Blogu zakutanisha wanablogu...!


(picha mali ya Mtanga wa Mwananchi mimi)

Habari za kukutana kwa wenzetu watano nilizipokea kwa furaha kubwa. Hii kwa hakika ni hatua kubwa na ya kupigiwa mfano. Bila shaka, kama wanavyofikiri wanablogu wengine, huu utakuwa mwanzo mzuri kwa wengine wetu tukukutana mmoja mmoja na hatimaye wote kwa wakati mmoja kama walivyofanya wenzetu hawa.

Hongereni sana Mwananchi mimi, Hadubini, Mtambuzi, Lundunyasa na Chacha Wambura kwa kutuonyesha njia.

Wapo watu wanadhani matumizi ya majina bandia yanawasaidia. Niliona mjadala fulani kwenye mtandao wa Jamii forums ambao kwa kweli ni vigumu wanachama wake kukutana kama walivyofanya wenzetu. Bonyeza hapa uone na utafakari.

Tuachane na hao wasitaka kufahamika. Turudi kwa wenzetu waliweza kuutumia mtandao mpaka wakaweza kukutana siku ile. Hivi ndivyo Ndugu Fadhy anavyosimulia tukio hili:

"Muda huu hapa hoteli ya Movenpick jijini Dar es Salaam. Tunamshukuru sana Mungu kwani leo tumeweza kukutana tena bloggers kama unavyotuona pichani. Kutoka kushoto ni Fadhy Mtanga (kutoka Dar), Shaban Kaluse (kutoka Dar), Chacha o'Wambura (Kutoka Musoma)na Emertus Chibuga (kutoka Kigali Rwanda). Tumekuwa na wakati mzuri sana pamoja. Tumeweza kuwa pamoja na Simon Kitururu kwa simu kutokea Nairobi Kenya na Yasinta Ngonyani akiwa Sweden. Na tunamtarajia Markus Mpangala si punde.huu ni mwanzo mzuri wa ushirikiano wa bloggers.

Tunaamini tunaweza kupiga hatua nyingine zaidi ya hii kwa kukuza ushirikiano miongoni mwetu na ushiriki wetu katika mitandao hii ya jamii.

Udugu una mwanzo wa aina kadha wa kadha. Kublog kumejenga udugu.

Tunasema hii ni lifetime experience ambayo inaleta raha moyoni. Hebu fikiria raha uipatayo kukutana na mtu uliyekuwa ukiwasiliana naye kwa njia ya mtandao. Unawehuka kwa furaha isiyo kifani..."


Naye Ndugu Shabani Kaluse akatupa muhutasari wa yaliyozungumzwa:

" Naweza kusema kuwa wiki iliyopita imeacha kumbukumbu kichwani mwangu kutokana na tukio muhimu la kukutana na wanablog wenzangu pale katika Hoteli ya Movenpick.

Ni siku ambayo nilikutana na Chacha o’Wambura Ng’wanambiti na kaka Fadhy Mtanga na Kaka Chib ambapo tulibadilishana uzoefu juu ya Blog zetu hizi.

Mazungumzo yetu yalilenga zaidi katika kupanua wigo wa kublog na kuingia katika utunzi wa vitabu vya maarifa na riwaya. Lengo ni kupanua wigo wa yale tunayoandika ili yawafikie wananchi wengi wasioweza kupata habari za mtandaoni kutokana na ufinyu wa mtandao kutowafikia wananchi wengi vijijini na uelewa mdogo juu ya tasnia hii ya mtandao

Pia tuliazimia kujenga mkakati wa kuwalinda wanablog wa kike ili wasije wakatoweka katika tasnia hii ya blog na pia kuwashawishi wanawake wengi zaidi kujitokeza na kuanza kublog na kuzungumzia matatizo yao na yale yanayoikabili jamii kwa ujumla.

Nisingependa kuzungumza mengi juu ya kukutana kwetu kwani Chacha na Fadhy wameshazungumzia maazimio tuliyofikia katika kikao chetu hicho..."

Kisha mkutano wao uliendelea mpaka nyumbani:



"...Lakini cha kufurahisha zaidi ni pale Fadhy aliponitembelea nyumbani kwangu maeneo ya Tabata na kupata wasaa wa kukutana na familia yangu.

Tulizungumza na Fadhy hadi saa mbili za usiku..."


Unasemaji ndugu msomaji. Blogu ni viwanja vya kutukanana na kukashifiana kama wanavyofikiri wengine au ni namna tu tunavyoweza kuzitumia?

Maoni

  1. Yasinta Ngonyani21/5/10 2:11 PM

    kwa kwli mwanzo ni mzuri na naamini huu ni mwanzo tu wengi tutakuja kutana tu .

    JibuFuta
  2. chib21/5/10 7:26 PM

    Kwa kweli kwangu ilikuwa ni furaha kubwa kukutana na watu... ambao labda kama isingekuwa mambo ya blogu, nisingefanikiwa kukutana na watu hawa muhimu. Ni kweli huu ni mwanzo mzuri, kwani kwa kukutana na wanablogu hawa, niliweza pia kuongea na Mt Kitururu na Da Yasinta kwa njia ya simu. Yaani nilinenepa ghafla kama unavyoniona kwenye picha. Ahsante Bwaya kwa kunikumbusha furaha niliyoipata.

    JibuFuta
  3. Mbele22/5/10 2:37 AM

    Mambo hayo ni mazuri, na wanablogu tunayaunga mkono. Nami nilishajieleza hivyo kule kwenye blogu ya Ndugu Mtanga.

    Nitakuwepo Tanzania kuanzia Juni 8, na ninategemea kukutana na wanablogu kadhaa.

    Mimi huwa sionekani kwenye haya mahoteli makubwa kama Movenpick. Daima utanikuta huko u-Swazini. Sasa sijui itakuwaje.

    JibuFuta
  4. MARKUS MPANGALA22/5/10 7:14 AM

    ni mambo poa. Niseme kitu kimoja nimewahi kuhudhuria mkutano wa wanabidii na kuna jama aliropoka kwamba ' of cousre mie ifichi jina langu' nilishtuka sana nikabaini kuwa msimamo wangu wa kutojihusisha na wanabidii ni kutokana na unafiki kama huu na kamwe sitjihusisha nayo. watu wanatumia majina feki siyo wakweli. halafu kuhusu kasfa na kutkana kwakweli inashangaza hebu mtazame mdogo wetu huyu wa clouds fm anaitwa DIVA hii ni blogu au nini? kuna wakati watu wanamtukana sana, lakini nadhani tatizo ni mhusika mwenyewe kutayarisha mazingira hayo. jamii forum na wanabidii siwezi kujihusisha nayo ingawaje watayarishaji wake ni rafiki zangu hasa Yona Maro. lakini nipo pembeni. blog ni ukweli kabisa

    JibuFuta
  5. Fadhy Mtanga22/5/10 1:45 PM

    Kaka Bwaya napenda kukushukuru sana kwa kuthamini kukutana kwetu.

    Siwezi kuficha, tukio lile limeacha kumbukumbu muhimu sana kwangu. Nilijiona kama mtu mwenye bahati sijui ya aina gani. Kama kaka Chib asemavyo, alinenepa ghafla, basi nami vivyo hivyo.

    Tunatarajia huu uwe utaratibu wa maisha. Kama wenzetu wasanii walivyo na utaratibu wa kukutana, nina amini nasi tumeanza kujenga utaratibu huo. Ni jambo la kufurahia sana.

    Tutazame mbele zaidi. Hao ma-anon waendelee na kupoteza kwao muda, haiwasaidii lolote.

    JibuFuta
  6. Unknown22/5/10 1:59 PM

    Profesa mbela usiwe na wasiwasi kuhusu mahali pa kukutania. mbona kikao chetu mie na Fadhy Mtanga kiliendelea hadi Uswahilini pale Buguruni?

    Tunaweza kukutana Pale Kimboka By Night, kuna mengi ya kujifunza ukiwa pale.....

    Bofya hii link ili kujua yanayojiri pale Buguruni uswahilini:

    http://kaluse.blogspot.com/2010/05/mkutano-wetu-na-wanablog-wenzangu-na.html

    JibuFuta
  7. nyahbingi worrior.23/5/10 11:44 AM

    Hata kama tukikutana wote na JUMUWATA bado imezikwa basi haina uzito wowote ule.

    JibuFuta
  8. Maisara Wastara23/5/10 3:17 PM

    mie ni mgeni hapa.....

    JibuFuta
  9. Christian Bwaya24/5/10 9:38 AM

    Tuangalie namna ya kukutana zaidi na zaidi. Tukipanua wigo wa mikutano yetu, itatuleta karibu zaidi kuliko wanachama wa nyinginezo maarufu kwa vibomu lakini hawataki kutambuana kwa majina halisi.

    JibuFuta
  10. Fadhy Mtanga27/5/10 11:00 PM

    Kaka Bwaya naungana nawe. Kukutana kwetu kutakuwa chachu ya ushirikiano mzuri zaidi.

    JibuFuta
  11. Sophie B.5/6/10 5:02 AM

    Umoja ni nguvu.Malengo mazuri !

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»