Tatizo ni dini au watu wenyewe?

Nimefuatilia kwa makini mjadala ulianzishwa na Idya Nkya kwenye blogu yake kuhusu dini. Nimesoma michango ya wanafalsafa waliochangia. Majadala ni mkali na unatia changamoto kweli.

Nilivutiwa kuundeleza mjadala huu chumbani hapa chuoni na ilikuwa ni kasheshe tupu tulipokuwa tukijadili suala hili. Mjadala ulikolezwa na mistari ya Ndesanjo inayokwenda kwa jina la Yesu/Isa na watanzania, Mtu ni utu si dini na nyinginezo nilizozitoa pembezoni mwa kibaraza chake upande wa kulia.

Dini nyingi tulizobebeshwa (tulizozishika?) zina mafundisho mazuri. Zinatufundisha kuwa watu wazuri katika jamii. Zina makatazo mengi ambayo kimsingi yanalenga kutuchonga tuwe jamii yenye watu waungwana, wastaarabu ambao hatimaye wanaahidiwa maisha ya umilele. (Jambo zuri hili!)

Dini zote lengo lake ndilo hilo. Pamoja na kwamba Ndesanjo ana wasi wasi na baadhi ya mafundisho ya dini hizo. Lakini ningependa kuamini kuwa dini zote (nyingi)maudhui yake yanashahibiana na yana faida yakifanyiwa kazi. Tofauti kubwa ni namna ya kuwa na maadili hayo. Hapo ndo tofauti inaanzia.

Wapo walioshikilia kuwa si muhimu kuwa na utitiri wa "madini" haya yanayopingana kiimani. Kwamba yanachochea tofauti zisizo za msingi katika jamii zetu. Ndio maana watu wanafikia hata kuulizana imani zao. Dini! dini! dini! Iwe kwenye siasa na kwingineko. (Mimi mwenyewe niliwahi kumwuliza Ndesanjo kuhusu dini yake)

Ninachojiuliza hivi sasa, ni kwamba tatizo ni nini, watu au dini zenyewe? Tatizo ni kutokushika mafundisho ya dini husika, au ni uwapo wa dini zenyewe? Hivi zinaweza kuwa ni ubatili mtupu au tatizo liko wapi? Je zisingekuwapo? Ni afadhali kutokuwa na dini kabisa? eti?

Maoni

  1. Bila jina9/2/06 11:02 AM

    Dear friends,
    I want to share with you about Audio Bible (http://www.biblegateway.com/resources/audio), Sometimes it could so hard to read on your own from the bible but the solution is here just about your finger tips and you click http://www.biblegateway.com/resources/audio and hear Audio Bible in any chapter you prefer.

    Please forward this e-mail I send to you to anyone you know and GOD will bless and remember you in his kingdom because you are spreading his messages.

    Remember you can use just half an hour to educate your self, Think how much time you are wasting for other issues so please spends your time with GOD today.

    God loves you all and that’s why is using me to send this message, just think what will you do when judgement day is today? Are you prepared enough? So try to talk with GOD to remember you, your generation and the whole world to his Kingdom. Think now and do actions because time is near.

    Every blessing,
    MK

    JibuFuta
  2. Bila jina13/2/06 3:22 PM

    Swali zuri sana hili Bwaya: je tatizo ni dini au watu?

    Pengine tunaweza kuongeza swali jingine:
    je kuna dini bila watu?

    JibuFuta
  3. Bila jina15/2/06 2:53 PM

    Sikubaliani na hitimisho la mtazamo wako kuhudu dini, kuwa dini zote zinatufunza mambo mema na hivyo zinafaa. Nitafafanua kwenye makala yake maalum.

    JibuFuta
  4. nyembo20/2/06 5:13 PM

    Dini ni mfumo wa maisha,hata hao wanaoabudu shetani nao huo ni mfumo wao, hakuna tatizo hapo unapofanya chochote katika muundo wa kimfumo tambua hiyo tayari ni dini, kabla ya waarabu na wazungu, wayunani nk wazee wetu waliamini mifumo yao nazo tunaamini ni dini, hakuna maisha bila mfumo na kila mfumo ni (dini)hakuna watu bila mifumo nayo hiyo mifumo ni dini kila kitu kina kwenda kwa mfumo wake ambao kwa maana nyingine ni dini yake hata blog ina mfumo wake ambao ni dini yake

    JibuFuta
  5. MTANZANIA.23/4/06 2:21 PM

    nashukuru mwalimu kwa hili somo lako.kaza buti kazi bado mbichi.

    JibuFuta
  6. MTANZANIA.23/4/06 2:22 PM

    kazi nzuri kaza buti mwalimu

    JibuFuta
  7. Bila jina13/9/06 3:26 AM

    Hapo Nyembo umechanganya mambo. Tofautisha kati ya watu na mfumo. Mfumo lazima uundwe na watu lakini watu hawalazimiki kuundwa na mfumo.

    Kwa mfano watu huunda dini, lakini dini haiundi watu. Pia sikubaliani na usemi kuwa kila mfumo ni dini. Kumbuka kuna mfumo wa uchumi, mfumo wa siasa, mfumo wa chakula, uzazi, mfumo wa utawala nk nk. Ingawa dini ina visifa vyo mfumo ila kimsingi dini inamaanisha jumla ya imani ya watu kuhusu yale wanayoangalia kama takatifu, kiroho au kuhusiana na Mungu (kamusu-elezo-huru)

    JibuFuta

Chapisha Maoni

Zilisomwa zaidi wiki hii...

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi...
Soma zaidi »»

Ukuaji wa Kiakili na Kimwili kwa Mtoto wa Miaka 0 – 3

Picha
Katika makala haya, tunatazama kwa ufupi makuzi ya mtoto mwenye umri wa siku moja mpaka miezi 36. Tutaangalia mambo ya msingi yanayonesha ukuaji wa mtoto unavyoendelea katika maeneo makubwa manne; 1) ukuaji wa kimwili 2)  kiakili 3)  kimahusino na watu wengine na mwisho 4) kihisia. Kwa kawaida maeneo haya manne yanategemeana ili kumwezesha mtoto kukua kwa ujumla. Kwa mfano ili mtoto akue kimwili, anahitaji ukuaji wa akili ipasavyo ambayo nayo itaathiri namna anavyomudu hisia zake na hivyo kuhusiana na watu wengine. Kwa hiyo ni sawa tukisema hakuna ukuaji wa eneo moja usiotegemea eneo jingine.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye ...
Soma zaidi »»