Ni kukosa muda ama kukosa kipaumbele?

Kimya cha blogu hii hakikutarajiwa ila huenda ni matokeo ya uzembe. Ni wazi bado sijaweza kushika mbili bila kuponyokwa na kimoja. Na nasikitika sana kwamba kinachoniponyoka mara kwa mara ni blogu.

Nimekuwa nikifikiri inakuwaje huwa sikosi muda wa kula (na kwa kweli napenda kula) hata kama nimebanwa na vitu kedekede? Kwa nini 'sikosagi' muda wa kuzungumza na marafiki zangu kwa kusingizio cha kubanwa?

Hitimisho likawa, huenda ni suala la kipaumbele tu na tabia ya kutokujitimizia ahadi ninazojiahidi. Kwamba inakuwa vyepesi kutimiza ahadi ya nje (na watu wengine) badala ya kutimiza ahadi niliyojiwekea na nafsi yangu.

Kwamba kwa nini nisithamini ahadi na nafsi yangu kwanza, ndipo nithamini ahadi na wengine? Kwa nini mtu mwingine akinipa kazi ya kufanya ambayo nina uhakika ina maksi, ninakuwa mwepesi wa kuifanya kwa mazingira yoyote yale (hata ikibidi kujinyima mengineyo kwa uchu tu wa alama za mtihani) and yet nashindwa yale yangu binafsi yasiyo na shinikizo lolote la nje (hiari)?


Ninafanya jitihada za kufikia mahali pa kuweza kupangilia vyema masaa ishirini na manne ili niweze kukidhi hamu yangu ya kublogu kwa furaha.

Maoni

  1. Yasinta Ngonyani20/11/09 1:10 PM

    Ni kweli kaka bwaya umepotea sana. Ni furaha kuwa umerudi tena na ni kweli usemavyo kuna wakati mtu hujisikii kublogu au kufanya chochote. Kwa hiyo ni lazima ufuate moyo wako usemavyo/utakavyo. Asante kwa ujumbe na pia kwa kujua u salama.

    JibuFuta
  2. Mzee wa Changamoto20/11/09 5:11 PM

    Nilitaka kutoa jibu kulingana na MTAZAMO wangu lakini nikawaza na kutambua kuwa maana pekee ama umuhimu wa jibu ungekuwepo kama lingekuwa linasaidia kuleta suluhisho.
    Kwa bahati nzuri yaonesha unalo suluhisho, hivyo ninaloweza kusema ni kuwa haijalishi kama ni MUDA ama KIPAUMBELE, kinachoonekana sasa ni kuwa unataka kutoa KIPAUMBELE KWA VYOTE hivyo umeamua KUPANGA MUDA KWA VYOTE
    Na hilo ndilo lililo kuu
    Baraka kwako na kwa mipango yako myema.
    Blessings

    JibuFuta
  3. chib20/11/09 6:12 PM

    Kuna wakati unaweza kukosa muda hata kwenye vitu ulivyovipa kipaumbele

    JibuFuta
  4. Christian Bwaya20/11/09 7:53 PM

    Yasinta, sijawahi kujisikia kutokublogu. Moyo wangu unataka kublogu sana ila najikuta nashindwa kufanya hivyo! Mara nyingine najipa sababu zinazoeleweka, lakini bado sipati amani na hali hiyo ya kutamani kublogu bila kuweza kublogu kwa sababu nisizozitaka!

    Tatizo ninalopigana nalo hivi sasa ni namna ya kuweza kupangilia vyote viende kwa uzito unaotakikana.

    Anachokisema Chib kimenitafakarisha. Mwanzoni nilidhani ni kipaumbele, lakini sasa ninadhani ni suala linalozidi hapo. Huenda lipo ninalotakiwa kulifanya zaidi.

    Mube bila shaka uzoefu wako utanisaidia zaidi.

    JibuFuta
  5. Albert Kissima20/11/09 8:07 PM

    Yameongewa mengi, na yamegusa karibu kila kinachostahili kuongewa.
    Kuna wakati unaweza kushtu kia tu mda umepita na hakuna cha maana kilichofanyika. Naona ni vema sana kama tutakuwa na ratiba nzuri ya yale yatuhusuyo na tunayoona yanahitaji uwepo wetu.

    JibuFuta
  6. mdoti Com-kom20/11/09 11:03 PM

    Tatizo si muda, wala tatizo si mvuto tatizo ni kwamba "sisi" hatuna malengo ya mbele sana, hupenda kupanga malengo ya muda mfupi yanayoonesha matokeo ya haraka, kukosa tabia ya kustik katika malengo binafsi na kujali zaidi external presure. Ur not determined to fulfil ur mision. Ndio chanzo hata cha ufisadi. Plz wajibika ipasavyo

    JibuFuta
  7. Simon Kitururu21/11/09 12:01 PM

    Tukumbuke Blogu si muhimu ukitafakari.:-(

    Na kama una njaa kumbuka KUBLOGU si muhimu kama kama kunya.:-(

    Samahani KUMBUKA hizi kweli si lazima ziwe NI kweli zako!:-(

    JibuFuta
  8. Christian Bwaya24/11/09 10:56 AM

    Mdoti nimepata vyema ushauri wako. Nitajitahidi kuwa determined zaidi ya ilivyo hivi sasa.

    Kitururu pengine umuhimu wa kublogu unategemeana na anachokisema Mdoti. Mwanablogu akiwa determined kublogu kwake kutakuwa muhimu kuliko yule asiye determined.

    Huu unaweza kuwa ukweli kwa kadiri ya kanuni na si kwa kadiri ya maoni. Nadhani.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»