Ninachokisoma sasa...

Maoni

  1. John Mwaipopo7/3/11 10:54 PM

    naona umedhamiria kuwa BIG. sie wengine tutapenda kutafsiriwa kwa vitendo. kila la heri katika kuchota maarifa.

    JibuFuta
  2. Yasinta Ngonyani8/3/11 12:28 AM

    Hongerak sana!!

    JibuFuta
  3. Mbele8/3/11 3:06 AM

    Hiki ni kitabu maarufu kimojawapo ambacho nilikumbanaa nacho huku ughaibuni miaka michache iliyopita. Ni kati ya vitabu vinavyohamasisha mtazamo wa maisha ambao ungepaswa uwemo katika vichwa vya watoto wetu, vijana wetu, na wengine kwa ujumla.

    Kitu kimoja kinachosikitisha katika jamii ya waTanzania ni hii dhana ya kukata tamaa. Utasikia, kwa mfano, eti vijana wetu, wanakaa vijiweni, wanavuta bangi, na kadhalika eti kwa sababu wamekata tamaa.

    Wangesoma vitabu kama hivi, wangekuwa na mtazamo tofauti. Tatizo jingine ni uongozi. Angalia huku Marekani, kwa mfano. Hata kama nchi inakabiliwa na matatizo makubwa kiasi gani, utamsikia Rais Obama akitoa hotuba ya kuwatia watu moyo sana.

    JibuFuta
  4. emu-three8/3/11 4:33 PM

    Kusoma kuzuri jamani...nini kama elimu katika `mtizamo, malengo na mafanikio?' sijui. Elimu haiji kwa kuongea tu, ...`kusoma'
    Soma, kila kitu , soma mpaka macho yapofuke kwa maandishi, kwani mwisho wa siku utajua jinsi gani ya kuyatibu hayo machoo yasipofuke!

    JibuFuta
  5. Christian Bwaya8/3/11 10:06 PM

    @Mwaipopo, napenda kujifunza zaidi maarifa ya nafsi (kujielewa, kujisaili upya, kujenga upya mitazamo, kuona nisichokiona na kadhalika). Nayapenda sana maandiko yenye mtazamo huo wa mabadiliko binafsi kwa kuamini kuwa hatuwezi kuibadili jamii bila kwanza kubadilika sisi wenyewe.

    JibuFuta
  6. Christian Bwaya8/3/11 10:14 PM

    @Yasinta, karibu sana!
    @Profesa asante kwa mchango wa uzoefu wako. Kuna umuhimu wa kubadili mitazamo hasa katika umri wa mtu kama mimi.

    @M3, mafanikio ni nini? maana vyovyote iwavyo sote twapenda kufanikiwa. Mafanikio huanzia kwenye mtazamo. Namna tunavyoyatazama mambo. Kusoma ni hatua ya kwanza. Ya pili, hufuata baada yake.

    Wataalamu wa elimu hudai, elimu huja vyema sana kwa kuongea. Unapoongea kile ukijuacho, unajifunza zaidi. Kisha utekelezaji unafuatia. Tusiache kujifunza.

    JibuFuta
  7. chib15/3/11 12:38 PM

    Namuunga mkono Prof Mbele kwa asilimia mia moja

    JibuFuta
  8. Aisha S.Rubama22/4/11 10:55 AM

    hongera sana kaka, kwani umeendelea...maendeleo yanaanza kwenye mtazamo, mtu anaelewa nini? uelewa wa mtu ndio silaha pekee ya kumtoa kwenye magumu yake...lakini uelewa unakuja kwa kusoma vitabu na hali nzima ya mtazamo wa upokeaji(human acceptance.nawasihi watanzania wenzangu tubadilike kwenye mtazamo mzima kuhusu maisha ndio mwanzo wa maendeleo...tujielewe(tuko wapi)tujitambue (sisi ni kina nani)tujifahamu(tunatakiwa kufanya nini kwa wakati gani)....hapo ndio tutaendelea...asanteni

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Mbinu za Kushinda Maswali ya Usaili wa Kazi - 1

Picha
Kama tulivyoona katika makala yajuma lililopita , usaili ni hatua ya mwisho kuelekea kupata kazi. Sehemu kubwa ya usaili ni maswali na majibu yanayolenga kupima uwezo wako wa kukabiliana na changamoto halisi za kazi. Ingawa yapo maswali yanayoweza kukupa wasiwasi wa nia ya mwuulizaji, fahamu kuwa hakuna swali linaulizwa kwa nia mbaya au kwa bahati mbaya. Kila swali linaloulizwa linalenga kutafuta uthibitisho kuwa wewe ni mtu sahihi kwa kazi unayoomba.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Malezi yanavyochochea ubabe katika jamii

Picha
Natamani tutafakari jambo hili kwa kina. Nyumbani tumemzoesha mtoto fujo —fimbo, makofi, matusi na aina nyingine za ubabe. Sisi wazazi tunaamini hatuwezi kulinda mamlaka yetu bila kumsababishia mtoto maumivu iwe kwenye mwili wake au hisia zake. Ukiangalia yanayoendelea nyumbani hakuna mazungumzo yenye upendo na mtoto. Tunaamini amani na utulivu kwenye ngazi ya familia ni pale tunapokuwa na watoto wasiofikiri, wasiouliza, wasiothubutu kutofautiana na wazazi ambao ndio mamlaka katika familia.     Shuleni mtoto anakutana na mwalimu anayeamini njia pekee na ya uhakika kulinda heshima na mamlaka yake darasani ni vitisho, fimbo na kila aina ya ubabe kwa mwanafunzi. Ukiangalia mbinu za ufundishaji wake huoni wapi anaamini katika ushirikishwaji wa mwanafunzi. Tangu asubuhi mpaka jioni zoezi linalotawala ni wanafunzi kupokea maelekezo na kuyakariri.    Mwalimu anaamini nidhamu ni pale amani na utulivu vinapotawala darasani. Hii, huenda ndio sababu shule zinahangaika na wapiga...
Soma zaidi »»