Padre karugendo na mijadala ya Imani


Kitabu hiki nilikisoma mara ya kwanza mwaka jana. Yeye mwenyewe alinielekeza mahali pa kukipata baada ya kuwa amesoma mjadala uliomhusu kwenye blogu hii baada ya kusemekana kuwa Padre Karugendo alikuwa "amevuliwa" upadre.
Nilijifunza mengi kuhusu dini.

Pengine unaweza kujiuliza; Kwa nini aliandika kitabu hiki?

Pamoja na kukieleza kisa kizima kilichosababisha yeye "kufutwa" upadre kupitia tangazo la gazetini, Padre Karugendo anasema katika uk. 22: "...lengo zima la kutafakari kwangu na kukushirikisha wewe msomaji, ni kutaka kujenga utamaduni kama ule wa kule zilikotoka dini hizi za kigeni. Utamaduni wa kuamini kitu unachokifahamu vizuri, unachokitafakari, kinachogusa maisha yako ya jana, leo na kesho. Imani inayojenga historia yetu - historia ya Mungu na watu wake wa taifa la Tanzania!"

Pamoja na hilo, Padre karugendo anasema kwa sauti kubwa kabisa kwamba, "Si haki Maaskofu kukemea ufisadi ndani ya serikali na kuacha ufisadi unaoendelea ndani ya makanisa yao. Mtu anayekumbatia matendo ya kifisadi hawezi kukemea ufisadi. Ni lazima kanisa lijisafishe kwanza, ndipo liweze kuwa na ushawishi mkubwa ndani ya jamii yetu."

Kimechapishwa na Shule & Company (2009) na kinauzwa kwa bei ya Tsh 4500. Kipate ukisome, kisha utafakari kimya kimya!

Maoni

  1. emu-three9/3/11 8:27 AM

    Mara nyingi ukweli unauma, na wale waliokalia kiti hawapendi kuambiwa kuwa kiti walichokalia kimelegea kinaweza kikamwangusha, ..kwanini hawataki huo ukweli, kwasababu wanachelea kuwa wakiondoka, watakalia wengine, na huenda wakakitengeneza hicho kiti vyema na wasipate tena nafasii ya kukikalia!
    Imani za dini zipo wazi, ila waliojaliwa kuzisoma, wanakuwa `wachoyo' hasa linapokuja swala la udadisi ili kujua zaidi `kwanini...'!
    Sijui kwanini waogope kujibu hilo swali `kwasababu'...ndio hiyoo ya kuogopa kuwa kiti kitatengenezwa na ukweli utadhihiri...na mwisho wa siku...!
    Hongera sana mkuu kwa kuwa msomi na huna uchoyo wa kuwaeleza wengine nini umekisoma na kimekusaidiaje na kitasaidiaje wengine...hiyo ndiyo elimu na huo ndio usomi.
    Ukisoma ukajua , ukabakia na elimu yako kichwani, bado kuna mashaka na elimu yako, lakini kama umesoma na ukiitumia elimu yako kwa faida yako na kwa wenzako pia, hayo ndiyo matunda ya elimu na huo kwangu mimi nauona kama ndio `usomi'

    JibuFuta
  2. Goodman Manyanya Phiri9/3/11 11:53 AM

    Asante sana, Mkuu, kwa mijadala kama uliotuletea leo.

    NAMNUKUU PADRE KARUGENDO: "Si haki Maaskofu kukemea ufisadi ndani ya serikali na kuacha ufisadi unaoendelea ndani ya makanisa yao..."


    SWALI LA MANYANYA PHIRI: Anajuaje yeye Padre kwamba wanaacha kukemea ufisadi unaoendelea ndani ya makanisa yao?


    Pili: Hata wakiwa wanakemea kila siku, yeye Padre anafikiri kweli itakuja hiyo siku wakati wote wale watenda-dhambi waliojumuika kanisani za maAskofu ila kusafishwa na damu ya Yesu wawe wasafi siku moja kwa kila mmoja wao?


    Kama hiyo siku haitakuja [mpaka Yesu mwenyewe kurudi], waanze lini sasa Maaskofu kukosoa serikali zetu ikiwa Tanzania, Afrika Kusini au nchi yoyote ile duniani?


    Mimi binafsi sipendi dini ingawaje naikubali na vile kuiheshimu; lakini ninachokana ni mambo yasiyokua na mawazo yenye kueleweka kama alivyonukuliwa yule Padre... (THE PADRE'S LOGIC IS BANKRUPT).

    JibuFuta
  3. selaput dara buatan3/5/15 10:32 PM

    thanks for sharing

    JibuFuta
  4. Vimax Canada21/9/15 5:29 PM

    good article, thanks for sharing

    JibuFuta
  5. Selaput Dara Buatan21/9/15 5:30 PM

    great post barticle, thanks

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»