Mtandao unapokuwa wa manati...

Nilikuwa safarini kwa kama majuma mawili hivi. Kuna "tupicha tuwili tutatu" nimekuwa nikijaribu kutubandika humu bila mafanikio. Jitihada za kugundua kikwazo hiki kimetokana na nini zinaendelea. Ila walau kwa sasa nadhani ni haya mambo ya mtandao wa kuunga na kamba za katani.

Tunablogu katika mazingira magumu saa nyingine. Unapobofya mara nyingine unalazimika kuendelea na shughuli nyingine, wakati ukisubiri kiungo kifunguke! Hapo hujaoongelea kupandisha picha. Lol...

Haya nisilalamike sana. Haya ndio maisha ya watanzania tulio wengi.

Maoni

  1. Yasinta Ngonyani20/4/09 4:27 PM

    Kaka Bwaya kweli hii ni shughuli na kama una hasira utaacha kabisa kwenda internet Cafe. Yaani ni taratibu mno lakini kumbuka usemi huu haraka haraka haina baraka polepole ni mwendo.

    JibuFuta
  2. Masangu Matondo Nzuzullima (MMN)20/4/09 10:56 PM

    Tukumbuke tulikotoka. Miaka michache tu iliyopita hatukuwa hata na hizi Caffe. Bado safari ni ndefu lakini nadhani tumepiga hatua. Msikate tamaa. Jamii ni lazima ikombolewe!

    JibuFuta
  3. Christian Bwaya21/4/09 12:08 PM

    Pole pole ndio mwendo? Nakubaliana na wewe Dada Yasinta. Kufika tutafika hata kwa kuchelewa.


    Profesa Matondo, ni kweli. Pamoja na adha tuipatayo kwenye mitandao yetu; adha ya kupoteza muda mwingi kungoja; mara nyingine tukijikuta tunalipia muda tusioutumia; bado ni hakika kwamba tumepiga hatua.

    Mabadiliko ni dhahiri.

    JibuFuta
  4. Koero Mkundi22/4/09 6:37 AM

    Haya yamenikuta nikiwa MOROGORO juzi.....
    Nilichoka......

    JibuFuta
  5. Unknown22/4/09 8:07 PM

    Niaje wakubwa,mimi nilifikiri ili tatizo ni langu tu,ndio maana mimi blog yangu haina picha,kwa sababu inachukua muda mrefu sana,ila kwetu hapa Tanzania tupo juu kwenye kutumia internet.wakubwa barikiweni,na Muwe na cku nzuri.

    JibuFuta
  6. Godwin Habib Meghji25/4/09 1:12 AM

    nimezunguka kama nchi tano majirani kabisa na Tanzania. nikaona tofauti kubwa sana ya spidi ya internet. Pia nilibahatika kufanya kazi kwenye makampuni kama mawili ya internet(ISP)nikiwa bado Tanzania. Ukweli kabisa makampuni yetu ya TZ ni waongo sana. Huduma wanayoitangaza sio wanayoitoa. Wahindi wanatuibia sana. Na TCRA hawana sheria yeyote ya kuwabana. Na inapokuja mikoani ambapo ISP wapo wachache, wanafanya wanavyotaka. Hakuna bado ushindani wa soko. ILA NAAMINI HAYA YATABADILIKA KWA MUDA. kama prof walivyosema miaka ya juzi juzi tu hata hizo cafe hazikuwepo. NA HUO MKONGA WA MAWASILIANO UNAOANZA UTABADILISHA KABISA spidi na bei ya mawasiliano Tanzania. TUTAFIKA TU

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»