Hiki ni kichekesho cha MMEM!

Mwishoni mwa mwaka jana, Wizara ya elimu iliitia "kash kash" asasi isiyo ya kiserikali iitwayo HakiElimu. asasi hiyo ilikuwa na matangazo mengi katika vyombo ya Habari yakielezea kwa kina hali halisi ya elimu nchini. Msisitizo wao ulikuwa katika kumulika matokeo ya Mpango wa (Maendeleo) ya Elimu ya Msingi, yaani MMEM.
Kwa wengi wetu, matangazo hayo yalikuwa yakiutoboa ukweli wa wazi mkabisa ingawa Sirikali haikuutaka. Ukweli wenyewe ni pamoja na kuwapo kwa ubadhilifu mkubwa wa fedha za Mpango uliofanywa na walimu wakuu wakishirikiana na wakubwa kinyume na malengo husika.
Ushirikishwaji duni wa wananchi katika Mpango mzima lilikuwa ni tatizo lingine lilobainishwa, kutokuwapo kwa kipaumbele cha kujenga shule za wanafunzi wenye ulemavu, mbinu zisizofaa zinazotumiwa na walimu katika ufundishaji na mengine mengi. Hayo yalikuwa kweli tupu, na haikuhitaji shahada ya uzamili kuujua. HakiElimu hata hivyo, walikuwa wamefanya utafiti wa kutosha katika hilo. Sirikali kwa kutumia nguvu zake ikaijia juu HakiElimu kwamba inaongopa. Ikasitisha matangazo hayo.
Kichekesho chenyewe ni kwamba baada ya kuyapiga marufuku matangazo hayo, Wizara ya Elimu sasa inatumia fedha nyingi kubuni na kurusha matangazo mengi yenye maudhui ya ajabu kabisa. Kwamba wanataka wananchi waamini kuwa mpango wa MMEM ulifanikiwa kuliko kawaida! Eti walemavu wamewezeshwa, madarasa bora yamejengwa na mengine mengine sijui nini na nini. Huku ni kujaribu kuwachezea wananchi ambao sirikali inadhani hawaelewi chochote na kwamba wao ni watu wa kuambiwa tu, utafikiri hawaoni.
Leo hii ukitembelea shule zilizojengwa katika mpango huu, hutakosa kubaini kwamba maisha ya madarasa hayo ni mafupi mno na kwamba yalijengwa chini ya kiwango kilichokusudiwa awali. Jambo la kufurahisha ni kwamba walimu wakuu waliokuwa shapu wakati wa mpango huu, wamemalizia nyumba zao na wengine wanamwaga lenta za nyumba zao wanakula kuku kwa mrija saaaafi.
Nafikiri matangazo hayo yalitakiwa kuonyesha mambo hayo na sio kuwadanya wananchi ambao kimsingi wataanza kuumia muda si mrefu, madeni makubwa yatakapoaanza kulipwa. Tutalipa mabilioni wakati waliofaidika ni wachache? Biashara ya namna gani hii? Ni bora tukawa wa kweli kuliko kuwa wakali tunapokosolewa makosa yetu ya makusudi.

Maoni

  1. Jeff Msangi24/1/06 6:53 PM

    Bwaya,
    Kwanza niseme ahsante kwa maoni ambayo umeyaacha kwenye uwanja wangu na ahsante kwa kuwa msomaji mzuri wa makala zangu za kila jumapili ndani ya Tanzania Daima.
    Kuhusu hili la elimu mimi nashindwa hata kuelewa nini kinatokea na inakuwaje wananchi waishie kunong'ona tu wakati waathirika ni wao wenyewe na watoto wao.Nadhani lazima tuchukue msimamo thabiti.Masuala muhimu kama haya sio sahihi kabisa kuachiwa wachache,wenye vitambi,ambao watoto wao washamaliza shule siku nyingi sana,kutuamulia.Natumaini JK ameshaanza kulivalia njuga hili kwa sababu nasikia alilisemea hovyo alipozuru wizara ya elimu hivi karibuni.Nadhani tatizo huko nyuma halikuwa aina gani ya masomo yanafundishwa bali nini kinafundishwa;ukoloni mpya?utumwa wa akili?

    JibuFuta
  2. boniphace24/1/06 9:19 PM

    Bwaya hapo ndipo kwenye utata huyu mama wa CCM aliyekuwa chanzo cha kukwamisha madai ya walimu Tanzania sasa ni Waziri wa Wizara hiyo. Amepewa zawadi baada ya kuwaweka kimya walimu kwa miaka. NiMEONA NAYE KAANZA NA LONGO LONGO ZA MUNGAI KUHUSU MICHEZO. Kuna nini hapa nadhani kazi kwetu kuwapasha ukweli maana kuua elimu nchini ni kuwanyima raia wetu haki yao kama binadamu.

    JibuFuta
  3. nyembo25/1/06 5:34 PM

    Leo nimeamua kusema nawe kaka!
    kazi yako nimeona mwanangu,ninachoshukuru hapa ni kuwa yule mama kama alivyosema Bw Jeff pale juu kawekwa katika wizara ileile, lakini ikiwa ni moja kati kumkomesha huyo mama na sio kumpa shukrani katika kile alichowafanyia walimu.
    unajua ni kama Magufuli aliuza nyumba za serikali kwa jeuri na kiburi, JK kamkabidhi rungu linalohusu nyumba huku akimsimanga kuwa hatuuzi nyumba...sasa kazi kwake kumpinga bosi,kwa kufanya mauzo ama kurudisha nyumba na kukoma kucheza mchezo mchafu.

    JibuFuta
  4. nyembo25/1/06 5:37 PM

    Nafurahi kukupa taarifa kuwa nitaanza kusoma huku kwako pia nashukuru kwa kunishtua ndugu yangu,unajua kuna Mtu anakwitwa Makene na mwenzake anakwitwa Mkwinda wamekuwa wananifanyia matendo yasiyo katika tambo zao, hadi nakosa muda wa kutembelea wengine,nitajitahidi kaka!

    JibuFuta
  5. John Mwaipopo26/1/06 9:39 PM

    Bwaya yawezekana umesahau kuwa mara nyingi msema kweli huonekana muongo na msema uongo huonekana mkweli midhali ana nguvu za kusemea. Tena akisema kwa Kingereza ndio inaonekana jiniasi kabisa. Hii MMEM mimi nilikuwa naisikia tu kama kitu kingine kama mlio wa mbuzi vile. Lakini matangazo ya HakiElimu nilikuwa nayahusianisha na ukweli ambao nimeuona kwa macho yangu mawili. Lakini ona sasa ukweli umeshafanywa uongo na maisha yanaendelea tu na sisi tuko kimya.

    Lakini haya yote yana mwisho wake.

    JibuFuta
  6. FOSEWERD Initiatives18/2/06 5:08 PM

    safari bado ni ndefu! si umeona jinsi form four walivyoboronga? inabidi kuchukua jukumu rasmi kufufua elimu yetu kwani na huu utandawizi utatumaliza wajameni!

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Mbinu za Kushinda Maswali ya Usaili wa Kazi - 1

Picha
Kama tulivyoona katika makala yajuma lililopita , usaili ni hatua ya mwisho kuelekea kupata kazi. Sehemu kubwa ya usaili ni maswali na majibu yanayolenga kupima uwezo wako wa kukabiliana na changamoto halisi za kazi. Ingawa yapo maswali yanayoweza kukupa wasiwasi wa nia ya mwuulizaji, fahamu kuwa hakuna swali linaulizwa kwa nia mbaya au kwa bahati mbaya. Kila swali linaloulizwa linalenga kutafuta uthibitisho kuwa wewe ni mtu sahihi kwa kazi unayoomba.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»