Blogu bora kwa mwaka 2009!

Mwaka jana umepita kwa namna yake. Namshukuru Mwenyezi Mungu amenifikisha mwaka huu salama. Japo sikuwa hewani mwishoni mwa mwaka, lakini nimekuwa nikitafakari kidogo namna mwaka ule ulivyoenda katika maeneo kadhaa ya maisha yangu. Mafanikio kwa Matatizo. Furaha kwa huzuni. Kupanda na Kushuka. Kupiga hatua mbele katika eneo moja na kurudi nyuma kwingineko. Yote yamekuwa sehemu yangu kwa mwaka uliopita.

Nimekuwa msomaji wa blogu karibu zote zilizo hai. Na kwa kweli nimejifunza maarifa mengi makubwa bila kuyagharimia. Waandishi wake waliyagawa bure na uone ilivyo ajabu, maana waliweza kujibizana na wasomaji wao kwa lengo la kupanua mjadala.
Na ni hakika kwamba hivi sasa blogu zimeanza kuchukua nafasi ya magazeti na televisheni, au angalau kupambana na vyombo hivyo vikongwe. Umaarufu wa magazeti ya kununua taratibu unaanza kupotea.

Katika blogu za Kiswahili jambo la tofauti hivi sasa ni maudhui aina aina yanayoandikwa. Nakumbuka miaka mitatu au minne iliyopita, karibu kila blogu ilikuwa ni ya uchambuzi wa kisiasa. Tuliiga magazeti ya kale kwa kujaribu mara zote kujadili matukio na wanasiasa. Lakini hivi sasa tuna karibu kila aina ya maudhui (ya kina). Hiyo ni kuanzia siasa, mashairi, dini, mitindo, upishi, falsafa, jamii, mahusiano, elimu-nafsi nk.

Kibinafsi kabisa ningependa niwashukuru wanablogu wote kama jamii kwa namna walivyo na moyo wa kuwashirikisha wengine kile wanachokifahamu. Nimejifunza mengi mwaka huu uliopita.

Ninajua namna ninavyoelimika kutoka watu wa tabaka tofauti tofauti.
Hata hivyo, hata ni ka mtindo changu tu cha mwaka huu kasikusumbue. Kwamba nimeona ni vyema niwapongeze wanablogu watatu ambao wamenipa changamoto kubwa sana ya kifikra kwa mwaka 2009. Wanablogu hawa karibu kila siku wameniacha na hoja nzito sana za kutafakari hata niwapo nje ya mtandao. Wamenisababisha niendeleze mijadala na marafiki zangu ambao najua hawasomi blogu. Naomba kuwatambua kiujumla jumla bila kuorodhozesha sababu zangu:

1. Chakula kitamu inayoendeshwa na Mwalimu Masangu Matondo.
2. Kulikoni Ughaibuni inayoendeshwa na Evarist Chahali.
3. Changamoto yetu ya Mubelwa T. Bandio

Natumaini kuwa wanablogu hawa wa mwaka kwangu, wataendelea kufanyika sehemu ya ratiba yangu ya siku kwa mwaka unaoanza.

Hizi ni tatu tu, lakini ukweli ni kwamba nasoma blogu zote na siwezi kuziorodhesha zote hapa.

Mabarikiwe nyote!

Maoni

  1. Simon Kitururu6/1/10 2:00 AM

    Mimi bila kusita BWAYA , ni kwa miaka kadhaa sasa BLOGU yako kwangu ni bonge la changamoto na ni lazima nipite kuchungulia unafikiria nini.

    JibuFuta
  2. Christian Bwaya6/1/10 1:41 PM

    Asante Simon kwa ushirikiano. Najua tumekuwa karibu sana kwa kipindi kirefu sana. Na niliyoyapata kwako unayatambua.

    Najivunia kukufahamu, najivunia ukaribu tulionao. Amani kwako Simon!

    JibuFuta
  3. Mzee wa Changamoto6/1/10 5:21 PM

    Duh!!
    Hii sikuitegemea kwa kuwa haikuwa chanzo cha kuandika. Sikuwaza kuwa kuna wanaopata changamoto mbalimbali kutoka kwenye BLOGU YETU maana pale najifunza zaidi ya ninavyofunza (kama ambavyo niliandika hapa http://changamotoyetu.blogspot.com/2009/12/blogu-ni-shule-wajifunzao-ndio-wafunzao.html)na maoni yenu wapendwa ndiyo yaletayo chachu na changamoto za kuandika mengine mengi zaidi. Hapa kijiweni ndipo nilipopata mawazo mengi ya kuanzisha blogu kwa namna muionavyo. Niliwaza saaana nini la kufanya baada ya kupata ushawishi wa kuanzisha blogu na kwa kutembelea kjijiwe hiki, cha Kamala, kwa Mkodo na watambuzi na wachambuzi wengi nikaona ni vema kuandika kwa suluhisho kuliko matukio kama picha.
    Na sasa niomepata changamoto toka kwa Dada Mija kuwa tuangalie mambo kwa JICHO LA NDANI ambayo inaendana na ile aliyoitoa Master T alipojibu salamu za mwaka kuwa tuelekeze maandishi kwenye kuchochea suluhisho kuliko matatizo.
    Naamini mwaka huu kutakuwa na mafanikio na wenzangu na mimi wanaochipukia wataleta changamoto kubwa kufanikisha hili. Kwani ninyi mlianza kuonesha njia nasi twafuata
    SHUKRANI NA TUKO PAMOJA

    JibuFuta
  4. nyahbingi worrior.7/1/10 8:35 AM

    Kaka Bwaya,mimi napenda tutilie msisitizo kuhusu JUMUWATA.

    kATIKA jicho la Ndani nitasisitiza sana kuhusu jumuwata.

    haiwezekani miaka yote tumekaa na kuangalia jumuwata ikijifukia yenyewa au kufukiwa.

    2010 katika jicho la ndani ni kufufuwa jumuwata.

    JibuFuta
  5. Masangu Matondo Nzuzullima (MMN)13/1/10 3:37 AM

    Bwana Bwaya;
    Hata mimi hili sikulitegemea na pengine Mzee wa Changamoto ameshanisemea pia. Naamini kwamba nimeshabadilika tangu kuanza kublogu. Kuna mambo mengi sana ya kujifunza hata kama uwe "umesoma" namna gani. Japo muda wa kukaa na kuandika kikamilifu haupo, huwa naandika kwa kuparura parura tu na sikuwahi kufikiri kwamba ninayoyaandika hapa yanavutia na kufikirisha. Na kutokana na ukosefu wa muda kuna wakati huwa nakosa muda wa kutoa maoni ya kina katika blogu mbalimbali mojawapo ikiwa hii. Kwa mfano ningali bado naandika maoni kuhusu ule mjadala uliozushwa na mchangiaji makini GODWIN HABIB MEGHJI kuhusu uhusiano wa lugha na kufikiri.

    Asante Bwana Bwaya na tuendeleeni kubadilishana mawazo, kuimarishana kifikra na kuipigania jamii. Natumaini kwamba mwaka huu mpya utakuwa mwema zaidi!

    JibuFuta
  6. chib13/1/10 5:28 PM

    Wanasema ukweli huwa unajitenga. Maoni ya Bwaya ndio ukweli na mtazamo wa wasomaji wa blogu wa mara kwa mara.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»