Vazi la Taifa: Imeshindikana?

Yapo mambo mengi ambayo tumekuwa tukiyaimba tangu kupata uhuru lakini mpaka leo inasikitisha kuona kuwa yameshindikana. Tuanadanganyana.

Mfano ni hili suala la umasikini wetu. Watawala wamekuja na kuondoka, lakini tatizo liko pale pale. Tunaambiwa kuwa "bado tunaweka misingi ya maendeleo yetu, tufunge mikanda!". Miaka 40 na ushei hakuna lolote!

Niliwahi kusoma makala ya Bwenge katika Gazeti la Rai nikachoka kabisa. Kwamba Chama cha Mapinduzi kimekuwa kikitumia maneno kwa ufundi na ungalifu mkubwa ili kukwepa hoja za wananchi kuhusu mambo ya msingi.

Bwenge anatoa mfano wa yale mabango ya Kampeni ya CCM yaliyokuwa na picha ya mgombea wao wa Urais (Sasa Rais) na ile ya Mzee Mkapa. Upande wa Mkapa unakutana na maneno "uchumi unakua, ajira zinaongezeka n.k" Profesa Bwenge anasema CCM hawakutumia "me" (sijui ndio herufi au neno sijui)ili kusema "uchumi umekuwa". Wakiulizwa mbona tunalala njaa, jibu linakuwa rahisi: "Ndio. Lakini tumesema uchumi unakuwa". Maneno ya kujitetea. Ukiangalia kwa makini, ni kweli kabisa.

Nchi yetu ina uswahili mwingi, vitendo haba. Tunaendelea na maisha. Maigizo mengi uhalisia hakuna. Hadhira inadanganywa. Maisha yanaendelea.

Ninazungumzia vazi la Taifa. Mijadala ya vazi la Taifa imekuwa ikiibuka na kuzama. Lakini jambo moja linaonekana kuwa wazi: Kwamba suala hili limeshindikana. Sijui tatizo lenyewe liko kona ipi ambayo kamwe haififiki!

Mwaipopo aliwahi kuandika kutukumbusha kuhusu nguvu ya mawazi. Kwamba ni utambulisho ambao tunaweza kujivunia miongoni mwa watu wa mataifa mbalimbali.

Wainajeria mavazi yanajulikana. Ukimwona kokote unajua alikotoka, kwa kuangalia mavazi yake. Ndugu zetu hao wamefanikiwa katika hili. Na wanaona fahari kutoka kikwao kwao. Ndio utambulisho wao miongoni mwa mataifa.

Sisi je? Tumefikia wapi na mjadala huu? Tumeishiwa pumzi? Kikwazo ni nini hasa?

Nadhani tatizo ni mtazamo wetu mbovu ambao umejaa utandawazi mpaka tunafika mahali tunasahau kabisa mambo ya kwetu!

Niliwahi kusoma mawazo ya Ndesanjo, nikajikomboa. Ndesanjo alikuwa anahoji sababu za Mawaziri wote kuvaa suti za kizungu(Pamoja na Waziri wa Utamaduni mwenyewe) wakati Mawaziri wa enzi za Uhuru walivaa ya Kiafrika. Nilipozitazama picha hizo alizokuwa anazizungumzia nikajisemea "Lakini kweli!". Kwamba tunakokwenda sio. Tutafika mahali tutakuwa hatuna kitu chochote tunachoweza kujidai kuwa ni chetu. Tunakuwa tumetandawazishwa kabisaaa!

Tumefikia wapi katika mjadala wa kitaifa kuhusu vazi la Taifa letu? Mwaka jana kuliibuka hoja hiyo, tukadhani hewala, wakati umefika. Lakini wapi bwana kumbe ni maneno tu!

Nadhani mjadala huu bado utakuja tena kwa wakati wake. Utakufa kama kawaida. Sababu ni kwamba: Watanzania hawana chao tena. Utandawazi umefanya kazi yake. Wacha tuvae tunavyotaka.


Wazungu watatushangaa maana tunapenda kujidhalilisha wenyewe. kwa nini wasitushangae?.

Maoni

  1. Bila jina8/4/06 10:24 PM

    Samahani maoni yangu hayalingani na habar hii. Nilitaka kuongeza jambo fulani katika utangulizi wako kwamba u'mwalimu. Taaluma njema hii na wamebarikiwa wale wamejitolea kuwa walimu.

    Nimeonja uwalimu kwa muda. Hawa vijana wachanga wamenoa akili zangu pia. Nikidhani labda katika utangulizi wako utataja pia hawa vijana watakufaidi. Si lazima ubadilishe, ni maoni tu.

    JibuFuta
  2. ARUPA9/4/06 11:30 AM

    kaka kazi nzuri hiyo leo nilikuwa natembelea kijiwe chako, kanifurahisha sana huyo msandawe.

    JibuFuta
  3. Christian Bwaya9/4/06 9:34 PM

    Mtandawazi asante sana kwa cahngamoto. Ninaamini unayosema. Lakini naamini nikipitiapitia mistari ya ufahamu kwenye kibaraza cha Ndesanjo, ninaweza kufanya kitu.

    JibuFuta
  4. mzee wa mshitu14/4/06 7:08 PM

    Bwaya

    Hatimaye natinga kwa mara ya kwanga hapa nyumbani kwako. Kwa hakika unachokisema kuhusu mustakabali wa taifa hasa kwa upande huu wa vazi la taifa unasikitisha.

    Yamefanyika mengi lakini tumeishia kwenye mjadala na hatimaye eti wakapatikana washindi wa vazi la taifa na ikawa ni suti 'simple' kama alivyotuonyesha ndugu yetu michuzi katika vielelezo vyake vya jana.

    Nafikiri kuna tatizo la msingi vazi la taifa linashindikana kwa sababu kuu mbili au tatu , mosi diversity ya makabila yetu ni mengi kuliko ya Nigeria kama sikosei.
    Halafu pili hatuna ule utaifa kujivunia cha kwetu. Wanaijeria wanajivunia unaijeria kama Wachina wanavyojivunia uchina na kama Waskochi wanavyojivunia uskochi.
    Hebu mfano tuangalie jamii 'zilizochanganyikiwa' kama za Marekani hivi wale wana vazi la taifa. Haya ndiyo mawazo yangu ndugu yangu Bwaya.

    JibuFuta
  5. Bila jina20/4/06 12:51 AM

    Mwaka jana nchini Kenya wamezindua vazi la taifa. Eti shilingi milioni 50 za Kenya zilitumika kusaka vazi hili. Kwa kiasi fulanilinarandana na lille la Nigeria japo limetiwa Uswahili kwa kiasi fulani. La kushangaza ni kwamba viongozi wenyewe hawako mstari wa mbele kulivalia hata inapokuwa sikukuu za Kitaifa.

    Nikidhani tunastahili kupokea vazi la Nigeria kama kitambulisho cha vazi la Kiafrika kisha nchi mbalimbali ziongeze kipengele fulani kidogo tu ili kulitofautisha na lile na Nigeria.

    JibuFuta
  6. Bila jina20/4/06 12:56 AM

    Tulipokee vazi la Nigeria kama kitambulisho cha bara Afrika. Kisha tubadilishe kiasi kidogo tu ili kulipa sura ya nchi. Kwa njia hii nikidhani tutawaonyesha ulimwengu kwamba Afrika ina sauti moja.

    JibuFuta
  7. Mjengwa7/10/06 9:34 PM

    Nami nimeingia kwako Bwaya. Hongera kwa kazi nzuri! Nimefurahia.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»