Watu Wasikupotezee Lengo

PICHA: Steemit

Huenda kuna kitu kimekatisha tamaa leo. Huna matumaini tena. Kile unachokitarajia hakionekani kutokea. Umeanza kufikiri kubadili mipango yako. Ujumbe wangu kwako ni mfupi. Usikate tamaa.

Januari 2014 nilikuwa mwanafunzi. Matokeo ya Course Work kwenye somo moja yalipobandikwa nilikuwa nimefanya vibaya sana. Kilichoniumiza zaidi nilikuwa mtu wa tatu au wa pili kutoka mwisho. Hakuna kitu kibaya kama kujisikia kilaza unapojilinganisha na wenzako. Sikujua namba ya mtu yeyote lakini nilikuwa na uhakika nimekuwa wa mwisho. Nilikakata tamaa sana hasa kwa sababu somo lenyewe nililipenda na nilitumia muda wa kutosha kulisoma na kulielewa. Nakumbuka siku hiyo nilikwenda Library nikashindwa kabisa kusoma. Mawazo, "Msuli wote ule kweli?"

Katika nyakati kama hizi maneno unayoyasikia kutoka kwa wanaokuzunguka yana nguvu kubwa ya ama kukunyong'onyeza na kukumalizia au kukuinua. Baadhi ya niliokuwa nasoma nao waliona hiyo ndiyo ilikuwa fursa ya kunidhihaki hasa kwa sababu nilikuwa natumia muda mwingi Library. 'Wachambuzi" wakataka niamini kosa langu lilikuwa kusoma sana.

Somo hilo nililokuwa nimeshika mkia nilikuwa nimefanya vizuri sana kwenye Presentation. Mwalimu alisifia sana kazi yangu na alinitumia kama reference mara nyingi darasani. Kufeli kulijaribu kuonesha mwalimu alikuwa amenipendelea na kunipa sifa nisizostahili. Wakati mwingine kinachokutesa kinaweza kuwa hakipo zaidi ya historia. Unaumizwa na mazuri yaliyowahi kukutokea na unajisikia mtu mwenye bahati mbaya kuharibu historia yako.

Nakumbuka wengine waliniambia, "Kwenye mambo haya ni vizuri kumtegemea Mungu." Walimaanisha nimefeli kwa sababu simtegemei Mungu. Wengine wakaniambia, "Ni vizuri kusoma na wenzako. Kushinda East Africana (Library) sio kufaulu." Maneno kama hayo yalininyong'onyeza.

Niliamua kufanya kitu kimoja. Nikaamua kupuuza mashambulizi hayo ambayo niligundua hayakuwa na lengo la kunisaidia. Nikarudi ndani yangu. Nikajiuliza nimekosea wapi? Kwa nini nimeshika mkia pamoja na kufanya wajibu wangu kikamilifu? Je, nisingeshinda East Africana ningefaulu kama 'washauri wangu'? Nikajitia ujasiri. Nikajiambia kwa ujasiri, "Kuna UE," kisha nikaendelea kusoma kwa bidii na kujituma kinyume na ushauri niliokuwa naupewa na waheshimiwa wachambuzi wa matokeo. 

Nikafanya mtihani wa mwisho. Nilikuwa na matumaini. Baada ya takribani mwezi 'Class Rep' alinipigia simu jioni moja. 
"Kaka hongera sana." 
"Kuna nini mkuu?" nilimwuuliza nikijiandaa kusikia habari njema. 
"Nimetoka kwenye kikao cha kupitisha matokeo. Kwenye course zote hapa SOED (Shule Kuu ya Elimu ya Chuo Kikuu cha Dar es Salaam) aliyefanya vizuri zaidi katoka kwetu. Ndio wewe. Umetisha kaka." 

Sikujua kuna watu wanafuatilia matokeo kiasi kile. Lililo muhimu kwa wakati huo ni kuwa nilipata kicheko cha mwisho baada ya kuvumilia maumivu ya kuwa mkia kwa muda. Nilikuwa nimefanya vizuri sana.

Maisha yana vingi vya kukukatisha tamaa. Kile kile kinachokufanya ujitume na kufanya kazi kwa bidii, ndicho hicho hicho kinaweza kukugeuka na kukukatisha tamaa usipokuwa mwangalifu. Muhimu ni kwamba mambo yanapokwenda mrama usikubali kusalimu amri. Usiwape nafasi 'washauri' wakuoneshe utaalam wao. Kuna watu wengi hutumia fursa hiyo kukumaliza hata kama kwa haraka haraka unaweza kufikiri wanakufariji. 

Katika nyakati ngumu, ni muhimu sana usipoteze lengo. Kinachoonekana kuwa aibu kinaweza kugeuka kuwa somo muhimu kwa mafanikio yaliyoko mbele yako. Usikubali kupoteza lengo. Usiruhusu mtu akuambie maneno yanayokupoteza lengo.

Maoni

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»