Dunia mbili katika nchi moja?

Nilikuwa nikifuatilia namna watuhumiwa 'wetu' wasiohesabika wanavyopata dhamana. Kweli nchi hii ina mambo.

Wakati kila mtuhumiwa anaweza kutoa hati ya nyumba (soma hekalu) lenye kukaribia shilingi za kitanzania bilioni moja, asilimia kubwa ya watanzania waliobaki hawana hata uwezo wa kupata milo miwili iliyotimia kwa siku.

Wakati kuna wenzetu wachache (hata kama hawana hatia) wanaouwezo wa kujiwekea dhamana ya mabilioni ya shilingi, idadi kubwa ya watanzania waliobaki hawana hata ndoto ya kujenga pango lenye chumba kimoja.


Hali hii inatupeleka wapi watanzania? Dunia mbili katika nchi moja? Kwamba katikati ya umasikini huu, wapo wenzetu wachache wanaoogolea ukwasi wa kutisha? Mabilionea hawa wana raha ipi ikiwa wamezungukwa na mafukara pande zote?

Tafakari.

Maoni

  1. Bila jina26/2/09 6:47 AM

    Wakati wa mapinduzi ya Ufaransa malkia Marie-Antoinette aliuambia umma wa watu wa kawaida uliokuwa umefurika ukilalamikia njaa na kukosekana kwa mikate "kama hakuna mikate kuleni keki" Hakujua kwamba hali ilikuwa ni mbaya kiasi kwamba hata hizo keki hazikuwako. Matokeo yake tunayafahamu. Matabaka yaliyofumuka na kustawi kwa kasi yanatisha na hayatoi mustakali mzuri wa nchi yetu nzuri iliyojaliwa kwa kila kitu. Hatusemi kwamba watu wote wawe sawa (hakuna jamii ya hivyo hapa duniani na hata wanyama wa George Orwell katika Shamba la Wanyama walijaribu wakashindwa) lakini inabidi tuhakikishe kwamba angalau wale wa tabaka la chini wanaweza kupata mahitaji yao ya lazima. Sasa tumefikia hatua hata ya kuwakoromea wasipate elimu ya juu. Tunategemea nini huko mbele? Watu ni sawa kutajirika kwani utajiri ni jambo zuri lakini wasitajirike kwa kuwaibia (tena waziwazi) hawa ambao hawajui kesho watakula nini na watasomeshaje watoto wao. Siku wakisema kwamba sasa yatosha na liwalo na liwe itakuwaje? Naamini kwamba tunaye kiongozi ambaye angalau anajaribu lakini akiwa peke yake katika mfumo huu ulioota mizizi sidhani kama atafanikiwa. Baba wa Taifa pamoja na umakinifu wake na uchungu aliokuwa nao kwa nchi yetu hakufua dafu mbele ya mafisadi na mwishowe alimwaga manyanga. Ni wazi kwamba tunakoelekea si kuzuri. Mungu aibariki Tanzania yetu tuipendayo!

    JibuFuta
  2. kamala Lutatinisibwa Lutabasibwa26/2/09 12:51 PM

    uwepo wa matabaka laweza kuwa suala la binafsi zaid kuliko la kijumla.

    ni lazima mtu ajibague ili aonekane kuwa tabaka fulani.
    kuna wanaoitwa masikini eti kwa sababu tu hawana ela mifukoni, wakati ni binadamu wamekamilika. kuna wanaitwa wajinge eti kwa sababu hawajui a, e, i, o, u wakati wanaelimu lukuki za utu, umoja, upendo nk.

    kuna wanaoitwa wajinga eti kwa sababu wafanya vitu tofauti na wengine kwa mkabala wao.

    kuna wanaoitwa vilema hata km akili zao nitimamu, kuna wanaoitwa vichaa hata kama hawjui shida, wao ni kufurahi tu ni kila tukio au jambo kwao ni jema kama isemavyo biblia. kuna wanaoijiita wakristo wana wa \mungu na kuwabagua wengine eti ni watenda dhambi.

    kuna makafiri, kuna walevi, kuna wajinga nk.

    tabaka ni lazima ulitengeneze kwanza kichwani wewe mwenyewe au liiingizwe na ukilikubali linakuwa lako.

    yesu hakuwa na tabaka lakini wakristo wa leo wana matabaka nk, nk.

    bwaya, wewe uko tabaka gani?

    wwewe ni mkristo na wakristo mnasema mtu hataishi kwa mkate tu, sasa wewe unag'ang'nia uchumi (mkate) ili iweje?

    JibuFuta
  3. Yasinta Ngonyani27/2/09 12:06 AM

    hodi hodi mwenywewe haya nitarudi kwenye ndo kwanza nimerudi

    JibuFuta
  4. Christian Bwaya28/2/09 11:43 AM

    @ Masangu nakushukuru sana kwa maoni yako. Ni sawa watu wakitajirika. Tatizo ni ikiwa hivyo kwa gharama ya walio wengi. Karibu tena.

    @ Kamala umesema sawa. Kwamba mtu hataishi kwa mkate 'tu'. Maana yake anahitaji mkate na vitu vingine. Yaani anahitaji zaidi ya mkate. Sasa ikiwa zinaonekana juhudi za makusudi za kutunyang'anya hata hako kamkate kadogo (ambacho hatuna hata hakika nacho) ni lazima tuseme ili ikiwezekana wastuke kama kweli bado wana ubinadamu.

    @ Yasinta karibu tena. Habari za kijijini? Tulikosa mambo pale kwenye 'maisha' kwa kipindi kirefu. Sasa nafurahi umerudi.

    JibuFuta
  5. Yasinta Ngonyani28/2/09 7:57 PM

    Asante kaka bwaya kijijini ilikuwa bomba sana. Nami pia nafurahi kurudi hapa kijijini karibu sana "maisha" ni hayo tu

    JibuFuta
  6. kamala Lutatinisibwa Lutabasibwa1/3/09 12:09 PM

    sasa kama hawana ubinadamu wana unini? si bado wanaishi ndani ya miili yao?

    niendapo kijijini kwetu, hakuna umeme wala pesa, lakini watu wanamazao tele shambani. hawalimi kuuza, bali wanalima kula na kushiba. hawaoni umuhimu wa kwenda shule wala kukpeleka pesa benki kwani hawana hofu na wanauhakika wa kula hata kama hawana pesa kwa mwaka mzima.

    wanawinda, wanakula matunda, wanavua samaki.
    kwa tafsiri zenu ninyi wasomi, hawa jamaa ni masikini, lakini wao hawajui umasikini nini! kazi yenu kujaza magari ya ulaya na kujipulizia pafyumu na kula aisi kilimu. wao wana mihogo nk

    JibuFuta
  7. Bila jina2/3/09 6:08 PM

    Maskini ni maskini awe anajua ama hajui. Maskini hawi tajiri eti kwa sababu hajui kwamba ni maskini.

    Mtu yeyote asiyepata mahitaji ya msingi ya binadam, ni maskini hata kama haoni kama tafsiri hiyo inamstahili. Kufikiri kuwa mwanakijiji anayekula viazi na matunda mwitu si maskini kwa sababu tu 'hana haja' na tafsiri nyinginezo za umaskini ni ufinyu wa mawazo.

    JibuFuta
  8. kamala Lutatinisibwa Lutabasibwa3/3/09 7:35 PM

    jamaa kahukumu tayari wakati hakuna mwenye kesi hapa. anngalieni ubskrantism jamani

    JibuFuta
  9. Bila jina5/3/09 9:25 PM

    Usijistukie, sijahukumu. Nimeyachunguza maoni yako si zaidi ya hapo. We are not fighting the individuals here

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»