Wingi wa siku ndio lengo lako?

Wengi wetu hufanya jitihada kubwa na kutumia muda mwingi kuhakikisha kuwa tunaishi maisha marefu. Tunaepuka kula baadhi ya vyakula na hata kufanya mazoezi si kuwa na furaha bali kuepa magonjwa fulani fulani. Lengo hasa likiwa katika kuzidisha wingi wa siku za kuishi duniani na wala si ubora wa siku hizo.


Tungefanya vyema kama tungelijishughulisha kutafuta ubora wa siku chache tulizonazo ili tuweze kuziishi kwa furaha badala ya kuhangaika na kuzirefusha siku zetu ziende mbele pamoja na matatizo yake.

Kilichobora si kurefusha siku ambazo zaweza kurefusha matatizo kwa upande mwingine...!

Maoni

  1. Bila jina20/10/09 4:40 PM

    Ni kweli kabisa swala sio muda bali ubora wa maisha au kukamilisha kile kilicholeta hapa duniani. Ukiweza kujiuliza maswali kuhusu maisha utangundua hata huo muda mrefu au mfupi ni kipimo cha kibinadamu hakina maana yoyote yenye mashiko.

    JibuFuta
  2. Simon Kitururu20/10/09 9:05 PM

    Pembeni kidogo ya swala hilihili!

    Nilishawahi kuongea na jamaa kuhusu mpaka swala la kwanini ni wachache wanaojiua kirahisi kivyao au kidini a.k.a kujialqaida kistaili za kuanza, katika kufupisha maisha.

    Jamaa akanijibu, unauhakika na uendako ukifa?Kesho ikiwa nzuri sana je kuliko leo?

    Akadai hilo ndilo sababu Binladen hajiui kujipunguzia maisha na amfuataye anaweza kujiua aende mbinguni.

    Nitumaini langu sijatoka nje sana na hoja!

    JibuFuta
  3. kamala Lutatinisibwa Lutabasibwa23/10/09 3:01 PM

    ubora wa siku chache ukoje, uko wapi na unafananje? SIKU ZISIZOBORA ZIKOJE?
    unamaanisha tule tu na tusijali ieti kwa sababu hatujali kufa? kama ni hivyo kale sumu tuone.

    hatupaswi kula vykjula fulani kwa sababi kimaumbile sio vyetu au hatuvihitaji. siku zote ni bora na msingi wa ubora wake upo kwa sababu ni bora na ilibidi ziwe bora bila kujali nini.

    eti ni jambo gani bora duniani? si sisi ndio ubora wenyewe? maisha baada ya kifo hayatuhusu sana kwani yanategemea yale tuliyonayo sasa (kablaya kifo). kwani kabla hatujazaliwa tuliwahi kuambiwa kuwa tatuazaliwa na kuishi maisha fulani? sisi si ni matokeo tu ya wale wenye uwezo wa kufanya ngono tukawa mimba na sasa ni midume mizima kama bwaya na Kitururu? au unadhani ngono ile ilikuwa takatifu ndo maana ikakuzaa wewe!

    no naishia hapa

    JibuFuta
  4. Christian Bwaya26/10/09 12:55 PM

    Kwako Kamala,

    Sikutaka kumaanisha kwamba kazi ya kufupisha siku iwe ndiyo mbadala wa kurefusha. Nilichokuwa nataka kukisema ni je, lengo la mwanadamu ni kutafuta ridhiko na furaha kwenye siku anazoziishi (hata kama ni chache)ama ni kujibidiisha katika kuzirefusha (hata kama hamletei furaha kamilifu na ridhiko, ambalo ndilo hasa kiini cha mahangaiko yote ya maisha?)

    Kwa nini watu wanalazimika (kujitesa) kwa kuwa na miiko ya kula baadhi ya vyakula kwa lengo la kurefusha siku?

    Kwa kadri ya maoni yangu, harakati hizo hazina maana kama mtesekaji husika hatafuti kufurahia kila dakika ya maisha yake nayojaliwa kuipata.

    Halafu kuhusu vyakula. Kibaolojia, hakuna chakula ambacho hakihitajiki. Vyote vinahitajika kwa UWIANO UNAOTAKIWA. Kutokuhitajika kwa vyakula fulani fulani ni suala la kiimani zaidi ambalo laweza kutafutiwa maelezo ya kisayansi.

    Nakubaliana na wewe kwamba siku zote ni bora, kama tutazifanya kuwa bora kwa utashi wetu. Anayezifanya kuwa bora ama za kitumwa ni sisi wenyewe.

    Kufa kupo hata kama tutakwepa sana kufa kwa matesho ambayo hatima yake yatatufanya tushindwe kufurahia hata tusiku tuchache tulivyonavyo. Uamuzi wa maisha yepi tunaishi ni wetu sisi wenyewe hata hivyo. Kwamba ninaweza kuamua kuteseka kwa hiari yangu, na isiwe kosa ikiwa yote yanafanyika kwa utashi.

    JibuFuta
  5. John Mwaipopo26/10/09 4:03 PM

    Mungu alikua na maana sana kujificha. angekuwa anaonekana angesumbuliwa na maswali mengi sana, moja ya maswali ambalo lingekuwa kwenye top ya FAQs ni ' Hivi mimi ntakufa lini?'

    Duniani tunafanya mambo kwa imani. tungalijua lini tutakufa tusingalikuwa tukisoma, tukijenga nyumba ama kufanya jambo lolote lile. au tungefanya kwa vipimo vya urefu wa maisha tuliobakia nao kama vile badala ya kuwekeza katika kupanda (plant) miti ilituvune baada ya miaka 15 au 20 tungewekeza katika kilimo ha mchicha endapo tungejuea hatuishi zaidi ya mwezi!

    vivyo hivyo ndio maana watu hujitahidi kuboresha maisha yao ili waishi miaka mingi. na hii ndio falsafa ya kuifanya siku uliyopo kuwa ni bora kuliko jana. kwa matumaini tu. Mungu ndiye muumbaji. na pengime muumbuaji pia. wanaafya hutuambia tusitumie vitu hatarishi eli tuishi miaka mingi. mfano sie wavuta tumbaku huwa tunaonekana kituko kwa kuwa tu eti hatuogopi 'kufa'. lakini wangapi hawavuti tumbaku na wanakufa kwa maradhi mengine ama kwa ajali? haya wengine wana maradhi ambayo hayatibiki lakini hawafi kwayo bali kwa vitu vingine kama ajali na kurogwa na watu wengine wenye vijicho nao.

    Leo ni bora kuliko jana lakini ni bora zaidi kuliko kesho. nani kaiona kesho.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»