Hivi makala hizi zinasomwa kweli?

Leo nilikuwa natembea tembea nyumbani kwa Ndesanjo Macha. Nimejifunza mambo mengi nyumbani kwake.
Makala nyingi zimejaa maudhui mazito ambayo kusema kweli yana nafasi kubwa katika kuibadilisha jamii ya kitanzania. Tatizo ni kuwa Watanzania wengi anaowaandikia hawana muda na makala ndefu kama zake. Wanataka makala za ngono, fupi fupi zenye masimulizi ya kimapenzi!
Makala kama zake, sina hakika kama kweli zinasomwa na wengi, hasa vijana ambao kama wangezisoma zingewasaidia.
Swali nililotoka nalo ni kwamba makala kama hizi zinawasaidia wanaozisoma? Hivi wanazisoma hata hivyo?

Maoni

  1. Jeff Msangi5/1/06 4:28 AM

    Zinasomwa Bwaya ingawa sio kwa kasi inayotakiwa.Utaratibu wa kujisomea mdogo sana miongoni mwa vijana wa siku hizi.Wengi wametekwa na video.Wanasahau umuhimu wa kujisomea.

    JibuFuta
  2. boniphace5/1/06 11:56 PM

    Timiza nafasi yako kwanza, suala la usomaji linaanza na wewe. Mabadiliko yanaanza kwako na kisha kuyapeleka kwa wengine. Safari hii ndivyo ilivyo haina kukata tamaa maana kumbuka huko nyuma huenda nawe ulikuwa miongoni mwa kundi la wasiosoma lakini sasa unasoma na kisha unahoji wengine. Hiyo inafafanua kasi ya mabadiliko. Hakuna kukata tamaa kasi ya kuamsha fikra ni ukombozi maridhawa unaohitajika Afrika. Cheza karata yako inawezekana!

    JibuFuta
  3. FOSEWERD Initiatives6/1/06 11:24 AM

    pia hamasisha na wengine kujiunga na kusoma. ikiwa wanaglobu wa ethiopia wamedurufu na nadhani mara 4 kwa sasa wamesidi milioni moja mara tu baada ya kunyanyaswa kwenye uchaguzi mkuu. itakuwa sisi? addis internet cafe bado ni za kutafuta sembuse sisi kila mtaa?

    nilikuwa na mawazo kuwa haya tunayoyaandika baadae yaingie kwenye vitabu vipya vya uraia kureplace vile vya darubini.

    cheers

    JibuFuta
  4. Christian Bwaya8/1/06 9:47 AM

    Najua wapo wanaopenda kusoma. Si wengi, lakini wapo kama anavyosema Jeff. Hoja yangu ni kwamba, kwa kuwa kasi ya kujisomea ni ndogo sana katika jamii yetu na kwa kuwa wachache wanaojisomea wanapenda kusoma udaku zaidi na habari zisizo na mchango wowote wa Maendeleo yao na taifa lao, na kwa kuwa ili tulete mabadiliko katika jamii tunamoishi; Hivi hakuna namna inayoweza kufanyika kuwafikia katika udaku huo huo huko huko wanakokupenda? Sababu ni kwamba kasi ni ndogo sana waungwana! Watu hawana mpango na hoja nzito nzito jamani!

    JibuFuta
  5. Christian Bwaya8/1/06 10:08 AM

    Msaki, ni kweli tunahitaji kuhamasisha vijana wenzetu wapende kusoma. Kazi ni kubwa maana siku hizi mtu anasoma anachojua kitaulizwa kwenye mitihani. Ndio maana ni wachache sana ,kama alivyowahi kusema Ndesanjo, wanazijua hata ilani za vyama vyetu, katiba na mambbo kma hayo. watu kama hawa, wavivu kama hivi itachukua muda kuwashawishi.
    Tujitahidi hata hivyo.

    JibuFuta
  6. Ndesanjo Macha9/1/06 1:39 PM

    Bwaya, kitendo cha makala zangu kusoma na mwalimu mtarajiwa ambaye atakuja kugusa akili na nafsi za watoto shuleni kinanipa furaha kubwa sana. Hata nikisoma na wewe tu nchi nzima, nitaendelea kuandika tena kwa hamasa kubwa. Kwangu nitajisikia kuwa ninafanikisha kazi ninayoamini kuwa ni sehemu ya harakati za ujenzi wa jamii mpya.

    JibuFuta
  7. FOSEWERD Initiatives9/1/06 4:07 PM

    bwaya,

    zinasomwa hata hivyo. mimi kila mtu niliyekuwa na anuani yake (karibu 300) niliwatumia habari hizi na wote wanazisoma.

    hapa nilipo nikitumika kwa sasa, watz woote wanasoma. sema sio wote wachangiaji kwa kuandika, huwa wannachangia kwenye vikao vya jioni. na kwa ufupi wamesema ni za msingi saaaaannaaaa!!

    kaza buti!

    JibuFuta
  8. mloyi10/1/06 4:17 PM

    Wasoma wachache, lakini bado wengi wao uelewa wa hizo makala unatia shaka. Ndesanjo anatumia nguvu nyingi kuweka hizo makala lakini sijui kama watu wanatumia nguvu japo kidogo kuzielewa.

    JibuFuta
  9. Kaka Poli10/1/06 7:15 PM

    Wanablogu karibu wote, wanaandika masuala yanayotugusa sisi moja kwa moja. Ila kuna haya machache nitasema. kwanza matumizi hasi ya teknolojia ya mtandao wa intaneti ni tatizo kwa jamii kubwa sana ya Watanzania hasa vijana. Matumizi hasi kama vile kutumia mtandao kujadili zaidi masuala yanayohusiana na ngono, muziki wa magharibi, kutongozana n.k. tembelea www.darchat.com na www.darhotwire.com hiyo ni kwa uchache na ndio ambayo inawakusanya vijana wengi (naamini hivyo) kutwa nzima mpaka usiku wa manane. Pili hakuna 'promotion' ya kutosha kwa vijana kutumia mtandao wengi kwa wingi wetu.

    JibuFuta
  10. Kaka Poli10/1/06 7:16 PM

    Wanablogu karibu wote, wanaandika masuala yanayotugusa sisi moja kwa moja. Ila kuna haya machache nitasema. kwanza matumizi hasi ya teknolojia ya mtandao wa intaneti ni tatizo kwa jamii kubwa sana ya Watanzania hasa vijana. Matumizi hasi kama vile kutumia mtandao kujadili zaidi masuala yanayohusiana na ngono, muziki wa magharibi, kutongozana n.k. tembelea www.darchat.com na www.darhotwire.com hiyo ni kwa uchache na ndio ambayo inawakusanya vijana wengi (naamini hivyo) kutwa nzima mpaka usiku wa manane. Pili hakuna 'promotion' ya kutosha kwa vijana kutumia mtandao wengi kwa wingi wetu.

    JibuFuta
  11. mwandani21/1/06 12:03 PM

    Pengine wale wenye kuweza kupata nafasi ya kuandika magazetini washawishi watu kutembelea blogu kama vile blog round ups za wiki halafu tuone itakuwaje.
    Sijasoma magazeti (ya kuchapa) ya nyumbani kwa siku nyingi, labda hili linafanywa tayari, kama bado halifanywi basi tuwatongoze vijana wapate kutembelea blogu zenye visa vingine zaidi ya mambo ya popular culture na falme nyingine za kibepari.

    JibuFuta
  12. Rashid Mkwinda22/1/06 1:00 PM

    Ni wakati muafaka wa kubadilika kifikra katika zama hizi za utandawazi ambao....piga ua umeathiri vijana wengi wa kizazi kipya, aidha ni muhimu kama alivyosema Mwandani kwa waandishi wa habari kujaribu Ku -kupromot Blogu na kuwavuta wasomaji waje huku waone nini kinachoendelea katika dunia ya mtandao wa habari na mawasiliano.

    JibuFuta
  13. Rashid Mkwinda22/1/06 1:05 PM

    Ni muhimu kwa waandishi wa habari kutangaza na kuwaonesha wasomaji namna ambavyo mtandao wa habari na mawasiliano ulivyobadilika, hili ni jukumu kwa watumiaji wa blogu, vinginevyo taarifa zetu zitakuwa zinatuzungukia wenyewe bila kufika kwa walengwa.

    JibuFuta
  14. Bila jina3/4/06 1:42 AM

    Umesema wengi wanapenda makala zilizo na maudhui ya kimapenzi. Kweli kabisa. Mapenzi ni kiungo muhimu cha maisha kiasi kwamba watu watapenda habari, sinema ,riwaya au mchezo wa kuigizwa uliohanikizwa maswala ya mapenzi. Swala la mapenzi huwaondoa watu katika ulimwengu halisi na kuwasafirisha katika ulimwengu mwingine usio na matatizo.

    Ngano zisizo na maudhui ya mapenzi huwa zimejaa busara ndio, lakini mara nyingi huachiwa wanafilosofia kuzisoma.....

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Mbinu za Kushinda Maswali ya Usaili wa Kazi - 1

Picha
Kama tulivyoona katika makala yajuma lililopita , usaili ni hatua ya mwisho kuelekea kupata kazi. Sehemu kubwa ya usaili ni maswali na majibu yanayolenga kupima uwezo wako wa kukabiliana na changamoto halisi za kazi. Ingawa yapo maswali yanayoweza kukupa wasiwasi wa nia ya mwuulizaji, fahamu kuwa hakuna swali linaulizwa kwa nia mbaya au kwa bahati mbaya. Kila swali linaloulizwa linalenga kutafuta uthibitisho kuwa wewe ni mtu sahihi kwa kazi unayoomba.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»