Shuzi la mwenye nyumba halinuki?

Kwa wale wenye uzoefu huu, tusaidiane kufikiri.

Baba akichafua hewa (ashakumu si matusi akijamba) mbele ya wageni na wanae, nani hasa huwajibikia tendo hilo? Yeye, ama wanae? Manake mara nyingi hukosi kusikia mzee akijiwahi: ' Nyie watoto, sipendi kabisa hiyo tabia yenu...nendeni mkacheze nje.'

Watoto pamoja na kuujua ukweli kwamba mtumiwa halisi ni baba yao, ambaye anawasingizia wao, huenda nje wakilalamika '...baba sio mimi...mi'shijajamba labda Mangi...!'

Je, kuna ulazima wowote wa baba kukiri kuuwajibikia uchafuzi wake huo wa hewa badala ya kuwabebeshea wanawe?

Maoni

  1. Yasinta Ngonyani13/8/09 5:40 PM

    Binafsi sioni sababu ya kuwasingizia watoto. Umenikumbusha kitu hapa kwani hapa swedeni kujamba si kitu cha ajabu lakini kucheua mbele za watu si vyema. kazi kwelikweli..

    JibuFuta
  2. kamala Lutatinisibwa Lutabasibwa14/8/09 12:40 PM

    Maoni haya yameondolewa na mwandishi.

    JibuFuta
  3. kamala Lutatinisibwa Lutabasibwa14/8/09 12:40 PM

    bwaya wewe huwa unafanyaje?

    JibuFuta
  4. kamala Lutatinisibwa Lutabasibwa14/8/09 12:40 PM

    Maoni haya yameondolewa na mwandishi.

    JibuFuta
  5. John Mwaipopo14/8/09 2:56 PM

    topic za simon kitururu hizi ngoja tumsubiri aje

    JibuFuta
  6. Christian Bwaya14/8/09 7:25 PM

    Kamala, mimi si mwenye nyumba.

    JibuFuta
  7. Albert Kissima14/8/09 7:40 PM

    Kimsingi baba ni lazima awajibike moja kwa moja,ishu inakuja namna ya kuwajibika.Baada ya kuweka wazi hakuna kitakachofuata zaidi ya aibu,akikaa kimya,tatizo ni palepale,kashachafua hewa, ukweli ni kwamba wageni hawawezi kuhoji,watavumilia.


    Afrika utamaduni huu upo sana,lakini wakuu hawa wa kaya wawe makini kwani kwani kuna watoto wengine hawana dogo, wanamlipua baba hapo hapo.Ni jambo jema, kwa sababu watoto nao wana haki ya kutambulika kuwa wana heshima, mtoto kama huyu anaonyesha ni MZALENDO kwa thamani na utu wake na pia anawajali watoto wenzake.kwani ni mtetezi wa kweli.

    JibuFuta
  8. Ramson16/8/09 8:51 AM

    Kaka Bwaya naomba nikukumbushe. hivi ule mjadala wetu wa dini umeishia wapi?

    JibuFuta
  9. Bila jina19/8/09 9:20 AM

    Je huyo baba pia anayo tabia ya kuchafua hewa ikiwa watoto hawapo? Na je hua anamsingizia nani? mimi ninavyo fikiria hawa watoto wanasingiziwa na baba yoo na mgeni ndio kachafua hewa lakini baba anamfichia aibu kwa watoto.

    JibuFuta
  10. Bila jina19/8/09 12:13 PM

    Nafikiri namna nzuri ya kutafakari hichi unachokisema ni kwenda mojakwa moja kwenye hoja. Kiongozi wa taasisi nchi akiharibu, nani wa kumnyooshea kidole? Jibu rahisi atatafutwa kafara wa kumfichia aibu mtawala fisadi ambaye kwa maana hii akiumbuliwa nchi inatetemeka. Read between the lines

    JibuFuta
  11. Chacha Wambura31/8/09 1:55 PM

    Mbusi wa kafara a.k.a BAngusilo hayuko kwenye ushuzi tu hata chumbani na kanithani na kwenye njii n.k

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»