Tumetengwa na Watu ili Tuunganishwe na Teknolojia?

PICHA: The Brown Daily Herald


Ukisoma gazeti au kitabu, kuna mahali utakutana na ishara kuwa umefika mwisho hivyo utaliweka gazeti au kitabu chini, na kuendelea na mambo mengine. Vivyo hivyo unapoangalia filamu, unapofuatilia kipindi au taarifa ya habari kwenye radio au televisheni. Kuna mahali utafika utakutana na ishara kuwa sasa umefikia mwisho. Kipindi kimeisha, taarifa unayofuatilia imeisha, basi unapata nafasi ya kufanya maamuzi ya ama usibiri kingine au uendelee na mambo mengine.



Mitandao haitupi fursa hiyo. Wabunifu wa mitandao hii wameitengeneza kwa namna ambayo hukutani na mwisho. Mitandao hii, hasa ya kijamii, ni kama 'maporomoko' ya habari mpya kila sekunde yanaitwa 'streaming', 'TL' na majina mengine. Kadri unavyofuatilia habari moja, ndivyo unavyoletewa 'mafuriko' ya vingine vipya. Hukutani na ishara kuwa sasa umekaribia kufika mwisho, kapumzike. Matokeo yake unaweza kujikuta muda wote unaunganisha habari moja kwenda nyingine. 

Hali hii inaathiri sana mfumo wa maisha yetu. Kwanza, tunakosa muda wa kutulia. Hatupati muda wa kutafakari mambo bila kuingiliwa ingiliwa na gharika ya habari mpya zisizo na undani. Habari zenyewe siku hizi inabidi ziwe fupi kadri inavyowezekana kwa sababu hakuna mtu anaweza kufuatilia kitu kwa zaidi ya sekunde kadhaa.

Kule kwenye mtandao wa Twita, kwa mfano, kinachoandikwa ni sharti kiwe na herufi zisizozidi 140, video za WhatsApp na Instagram hazipaswi kuzidi dakika moja na kadhalika. Haya yote yanathibitisha kuwa watu sasa hivi hatuwezi kufuatilia kitu kimoja kwa muda mrefu. Tunavutiwa na vitu vingi kwa wakati mmoja. Tumekuwa kizazi cha nusu nusu nyingi. Hatuna uzingativu.

Matokeo yake hata kwenye maisha yetu ya kawaida, uzingativu umekuwa adimu. Mazungumzo ya kawaida, kwa mfano, huendelea wakati kila mtu akiendelea kugusa gusa kioo cha simu. Mnaweza kuwa watu wengi, lakini kila mmoja yuko 'busy' duniani. Roho i radhi, lakini vidole na uzingativu vi dhaifu. 

Pili, shauri ya kukosa utulivu wa nafsi, tunajikuta tunakosa furaha. Kadri unavyotumia mitandao hii muda mwingi, tafiti zinasema, ndivyo unavyojisikia kusongwa na mawazo. Kimsingi msongo wa mawazo ndio unaofanya watu wawe watumiaji wazuri zaidi wa mitandao. Ni namna fulani ya kujiliwaza.

Nimefanya maamuzi na ninayasimamia. Kwamba sitagusa gusa simu wakati ninazungumza na mtu. Ikiwezekana, simu ikae mfukoni wakati wote wa mazungumzo na ikibidi izimwe kabisa ili nizingatie ninachokizungumza na mwenzangu.

Pia, sitakaa mezani kula au kufanya kazi, niwe mwenyewe au nikiwa na watu wengine huku nikiendelea kugusa gusa simu kufuatilia mafuriko ya habari za kila sekunde ambazo wakati mwingine zisihitaji. Nimeipiga marufuku nafsi kufikiri eti bila kuishi kwenye gharika hii ya habari mpya kila sekunde basi maisha hayaendi. Najua si kazi nyepesi. Nafahamu kuwa kwa enzi hizi za mafuriko ya habari, maamuzi haya yanaambatana na maumivu fulani. Lakini hakuna namna nyingine. Je, unadhani nitafanikiwa? Je, unaweza kuungana nami katika hili?

Maoni

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»