Kwa nini watu hatutulii kwenye fani tulizonazo?

Kwa nini watu wengi hutumia sehemu kubwa ya maisha yao kumangamanga huku na huko, wakibadili kazi na shughuli kutoka ofisi moja kwenda nyingine?

Inakuwaje kijana aliyesoma kuwa mtaalamu wa kilimo, hataki kabisa kufanya kazi ya kilimo aliyoisomea na badala yake anatafuta kazi itakayompeleka mbali zaidi na kilimo?

Kwa nini mwalimu haridhiki na chaguo lake la awali la kutokotosha fikra za wanafunzi, na badala yake anatumia sehemu kubwa ya maisha yake kutafuta namna ya kuchomoka afanye kazi zisizohusiana na ualimu?

Tunatafsiri vipi kitendo cha daktari aliyesomea utabibu kwa miaka isiyopungua mitano, katika mazingira magumu ambayo hatma yake yanamfanya awatumikie wananchi wenzake kwa kuokoa maisha yao, anaachane na utabibu ili kuwa mwanasiasa wa majukwaani?

Ninachojiuliza ni hiki: Kwa nini hatutulii kwenye taaluma zetu? Kwa nini hatuzitumii taaluma tulizonazo ambazo zimetupotezea miaka kibao kuzipata? Je, ni aina ya elimu tunayopata? Je, tafsiri ya mafanikio tuliyokuzwa nayo tangu tukiwa wadogo ndiyo mzizi wa mahangaiko haya yote?
Mafanikio ni nini? Kuwa tajiri? Kuwa maarufu? Na uoza wa ufisadi uliotapaa kwa kila familia hivi sasa, si matokeo ya tafsiri ya mafanikio tuliyokuzwa nayo?

Si ajabu kuwa wengi tunazaliwa halisi (orijino) ila twafa tukiwa nakala tu (copy). Na hapo ndipo lilipolalia janga la kitaifa.

Maoni

  1. chib6/8/10 7:53 PM

    Hili swali ndiotunajiuliza sana, mie nimepoteza baadhi ya jamaa katika fani yangu na wameingia kupiga talalila za siasa.

    JibuFuta
  2. DLOMEN6/8/10 9:45 PM

    :))))))

    JibuFuta
  3. Albert Kissima7/8/10 8:42 AM

    Cha kwanza kabisa ni maslahi. Hiki ni kichocheo kikubwa kabisa. Maslahi hufikiriwa hata kabla mtu hajaingia kwenye fani husika.

    Kingine ni mfumo wa elimu. Hapa Tanzania mathalani, mfumo wetu wa elimu haumwandai mwanafunzi ktk fani mbalimbali kulingana na wito. Mara nyingi tunaangalia combination gani imebalance, then mtu anachepukia huko huko.
    Unakuta mtu anakipaji cha kuwa dactari lakini kwa bahati mbaya kwenye mtihani wa mwisho kulingana na mazingira ya mtihani, akafeli mtihani wa biology, ndio hivyo tena, atakuwa ameukosa wito kwa kiasi kikubwa, na kinachobaki ni kuangalia wapi palipo-balance. Baadae mtu huyu huyu akihangaika ktk kuutafuta udactari na kuikacha fani ya awali, basi atawekwa kwenye kundi la wakimbia fani, kumbe ndio anaitafuta fani iliyo kwenye damu.

    JibuFuta
  4. kakasimba7/8/10 3:14 PM

    Bw. Bwaya. Swali lako ni zuri, japo watu wanaokimbiakimbia fani zao za awali si wengi kihivyo.

    Tunachokosa nchini Tanzania katika mfumo wa elimu ni kuwa na mtu anayeitwa 'Career Guide'. Huyu, kama alivyo mtu mwingine yeyote aliyesomea kazi ya kutoa ushauri ... hana budi kumwongoza kijana tangu awali akitazama mwenendo wake, vipawa vyake na uwezo wake darasani na nje ya darasa. Mtu wa aina hii hatuna katika mfumo wetu wa elimu. Kwa hiyo, watu wengi tunajiendea tu kiupofu upofu, matokeo yake ndiyo kama havyo ... leo mtu ni daktari kesho yuko kwenye siasa ... kesho kutwa keshabadilisha vyama zaidi ya vitatu vya siasa ... mwishowe tunabaki kuwa na nchi ya wasomi... lakini wasio efficient ... leo tuna maPhD holders kibao ... lakini ufanisi katika utendaji kazi mbalimbali ni wa viwango vya chini kuliko hata vile vilivyokuwepo kabla ya uhuru ambapo hatukuwa na maPhD holders wengi. Shame.

    JibuFuta
  5. Bila jina7/8/10 5:13 PM

    Ni ulevi tu hakuna kingine

    JibuFuta
  6. Bila jina12/8/10 3:43 PM

    wewe hakuna mtu ambaye amezaliwa na fani fulani mi nafikiri ni sahijhi kamawewe unaona uchungu sdana nenda ukasome ushughulikie nao na sio kuwalazimisha wenzako hiyo ni caree development baba

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»