Upweke wa kutokublogu

BAADA ya kimya cha muda mrefu kwa sababu zilizokuwa nje ya uwezo wangu, namshukuru Mungu wa Israeli nimerejea tena. Sijaja na kipya. Ila nimekuja kusoma mengi ya mtandaoni. Ukweli ni kwamba mtandao ni moja ya burudani zangu muhimu sana kama ilivyo mpira kwa wenzangu fulani. Kwa wenzangu na mimi tusiopenda kujua hata matokeo ya mechi za Uefa, wapi zaidi ya kwenye blogu?

Nilikosa kusoma posti na maoni ya wanablogu. Nimekuwa kwenye kipindi cha upweke fulani hivi nisioweza kuueleza.

Kila siku nijakosa kujiuliza: hivi Baba Mtakatifu Simon kasemaje leo? Da! Watu kama akina Mubelwa, Subira, John Mwaipopo, Yasinta, Maprofesa Mbele (bora hata ninakisoma kitabu chake kwa kukirudia na kukirudia) Matondo, akina Evarist, Kamala, Mbilinyi, Dada Vukani, Kisima, Lundu Nyasa (msee jibu lako nakuja nalo), akina Shabani Kaluse (pole na shule), wazee wa Strictly gospel (hee yale majadiliano nitayarudia mapema sana), na wengine wengi ambao nimebaki nao kichwani mwangu.

Nilikosa kusoma mawazo motomoto kwenye blogu zetu ambayo kimsingi hunifanya nitafakari, nicheke, na hata mara nyingine kuhuzunika.

Nimerudi tena kuwasoma watu wangu. Na karibuni tujadiliane.

Maoni

  1. Masangu Matondo Nzuzullima (MMN)19/2/10 5:48 PM

    Maoni haya yameondolewa na mwandishi.

    JibuFuta
  2. Masangu Matondo Nzuzullima (MMN)19/2/10 5:49 PM

    Karibu tena ulingoni. Siamini kwamba huko ulikokuwa kulitawaliwa na ukale tu. Au uliufumbia macho upya usionekane? Ni lazima tu utakuwa umekuja na jipya. Tunalisubiri!

    JibuFuta
  3. Mzee wa Changamoto19/2/10 8:32 PM

    Hata kutokuja na jipya wakati twasubiria jipya ni upya wa mawazo kwa sisi tulioamini kuwa ukitoka lazima uje na jipya.
    Kwa hiyo asante kwa "jipya" hilo.
    Na sasa tunasubiri hayo ya kale yaliyoboreshwa kwa fikra za sasa ili kujua namna ya kusonga.
    Karibu saaana Kaka.
    Karibu tusonge

    JibuFuta
  4. Fadhy Mtanga19/2/10 9:52 PM

    karibu tena. bila shaka utazidi kutupa mengi ili tuweze kujielewa vema.

    JibuFuta
  5. Simon Kitururu20/2/10 9:24 AM

    Karibu tena Mkuu!

    JibuFuta
  6. Christian Bwaya20/2/10 4:14 PM

    Asanteni nyote. Tuko pamoja!

    JibuFuta
  7. MARKUS MPANGALA22/2/10 2:10 PM

    alhamdulilahi

    JibuFuta
  8. Mbele26/2/10 6:29 AM

    Ndugu Bwaya, karibu tena. Nategemea umerejea ukiwa unajisikia vizuri na utulivu wa mawazo.

    Nakusikia unavyosema unasoma kitabu changu namna hiyo, nami namshukuru Mungu kwa kuniwezesha kukiandika kama nilivyokiandika.

    Nanakuja Tanzania kuendesha warsha kadhaa mwaka huu, mojawapo ikiwa Arusha, tarehe 3 Julai, na masuala yaliyomo kitabuni yatazungumziwa katika warsha.

    JibuFuta
  9. Christian Bwaya26/2/10 4:04 PM

    Profesa Mbele, kitabu chako kimenifunza masuala mengi ya msingi. Na kadri ninavyoendelea kukisoma najifunza mengi zaidi.

    Najivunia kukipata kitabu hicho.

    Japo sijajua hadhira yako katika warsha hizo, lakini natumai kuwa utakuwa ni mfululizo wa warsha moto moto.

    JibuFuta
  10. Mbele26/2/10 8:53 PM

    Ndugu Bwaya

    Shukrani tena kwa ujumbe wako. Dunia ni kuelimishana, nami hupenda sana kuwa na watu wa aina yako, ambao ni watafutaji elimu.

    Wamarekani wanakitumia sana kitabu hiki wanapojiandaa kuja kwetu kwa shughuli mbali mbali. Wanajua kuwa kufahamu tabia, fikra, taratibu, na mienendo ya mataifa au jamii tofauti na zetu ni muhimu kwa mafanikio tunaposhughulika nao.

    Watanzania bado tuko usingizini. Tunadhani tunaweza kukurupuka tu na kwenda nchi ya mbali kufanya biashara, au shughuli nyingine yoyote bila kujielimisha kuhusu tofauti za tamaduni kama ninavyoelezea katika maandishi yangu. Nina hakika kuwa hatutaweza kushindana na hao wenzetu.

    Huu ndio msingi wa warsha zangu, ambazo naziendesha huku Marekani, na tangu mwaka juzi niziendesha pia huko Tanzania.

    Yeyote anakaribishwa kuhudhuria. Warsha zilizopita wamehudhuria wa-Tanzania walioko katika sekta ya utalii, ofisi za mashirika serikali, vyuo, sekta binafsi, na kadhalika. Huwa naziendesha kwa ki-Ingereza, kwani wanakuwepo watu wa mataifa mbali mbali.

    Kwa bahati nzuri, wa-Tanzania kadhaa wanaanza kutambua faida za hayo ninayoongelea. Kwa mfano, madereva wa kampuni ya utalii ya J.M Tours, iliyoko Arusha, ambayo inamilikiwa na mama mmoja mzungu, wanakienzi kitabu hiki, kwa vile kimewapa mwanga kuhusu tabia na mambo ya wateja wao, hasa wa-Marekani. Kila ninapokutana na madereva hao, wananichangamsha kwa jinsi wanavyoelezea yaliyomo katika kitabu hiki na jinsi wanavyoyatumia kazini. Vile vile, pale Mto wa Mbu kuna vijana wanaoshughulika na mradi wa utalii ambao nao wamegundua manufaa ya kitabu hiki katika shughuli zao. Kwa taarifa zaidi bofya hapa.

    Kwa kuhitimisha, narudia kusema kuwa jambo la msingi ni kuendelea kutafuta elimu. Kwa kusomasoma blogu yako, naona kabisa kuwa wewe uko mstari wa mbele katika suala hilo.

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»