Ninapoahirisha mafanikio yangu kwa "kukwepa" kuamua

Mambo mengi yenye matokeo mazuri, si rahisi kuyafanya. Hasa ikiwa utekelezaji wake unadai utashi, “usilolazimishwa” na mamlaka iliyo nje na mtu mwenyewe. Ugumu wa mambo haya, ni zile zinazoonekana kuwa gharama za papo kwa hapo, zinazoweza kutukwaza tukate tama ya kufanya yale tuyapendayo.

Matokeo ya haya yote, ni kujikuta tukiishi maisha yasiyo na utimilifu. Maisha yasiyo yetu.

Pengine uliwahi kusoma maneno ya mtu mmoja aitwaye Albert Gray yanayosema:

The successful person has the habit of doing things failures don’t like to do. They don’t like doing them either necessarily. But their disliking is subordinated to the strength of their purpose.

Nukuu hii imekuwa na maana tofauti kwangu. Kwamba kile ninachokiona kwamba kana kwamba hakivutii kukifanya, ndicho chaweza kufanyika utimilifu wa ninachokikusudia.

Mambo gani ambayo unajua ni ya muhimu yafanyike lakini unayaahirisha? Ni mangapi mazuri unayakosa kwa kule tu kukwepa kulipia gharama ya kuyatekeleza hayo unayoyaona kuwa ni ya muhimu? Je, kama ungeamua leo kukubali kulipia gharama ya kutekeleza mambo hayo, hatua ngapi ungepiga mbele?

Nikijichukulia mfano mimi, ninajua kabisa kuwa huwa ninapokwepa kufanya mambo fulani fulani ambayo nina hiari ya kuyafanya ama kuyaacha, lakini ni ya muhimu, mwishowe hukumbana na gharama kubwa za kulazimika kufanya kitu kile kile nilichokiahirisha mwanzoni ama kuchelewa kutimiza ninachokusudia.

Lakini pale ninapoamua kuweka chini hali ya kuona gharama (za muda, uhuru, kurekebisha ratiba ya siku nk) kama kitu kilichojuu ya kusudi lililo mbele yangu, mambo hubadilika.

Gundua kile unachokikwepa na chukua maamuzi ya kukifanya. Jifunge kibwebwe na usirudi nyuma. Kusudia kutanguliza kusudi mbele ya hizi zinazoonekana kama gharama za muda tu tusizovutiwa nazo sana. Utashangaa kitakachotokea ambacho hakikutokea siku zote kwa sababu tu “ulikwepa kuamua!”.

Maoni

  1. Simon Kitururu18/2/11 5:10 PM

    Asante sana Mkuu kwa hili!

    Yani hapa nilipo kuna mengi kweli nimekwepa na hii imenipa munkari mpya kuyaingia kichwa kichwa!

    Kwa bahati mbaya kila mwaka Mpya huwa nakata shauri kuingia mambo kichwa kichwa lakini mara nyingine hata ndani ya mwezi huohuo wa kwanza naanza kukwepa mambo!:-(

    DUH!:-(

    JibuFuta
  2. Goodman Manyanya Phiri19/2/11 8:16 PM

    Mazowea ya kuahirisha mambo ni utumwa, amesema mmoja wao mie hapa!


    Naam, Mkuu Bwaya, mtu atakayenipa dawa ya kuacha kuahirisha mambo, hata milioni nampa kabisa!


    Lakini mpaka leo, mie na watumwa-wenzangu sidhani tumekwishapata tiba!

    Labda wasomaji wengine wanaweza kutufafanulia zaidi ila tupate matibabu tena nadhani hata naye Mkuu Kitururu atafaidi hapo! Si ndio katika hali kama hii ya kuadimika kwa tiba waliposemea Wahenga: KILA SHETANI ANAMBUYU WAKE?




    Wakati tunaposubiri tiba yetu, niruhusu tafadhali Mkuu Bwaya niwafariji waahirishaji wenzangu juu ya baadhi ya njia za ?kumudu? (HOW TO MANAGE THE CONDITION).

    Napakumbuka Ilala Dar es-Salaam mwaka 1992 nilipopewa MWAKA MZIMA kwandika ripoti yangu juu ya utafiti niliokuwa naufanya ili nifaulu DIPLOMA ya Wandishi wa Habari huko TANZANIA SCHOOL OF JOURNALISM, au kama inavyoitwa siku hizi, "School of Journalism and Mass Communication-SJMC" http://www.sjmc.udsm.ac.tz/SJMC-About.php)




    Amini usiamini nilianza kwandika saa kumi ya jioni.

    Wanafunzi wenzangu Idi Rashid Mchatta, Stephen Lyimo, Karim Besta, na wengineo wengi sasa marehemu kama Mwafrika-Kusini-Mwenzangu Monde Tshongweni walipokwenda kulala hapo baadaye mie nikaendelea tu nakuchapa hiyo ripoti usiku mzima.

    Saa nne asubuhi iliyefuata ilikuwa ni muda wa mwisho kumpa Mwalimu Mkuu Bwana Maurice Samwilu Mwaffisi hizo ripoti.

    Mimi mwenyewe nilikuja kushangaa kwani ripoti yangu na ile ya rafiki yangu Bw Herald Tagama, pamoja na ?utetezi? wake (THESIS DEFENCE)ndizo zikawa juu zaidi kiasi cha kutangazwa katika vyombo vya habari Tanzania! (Ilikuwa mara ya kwanza Msouth-Afrika, tena labda mwanafunzi yoyote yule asiyeMtanzania, kupata FIRST CLASS).



    Kwa ujuzi wangu mimi mwenye huo udhaifu wa kuahirisha mambo, lile joto (ADRENALIN RUSH)la kujua mtu uko hatarini usipomaliza kwa wakati, ndilo linakutia nguvu za kiakili kuimaliza hiyo shughuli tena vizuri kuliko pale ungeanza mapema zaidi.

    Yapo lakini muhimu ya kuzingatia:

    1. Uwe na afya nzuri kimwili (PHYSICAL FITNESS) vilevile kiakili (EMOTIONAL STABILITY AND MENTAL SOUNDNESS IN GENERAL).

    2. Uwe na uhakika na ?namna? (SKILLS/KNOW-HOW) ya kufanyia hiyo shughuli. Kama ikiwezekana uwe bingwa wa hizo SKILLS.

    Mfano tena wa 1992, asingekuwepo mwanafunzi-mwenzangu Bi Beatrice Bandawe aliyenilazimisha daima kushika adabu, ningekuwa mimi ndio bingwa wa darasa letu kwa kupiga chapa (TYPING SPEED AND ACCURACY).




    Kwahiyo, Mkuu Bwaya, mimi ninamaoni ya kwamba hata ikiwa kama sasa hivi bado hatujapata tiba ya ugonjwa wetu wa kuahirisha, tusiogope kujitangaza sisi ndio wadhaifu wa hayo mambo. Labda tena ni sifa kwa upande mwingine!

    Vilevile tuwe wajanja kama yule mtoto aliyezubaa na badala yakumchorea mwalimu sungura, yeye alichora jabali.

    "Je, hii ndiyo sungura uliyechora wewe, Mtoto?" Mwalimu aliuliza kwa gadhabu.

    Mtoto kujibu: "Mwalimu, tafadhali tulia kwanza! Sungura yupo, bali amejificha huko nyuma ya jiwe!"

    JibuFuta
  3. Rachel Siwa23/2/11 10:23 PM

    Ahsante kaka Bwaya!ninapoyapangia siku naona kama mbali, muda wake ukifikia sasa, unaanza kuchagua hili si lalazima leo nitalifanya nikipata nafasi.Nakuna mengine mapya nazalisha!.mmmhh kazi kwelikweli!.

    JibuFuta
  4. Bila jina11/5/11 2:52 PM

    Ni mgonjwa mwandamizi mimi kwa hili, na imefika wakati najiogopa kwa hilo. Tiba ikipatikana tutapona wengi. Haule

    JibuFuta
  5. Foto Cewek Bugil3/5/15 10:33 PM

    i like it this blog

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»