Operesheni ya kilimo cha barabara

Nimerejea tena baada ya kumalizana na Kaizari. Nimepita Moshi kwa ufupi Jumamosi, kisha nikaja Singida, kupitia Arusha.

Njiani nilishuhudia 'maendeleo' ya kilimo cha barabara. Barabara ya Minjingu-Babati inaparurwa kwa kasi. Ile ya Babati - Katesh - Singida nayo haiko nyuma, mkandarasi yuko 'saiti.'

Nakumbuka tukiwa Magugu, abiria mmoja niliyebahatika kukaa naye, mtu wa makamo akaniambia; 'Kijana hivi unajua kwa nini barabara hii inajengwa kwa kasi hivi?' Nikamjibu; '...mzee sina hakika kama najua'
Akafunga gazeti alilokuwa analisoma, akanitazama akisema: '...hii ni operesheni pumbaza kuelekea uchaguzi.' akaendelea; '...Nchi hii haitawaliwi kwa mipango ya muda mrefu. Kila kinachofanywa kina nia ya miaka isiyozidi mitano..' Barabara hii italimwa wee mpaka kampeni zifike, waitumie kama mradi wa kuvunia kura, na usishangae mambo yakiishia hapo hapo...'

Niko Singida mpaka mwezi wa tisa.

Maoni

  1. Mzee wa Changamoto11/8/09 8:43 PM

    Karibu saaana. Karibu sana Mkuu.
    Blessings

    JibuFuta
  2. Fadhy Mtanga11/8/09 10:54 PM

    Mkuu, sitaki kuielezea furaha yangu kwa kurejea kwako katika harakati.

    Nakubaliana na huyo mzee.

    Mwenye macho haambiwi tazama. Subiri uone!

    JibuFuta
  3. John Mwaipopo12/8/09 12:45 PM

    Hekaheka ziko nchi nzima. juzi nilikuwa mbeya. kipande cha barabara kunzia sehemu panaitwa daraja mbili mpaka ipogolo (hata mbele kidodo) ni heka heka ya 'kilimo' hicho. miaka yote sie wakazi wa huko tumepiga kelele weeeee wapi. saa hizi saa kumi na mbili ndio wanakumbuka. Huko mbeya hakujachacha. nenda uyole uone mtibwiriko wa kupanua huduma ya maji kutoka kiwira. uyole yoote vurugu tupu hamna hata sehemu ya kupita na taksi jinsi barabara zilivyofululilwa kupitisha mabomba. lakini ni siku nyingi sana tulisema tunataka maji kutoka kiwira, wamekumbuka leo. hata hivyo sio vibaya ilimradi mabomba hayo yasiwe na hewa, yawe na maji

    JibuFuta
  4. John Mwaipopo12/8/09 12:45 PM

    Hekaheka ziko nchi nzima. juzi nilikuwa mbeya. kipande cha barabara kunzia sehemu panaitwa daraja mbili mpaka ipogolo (hata mbele kidodo) ni heka heka ya 'kilimo' hicho. miaka yote sie wakazi wa huko tumepiga kelele weeeee wapi. saa hizi saa kumi na mbili ndio wanakumbuka. Huko mbeya hakujachacha. nenda uyole uone mtibwiriko wa kupanua huduma ya maji kutoka kiwira. uyole yoote vurugu tupu hamna hata sehemu ya kupita na taksi jinsi barabara zilivyofululilwa kupitisha mabomba. lakini ni siku nyingi sana tulisema tunataka maji kutoka kiwira, wamekumbuka leo. hata hivyo sio vibaya ilimradi mabomba hayo yasiwe na hewa, yawe na maji

    JibuFuta
  5. chib12/8/09 7:59 PM

    Nashukuru kwa kupita kwenye ukumbi wangu na kuacha ujumbe maridhawa

    JibuFuta
  6. Masangu Matondo Nzuzullima13/8/09 9:26 PM

    Hizo barabara ukiongeza na pea za kanga, vitenge, kilo za sukari na chumvi, mabati na baisikeli watakazopewa wapiga kura - jamaa watashinda bila shaka. Halafu baada ya hapo ni business as usual.

    JibuFuta
  7. Albert Kissima14/8/09 7:22 PM

    Huku Moshi nako kapeti za uhakika zawekwa.Barabara ya kutokea Kcmc hospital hadi hospitali ya misheni ya kibosho inawekwa kapeti la kueleweka,nimeshasikia baadhi ya watu wakisifia sana serikali ya Kikwete.Kwa maana hii hawaelewi kabisa fomesheni ya NNE kwa MOJA.


    Kwa upande mwingine kuna mtu aliniambia kuwa baba yake ambaye ni mstaafu amewekewa pesa mara mbili zaidi ya Aliyozoea kupokea, sasa sijui pesa hiyo ya zaidi iliingia kwa bahati mbaya au la? Jamaa huyu alimuuliza baba yake huyu panapo majaliwa atampa nani kura, alisema hamna zaidi ya Kikwete.


    Kwenye vyombo vya habari, yatangazwa kuwa asilimia kubwa ya watu wana imani kubwa na Kikwete,sijui hili linaukweli gani, sample ya watu waliotumika sijui walipatikana vp.Yote kwa yote,ipo vita ya chinichini.



    Yote haya yawezekana vipi,kwa nini akili zetu kutekwa namna hii,danganyatoto hizi tunazozikubali zinatuchora namna gani sisi watanzania?
    Wakati wa uchaguzi kila dalili zikionyesha kuwa upinzani utachukua kiti cha uraisi na matokeo yakatangazwa ndivyo sivyo, je watanzania tutafanya nini?
    Da! Naweza kuandika hapa mpaka kesho.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»