukweli kwamba kiuhalisia kiswahili ndicho kinachotawala madarasani lakini watu hatutaki kuukubali ukweli
Soma zaidi »»