Fikra zimepitwa na wakati?


Jenerali Ulimwengu ameandika kuzungumzia dhana ya obsikuranti, yaani "... mtu yule anayeshikilia anachodhani kwamba anakijua na akaking’ang’ania kwa nguvu zake zote, na akawa tayari hata kwenda vitani kutetea ‘ujuzi’ wake huo. Ni mtu anayeamini mambo ambayo yanaweza kuwa yamepitwa na wakati, na maarifa ya kuonyesha hivyo yanapatikana, lakini hataki hata kusikia wala kuona jambo lo lote linaloweza kuyumbisha au kuteteresha ujinga wake..."

Anasema "...tumezaliwa katika jamii zenye imani kadhaa zilizoandamana na maelekezo pamoja na makatazo kem kem. Tumejamiishwa (socialised) katika imani, sheria, kanuni na taratibu hizo, kimsingi bila kuwa na fursa ya kuhoji ulazima wa kufanya hivyo. Kwa jinsi hii, hata yale maelekezo yaliyo na faida, au makatazo yenye manufaa, tunayafuata na kuyatii bila kujua ni kwa nini tunafanya hivyo.

Jamii nyingi za Kiafrika haziruhusu watoto waulize maswali mengi, hasa kama maswali hayo yana mwelekeo wa kusaili misingi ya imani zilizozoeleka. Mtoto akitaka kujua kuliko anavyostahili kujua atachapwa, au ataambiwa ni mkaidi au mdaku, hana adabu, haheshimu wakubwa, na kadhalika.

Matokeo yake ni kwamba, katika medani nyingi, tumejenga jamii zetu juu ya misingi ya imani za kale ambazo hazina mashiko katika dunia ya leo, na wala haishangazi kwamba kimaendeleo tuko hivi tulivyo. Jamii zetu haziruhusu udadisi, na bila udadisi hakuna maendeleo"

Anahoji ikiwa tumefika mahala kama taifa fikra zimepitwa na wakati kwetu. Kwa nini? Bonyeza hapa kumsoma gwiji huyu wa maandiko yenye fikra pevu.

Nimeanza kumsoma Jenerali nikiwa kidato cha pili. Tangu miaka hiyo, huwa nisipomsoma najisikia kuumwa. Huyu mzee ni urithi wa vijana wa leo.

Maoni

  1. Fadhy Mtanga19/2/09 4:10 PM

    Kuwahoji siyo vema,
    Kwa mambo waliyosema,
    Wazazi watu wazima,
    Maana wametangulia.

    Tunarithi yale yote,
    Wewe hoji uipate,
    Watakusakama wote,
    Kuwa waharibikiwa.

    Haya mambo nashangaa,
    Mengine si manufaa,
    Lakini nikikataa,
    Wanaweza nichukia.

    JibuFuta
  2. kamala Lutatinisibwa Lutabasibwa20/2/09 9:15 AM

    huwa namsoma saana huyu muhaya. lakini huwa simuelewi sana kwa nini anaandika vile aandikavyo! naamini katka jamiiyetu hiii hatupaswai kuandika sana juu ya uzembe au ujinga wa viongozi wetu, tunapaswa kuwaelimisha wanachi wetu juu ya nini kifanike, tuwasaidie wtu kujitambua ili tujenge jamii imara. lakini kuwalaumu viohatari kwani hata wao wanatulaumu sisi.

    mimi naona kama ulimwengu anaandika ili aonekane anavyojua mambo badala ya kuelimisha na kuibadilisha jamii ndio maana niliupenda sana uandishi wa munga tehenan uliowabadilisha watu nikiwemo mimi!

    angalia vichwa vya habari vya gazet lake, mara mengi hajaoa tena, mara ufisadi, mara machafuko, kwanini tusiandeikiwe habari za kweli za kufikirisha badala ya shoking news?

    JibuFuta
  3. Fadhy Mtanga20/2/09 11:49 AM

    Tunayasemea haya,
    Tunayanyo'sha mabaya,
    Na kusema si vibaya.

    Tunanyoosha vidole,
    Tuwaseme watu wale,
    Hatupigi makelele.

    Nakubali Jenerali,
    Hupenda sema ukweli,
    Ni vema tuukubali.

    Namkubali Kamala,
    Ubongowe h'ujalala,
    Kaka zidi gangamala.

    Nilimisi kughani.

    JibuFuta
  4. Christian Bwaya20/2/09 3:30 PM

    Mtanga nilimisi ghani zako karibu sana.


    Kamala, kila mwandishi ana aina yake ya pekee ya uandishi. Ndivyo ilivyokuwa kwa Munga. Ndivyo ilivyo kwa Jenerali. Padre Karugendo. Ayoub Ryoba. Magid Mjengwa. Na wengine wachache.

    Hizi tofauti mimi naziona kama faida kwa maana ya kwamba tunapata maarifa kwa watu tofauti wenye dhima tofauti tofauti zinazotia kadha nzuri katika maarifa.

    Kwa nini unafikiri kwamba Jenerali anapoandika huwa anaonyesha namna anavyojua? Kwa sababu huenda anapoandika huwa hata hana wazo la kujionyesha anajua kama wanavyoweza kudhani wasomaji.

    Munga naye huenda kuna watu walidhani kule kuandika ili 'kuibadili jamii' ni kwamba alikuwa anajitia mjuaji wa saikolojia wakati watu makini kama Kamala wanaelewa kabisa hilo halikuwa lengo lake...!

    JibuFuta
  5. kamala Lutatinisibwa Lutabasibwa20/2/09 5:32 PM

    haya bwana, labda nisome tena pale ninaposema;

    angalia vichwa vya habari vya gazet lake, mara mengi hajaoa tena, mara ufisadi, mara machafuko, kwanini tusiandeikiwe habari za kweli za kufikirisha badala ya shoking news?

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»