Tuzo kwa wataalamu je?

TUMEKUWA tukishuhudia, si mara moja, vyombo vya habari vikitangaza 'tuzo' za kuwaenzi wasanii wetu. Ni habari njema kwamba utolewaji huo wa tuzo hushabikiwa mno na hadhira ya Watanzania kiasi cha kuweza kuyashawishi makapuni makubwa makubwa kudhamini tuzo hizo kifedha. Hilo ni jambo jema.

Laiti kasi hii hii tunayoiona katika usanii ingesambaa kwenye maeneo mengine.

Hivi ingekuwaje kama tungeamua kuwaenzi na watu wengine walioweza kuonyesha juhudi za kufanya tafiti muhimu za kitaaluma?

Ingekuwaje kama serikali ingekuwa na, kwa mfano, siku maalumu ya kuwapa tuzo wasomi waliobobea ama wataalamu walioweza kuleta changamoto muhimu kwenye jamii?

Ingekuwaje kama makampuni makubwa makubwa haya haya tunayoyaona kwenye 'usanii' nayo yangeamua kushabikia wanazuoni?

Tungekuwa na kwa mfano, tuzo ya mtafiti bora wa mwaka; ama daktari bora wa mwaka; ama mwanasayansi bora wa mwaka; ama mwalimu bora wa mwaka; ama mwandishi bora wa vitabu wa mwaka; na kadhalika na kadhalika. Si ingekuwa poa?

Kufanya hivyo si tu kwamba ingewapa moyo watu hao ambao mchango wao muhimu haujulikani kwa sisi tunaoitwa watu wa kawaida (tuliowengi); bali pia ungeihamasisha jamii kuthamini mchango wa wataalam pia! Ingewafanya wanafunzi kuuona ufahari katika taaluma hizo kama wanavyouona katika 'usanii' na 'siasa'.

Kusema hivyo haimaanishi kwamba napingana na wanaowapa wasanii tuzo. Hata kidogo. Na wafanye. Ila ninachotaka kusema ni kwamba tunaweza kufika mahali tukawa na tuzo hata za mwanasiasa bora wa mwaka, wakati hatufanyi hivyo kwa maeneo mengine ambayo umuhimu wake hauonekani kuthaminiwa sana.

Nadhani umenielewa.

Maoni

  1. Koero Mkundi23/4/09 6:50 PM

    Kaka Bwaya,

    Naona kama wazo hili limechelewa....
    Ni kweli kabisa nadhani huu ni wakati muafaka wazo hili kufanyiwa kazi.
    Hivi ni nani mwenye namba ya simu ya Dr. Slaa tumtwangie huko Bungeni kama akiliwasilisha hili wazo linaweza kupata baraka za Wabunge wetu.......

    Naomba kuwasilisha...

    JibuFuta
  2. Kissima.23/4/09 8:11 PM

    Moe Ibrahim(tajiri mwenye pesa kweli kweli) anayechagua Raisi bora kila mwaka hapa barani Afrika na kumpa dola nyingi tu mpaka kufa kwake.

    Huwa najiuliza,
    ingekuwaje kama angewekeza pesa hii kwenye elimu? Kwa nini aitoe kwa watu ambao hawatakaa wahjue shida hata kama asingewapa?

    Kwa nini asisaidie yatima barani Afrika?
    Kwa nini asiwekeze kwenye vitengo vya utafiti?
    Kwa nini asiwe na utaratibu wa kutoa tuzo kwa mwalimu, daktari, watafiti, wabunifu n.k bora wa mwaka hata wa kila mwezi?

    Pengine wale wanaotoa tuzo hizi wanategemea kwa upande mwingine kufaidika.

    JibuFuta
  3. Godwin Habib Meghji24/4/09 2:14 AM

    Ni wazo nzuri na mimi naona bado alijachelewa. Kwanza tujiulize hizo tuzo kama za wasanii bora wa mwaka zinatolewa na nani? Nani ni mwanzilishi wa tuzo hizo? Na fedha anazitoa wapi kufanya hivyo? Utagundua kuwa ni mtu mmoja alipata wazo kama lako. Akaliweka sawa katika maandishi na kutafuta wadhamini wa tuzo hizo. KAMA UMEPATA WAZO HILI UNAWEZA KULIFANYIA KAZI, KISHA UKAPIGA HODI TBL, ZAIN NA MAKAMPUNI MENGINE UKAFANIKISHA.

    JibuFuta
  4. Simon Kitururu24/4/09 3:11 AM

    Hili wazo muhimu sana !

    JibuFuta
  5. Bila jina24/4/09 12:13 PM

    Kisima amesema kweli. Tuzo hizi huwa hata hazina lengo la kumnufaisha mpewaji. Lengo ni mtoaji na faida (soma biashara) zake. Ndio maana Mo Ibrahim anawapa matajiri (maraisi) fedha wasizozihitaji kwa kazi ambayo kimsingi ni kiini macho.

    Ndio maana mashirika ya pombe yanawatumia wasanii kutangaza pombe zao kwa sababu watanzania wanapenda wepesi wepesi na usanii una wateja wengi.

    Nchi za kibongo zina safari ndefu kuliko tunavyofikiri.

    Heko Kisima.

    JibuFuta
  6. Mzee wa Changamoto26/4/09 8:51 PM

    Kama huyo Mo ni mfanyabiashara na "anagawa" pesa, basi yawezekana wanaoamini hivyo hawajui tafsiri ya biashara na pia siri ya mafanikio yake. Tuzo za wataalamu zinastahili kuwepo lakini kwa kuwa wenye kuzitoa ni wenye nia, uhitaji, ulafi na uroho wa umaarufu na faida ya "kesho" hawaoni haja ya kuwekeza kuliko na umuhimu wa kudumu ilhali matunda yake yataonekana miaka michache ijayo. Wengi wao wako kwenye biashara zainazodumu kwa muda mfupi na ndio maana kwao ni UMAARUFU kuliko UHALISIA wa tuzo hizo.
    Amani kwenu

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Mbinu za Kushinda Maswali ya Usaili wa Kazi - 1

Picha
Kama tulivyoona katika makala yajuma lililopita , usaili ni hatua ya mwisho kuelekea kupata kazi. Sehemu kubwa ya usaili ni maswali na majibu yanayolenga kupima uwezo wako wa kukabiliana na changamoto halisi za kazi. Ingawa yapo maswali yanayoweza kukupa wasiwasi wa nia ya mwuulizaji, fahamu kuwa hakuna swali linaulizwa kwa nia mbaya au kwa bahati mbaya. Kila swali linaloulizwa linalenga kutafuta uthibitisho kuwa wewe ni mtu sahihi kwa kazi unayoomba.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»