Rafiki yangu wa ujanani...

Nasikitika mwezi huu umekuwa mzurimbaya. Kwanza nilivinjari miji kadhaa hapa nchini nikakutana na watu wa namna mbalimbali. Hiyo ilikuwa nzuri sana kwangu kwa mwezi huu. Hata hivyo, uzuri huo ukasababisha ubaya mwingine. Sikuweza kuwa mwandikaji mzuri.

Hayo mawili. La tatu zuribaya, ni hili. Mara nyingine nimekuwa nikifuatilia mijadala mbalimbali kupitia simu ya kiganjani. Imenisaidia mara nyingi hasa nikiwa barabarani.

Bahati nzuri juzi nikiwa kwenye usafiri wa daladala kuna 'tukio la mzunguko wa kiuchumi' lilitokea, simu yangu niliyoipenda sana, ikawa imependwa zaidi na mtumiaji mwingine nisiyemfahamu. Bila shaka inamsaidia huko alipo japo hakuniarifu wakati anaichukua, lakini inavyoonekana aliihitaji kuliko mimi. Akaondoka na majina ya watu wangu kwenye simu yangu ambao nsingependa kuwapoteza.


Bahati nzuri wakati nakaribia kabisa kuipoteza simu hiyo, nilikuwa nimetoka tu kuwasiliana na rafiki yangu wa ujanani niliyepotezana naye kwa miaka kadhaa. Nilisoma naye madarasa ya upili, akinisaidia sana kusoma masomo ya Kiswahili na Historia (ambayo hata hivyo sikuweza kuendelea nayo).

Kwa hiyo baada ya kupotezana kwa miaka hiyo, bila kujua nani yuko wapi na anafanya nini, hatimaye akaweza kuwasiliana nami tena masaa machache kabla ya kuipoteza simu yangu kupitia kwa rafiki yangu mwingine niliyenaye hewani. Ni furaha iliyoje. Mwaihojo nashukuru sana.

Funzo muhimu. Si tabia nzuri kuachana na marafiki. Si tabia nzuri kudelete majina ya watu uliowahi kuchukua namba zao hata kama unadhani hawatakusaidia. Huwezi jua.

Huyu huyu unayemwona kama 'hasara' leo, anaweza kuja kufanyika 'faida' huko mbeleni. Tumepewa kujua ya leo, ya kesho ni ya mwenyewe.

Usipoteze marafiki wa zamani.

Maoni

  1. Yasinta Ngonyani27/4/09 11:33 AM

    Kaka Bwaya kwanza pole kwa kupotelewa na simu yako uliyoipenda. la pili umeniwahi nami nilitaka kuandika hii habari nilipokuwa nyumbani nilikutana na rafiki yangu wa ujanani pia tulisoma shule moja darasa moja tulipoteana na kila mmoja alikuwa akimtafuta mwenzake. Ni kweli hizi simu mara nyingine zina faida. La tatu rafiki ni bora kuliko mwana sesele. Ni hayo tu

    JibuFuta
  2. John Mwaipopo27/4/09 5:28 PM

    Mwanasesele? yasinta una makuzi!

    Bwaya pole sana masaibu yaliyokukumba. Pili pongezi kwa kukutana/kuongea na rafiki zako 'wazee' (si ndio kiswahili cha 'old friends', au?). Kukutana na rafiki wa zamani kunakukumbusha mambo mengi ya zamani mabaya na mazuri, tena kwa haraka pengine kwa kasi ifuatayo kasi ya mwanga. Kingine kinachoweza kumkumbusha mtu zamani ni muziki. Muziki ni balaa katika kutanabaisha mambo ya awali. Pengine baadhi yenu mmewahi kutoa mchozi wa furaha, hata huzuni, msikiapo wimbo fulani uliopigwa miaka ilee ulipokuwa sehemu fulani na akina fulani mkifanya jambo/mambo fulani.

    Bwaya jaribu kuweka rekodi (ya dansi ama injili jinsi upendavyo) iliyotamba mkiwa na huyo rafiki mzee. utaona dunia inarudi nyuma. Kumbe wakati ukuta.

    Sasa naingia kwenye hili la simu. nashukuru tokea teknolojia hii ya simu itukumbe sijawahi kuibiwa/kupoteza simu. Lakini nimeshajiandaa kupoteza simu tayari (tena hii niliyonayo sasa naombea iibwe hata leo). Nimejiandaa hasa kwa hofu ya kupoteza namba na ndugu na marafiki 'wazee' kama Bwaya.

    Simu nyingi za siku hizi zina sehemu mbili za kuhifadhi majina na namba. moja ni kwenye chip ama simcard na nyingine ni kwenye simu yenyewe. hivyo unaweza kuona majina yanatokea mawili-mawili. Ukitoa chip yamabaki moja-moja. Nilichofanya mimi ni kutafuta simcard nyingine mpya (hajaleta sheria bado ya kujiandikisha ununuapo simcard) au ya zamani na kuirekodi majina yoote yaliyomo kweny simu yenyewe pindi nikiitoa simcard niitumiayo. ukiitoa hii simcard usiyoitumia mara kwa mara (kama flopy disk hivi)unaiweka sehemu nzuuri ambako hata nondo hawafiki. kazi ni kuiupdate mara kwa mara upatapo namba mpya. siku simu ikipendwa na wengine kuliko unavyoipenda wewe (Bwaya una makuzi na wewe!) aaah we wakachukua kale kasimcard na kukapachika kwenye simu nyingine kwa raha zako.

    Hapo vipi?

    JibuFuta
  3. Albert Kissima28/4/09 2:35 AM

    Da! Hapa shwari, kaka Mwaipopo hiyo ni solusheni nzuri saaana! Nami nitaufanyia kazi ushauri huu haraka iwezekanavyo kwani hawa wanaozipenda hizi cm hawabishi hodi, wanajitokeza kama kifo vile.


    Pole sana kaka Bwaya kwa kupotewa na cm, na hongera pia kukutana na rafikiyo wa ujanani japo ni kwa njia ya cm.

    JibuFuta
  4. MARKUS MPANGALA28/4/09 1:38 PM

    mie siinglii haya ya mwanasesele maana naona kuna makwinyanzi usoni kwangu

    JibuFuta
  5. Christian Bwaya28/4/09 2:48 PM

    Mwaipopo,

    Imebidi nikumbuke nyuma kuona muziki gani tulikuwa tunaupenda na huyu rafiki yangu, basi imekuwa poa sana.

    Kuhusu simu, asante kwa ushauri. Laiti ningelitambua hilo mapema pengine nisingekuwa naomboleza kupoteza namba za marafiki zangu wakongwe.

    Tatizo ni kwamba sikuwahi kuamini kwamba kuna siku kama hii ingetokea.

    Asante sana kwa ushauri mzuri.

    @Yasinta Mpangala na Kisima nashukuruni kwa kuniandikia.

    JibuFuta
  6. Mzee wa Changamoto29/4/09 4:12 PM

    Duh!!! Unajua mara zote unapopata tatizo unaweza kulifanya ufanyavyo. Unaweza kulifanya likawa chanzo cha tatizo, ama kuamua kuwa sehemu ya suluhisho. Kwa hili naona inasakwa suluhisho.
    Nawashukuru nyote kwa ushauri. Kaka Bwaya. Kwanza kumbuka kuwa wakati huyo kaipenda simu yako, kuna wanaopenda maisha ya watu. Kwa hiyo tunashukuru kuwa kilichopendwa charejesheka. Lakini pia tujue kuwa aliyeipenda hiyo simu "atapendeka" kwa namna moja ama nyingine. Ama ataona anafanikiwa na ataendelea kuzipenda mpaka apendwe yeye na vyombo vya sheria, ama sheria za mikonon zitachukua mkondo wake.
    Usiwe na shaka. Namba utazipata kama ulivyozipata kabla hujawa nayo. Na nakutakia kila lililo jema

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»