Ben Carson: "Mswahili" bingwa Marikani

Afrika imejaa watu ambao wakizitumia mbongo zao ipasavyo wanatikisa kabisa historia ya Dunia hii. Wanatetemesha! Mifano ya waafrika waliosumbua historia yetu ni ndefu. Tatizo letu kubwa ni kwamba hatuwaoni mabingwa wengi walio nje na ulingo wa siasa.

Ben Carson, ni Mmarikani mweusi, daktari bingwa wa Nyurolojia (Neurosurgeon)katika hospitali ya Johns Hopkins aliyewahi kutenganisha mara kadhaa mapacha waliounganika vichwa vyao. Kishawahi kuja Afrika, kuwatenganisha watoto wenye matatizo hayo ambao wanaishi mpaka leo. Ben hutumia masaa mengi kwa siku akifanya upasuaji wa “Mbongo” za watoto hasa wenye matatizo ya uvimbe kwenye ubongo. Bonyeza hapa kupata simulizi zake kwa ufupi. Mtandao wa Topblacks umetambua mchango wake unaoleta heshima kwa weusi wa nchi hiyo. Huyu bwana, pamoja na kuwa Daktari wa Tiba za Afya, ameandika vitabu kadhaa akijaribu kutoa wosia kwa vijana hasa wanafunzi wa shule namna ya kufanikiwa katika masomo. Anao pia mfuko wa kusomesha vijana wanaofanya vizuri. Huu hapa.

Katika kitabu chake cha GIFTED HANDS anaeleza jinsi alivyokuwa mbumbumbu wa mwisho darasani na namna alivyokuja badilika katikati ya ubaguzi wa rangi ya ngozi yake na umasikini uliotopea. Ben anamtaja sana Mama ake Sonya kama mtu aliyemsaidia sana kwa kumlazimisha kuingia maktaba na kujisomea vitabu, shinikizo lililokuja kumsaidia sana na kumjengea tabia ya kupenda “kula vitabu”.

Katika THINK BIG, kitabu chake cha pili, Mwafrika huyu anaelezea falsafa yake anayoiita THINK BIG ambayo inaelezakwa kirefu herufi moja moja katika neno hilo ambayo kwayo, anaamini Ben, kuwa itamsaidia mwanafunzi kuweka mazingira mazuri ya kufanikiwa. Anataja mambo mengi yanayoweza “kumtoa” mtu kitaaluma.

Hivi karibuni ameandika kingine The BIG PICTURE akieleza pamoja na mambo mengine namna ambavyo wazazi wanaweza kuwalea wanao katika mazingira ya kitaaluma, na jinsi ambavyo jamii yaweza kuondoa tofauti zao za rangi na matabaka ili kujenga jamii moja yenye lengo kuu moja –kujiletea mafanikio.

Mtu huyu kanivutia kwa namna anavyoishi kiafrika afrika japokuwa hakuzaliwa katika bara hili. Utafikiri alisoma makala ya Ndesanjo kuhusu umuhimu wa majina ya kikwetu -watoto wake wote kawapa majina yanayoonyesha uafrika hasa. Vilevile kanivutia namna alivyo na mtizamo wa kijamii kuliko ule wa kibinafsi hasa anapojibu swali, kufanikiwa katika maisha ni kupi?

Nakumbuka kununua kitabu cha kwanza cha bwana huyu nikiwa kidato cha pili. Pamoja na kunichukulia muda wangu mwingi kilinisaidia sana na kunijengea tabia ya kujisomea vitabu. Nimewashauri vijana wengi wa shule kuvisoma vitabu vyake, na wengi wameona faida kubwa kupitia mandiko ya Mwafrika mwenzetu huyu.

Maoni

  1. Simon Kitururu25/8/06 12:00 PM

    Huyu jamaa kweli ni kiboko.Hivi Tanzania tunajinsi yoyote ya kufuatilia watanzania wenzetu ambao tunaweza kujisifia na kujivunia kwa vithibitisho vya michango yao katika jamii?Namaanisha kitu similar na Tobblacks lakini hapa ikawa top Tanzanians.Maana ni mara nyingi tunawajua wanasiasa tu.

    JibuFuta
  2. Christian Bwaya26/8/06 5:19 PM

    Kitururu, Tatizo ni kwamba watu wa nyanja nyingine, zisizo za kisiasa hawabebi sana vichwa vya habari katika vyombo vya habari. Mwanasiasa ataandikwa sana ahta kama hakuna cha maana alichokisema. Watu wengine inakuwa ngumu kukonga vichwa vya habari katika vyombo hivyo vya uongo kama anavyopenda kuviita Ndesanjo.

    Umefika wakati tukawa na utaratibu wa Top Tanzanias kuwatangaza watu wanaotoa mchango mkubwa katika jamii.

    JibuFuta
  3. Bila jina8/9/06 2:41 PM

    naam hii blogu ni nzuri sana, hongera....tujivunie kiswahili.

    Blogu yangu ni http://mswahili-jared.blogspot.com

    baadaye.

    jared

    JibuFuta

Chapisha Maoni

Zilisomwa zaidi wiki hii...

Mambo Yanayoweza Kugusa Moyo wa Mwanamke-1

Picha
WANAUME wengi wanaamini wanawake, kwa kawaida, ‘wanapenda hela.’ Kwamba ukiweza kumhakikishia mwanamke 'uhakika wa kiuchumi' unakuwa umemaliza. Ingawa hatuwezi kupuuza ukweli kuwa uhakika wa 'kiuchumi' ni moja wapo ya mahitaji ya mwanamke, lakini si sahihi kuamini kuwa moyo wa mwanamke unaweza kuthamanishwa kwa fedha. Fikra hizi walizonazo wanaume [kuwa anachokihitaji mwanamke ni fedha] zimeleta matatizo mengi katika mahusiano na ndoa. Kwa mfano, wapo wanaume ambao baada ya kuhakikisha wenzi wao wamepata mahitaji ya msingi, basi wanawatelekeza kihisia. Hali hii husababisha upweke mkubwa kwa wanawake hawa wanaojikuta hawana mtu wa karibu kuwasikiliza isipokuwa vitu.
Soma zaidi »»

Maana ya Saikolojia na Nafasi Yake Katika Jamii -1

Picha
SAIKOLOJIA, neno lililotoholewa kutoka neno la kiingereza psychology, si elimu inayoeleweka sana katika jamii yetu. Asili ya 'psychology' ni neno 'psyche' lenye maana ya nafsi. Katika makala haya, tunasaili kwa ufupi maana ya saikolojia kama taaluma na kuonesha nafasi ya taaluma hiyo ngeni katika jamii yetu katika kutatua matatizo ya kijamii na hivyo kuharakisha juhudi za watu kujiletea maendeleo yetu.
Soma zaidi »»

Haiba ni nini?

Sipendi kutumia kiingereza kwa sababu kwanza ninadhani kiswahili kinanitosha kabisa kuelezea kile ninachotaka kusema. Hata hivyo najua pia matumizi ya kiswahili chetu hayajawa katika kiwango kile kilichokusudiwa. Kuna maneno mengi yasiyoeleweka vizuri katika kiswahili cha kitabuni. Moja wapo ya maneno hayo ni hili ninalolitumia leo hii. Haiba. Pengine niweke msisitizo kwa faida ya wale wasiolifahamu neno hili vizuri. Personality. Wengine wanasema maana ya hichi kinachoitwa personality ni utu kwa kiswahili. Ni bahati mbaya kwamba niliyakimbia masomo ya lugha siku nyingi. Ila nimejiridhisha kwamba haiba ndiyo tafsiri muafaka kabisa. Haiba ni nini? Watu wengine watafikiria tunazungumzia mwonekano wa mtu kimavazi. Lakini haiba ni neno pana zaidi ya mwonekano wa mtu kwa nje. Haiba ni jumla ya tabia za mtu zinazotokana na kile anachofikiri, anachopenda, anavyojichukulia yeye mwenyewe, anavyowachukulia watu wengine na kadhalika. Haya yote hujenga mwonekano wa mtu unaopimika (tabia) kama vi
Soma zaidi »»

Tumia Mbinu Hizi Kuelewa Unachokisoma -3

Picha
PICHA: thesouthern.com Siku moja nikiwa kwenye maktaba ya Chuo Kikuu cha Dar es Salaam, wanafunzi wa shahada za awali waliingia kufanya mtihani wa muhula wa mwisho wa masomo. Wakati wanaingia, mmoja wao alijigamba kwamba hiyo ndiyo ilikuwa mara yake ya kwanza kukanyaga maktaba tangu amejiunga na chuo hicho miaka mitatu iliyopita. Nilishangaa inawezekanaje mwanafunzi wa chuo kikuu kujisifia jambo la fedheha kama hilo.
Soma zaidi »»

Uislamu ulianza lini?

Picha
YAMEKUWEPO madai kwamba Uislam ulianza tangu kuumbwa kwa dunia. Na wapo watu wanaotuaminisha hayo. Ukweli ni kwamba Uislam ulianzishwa na Nabii Muhammad mwaka 622 BK huko Arabia. Kabla yake, dini zilizokuwepo zilikuwa ni Uyuda ambayo ni dini rasmi ya Wayahudi (Judaism) na Ukristo ambayo ni dini ya mataifa wasio Wayahudi ulioanza miaka kadhaa baada ya Yesu kuwa ameondoka mwaka 33BK. Yesu mwenyewe hakuanzisha Ukristo. Alisali katika misikiti ya Wayahudi. Masinagogi. Maelezo haya yana msingi wa kistoria na sio propaganda za kidini. Ndio ni propaganda kwa sababu dini zote zimekuwa na tabia ya kuonyesha kwamba zenyewe ndizo za kweli kuliko dini nyinginezo hata ikibidi kwa kuichezea historia. Na ni bahati mbaya kwamba Dini zimekuwa na tabia ya kufanana ya kuzima uwezo wa waumini wake kuhoji lolote kwa kuwajengea hofu ya kujitafutia laana. Qur’an inatupa maelezo yanayokinzana kuhusu lini hasa Uislamu ulianza. Baadhi ya mistari katika kitabu hicho zinadai kwamba ‘nabii’ Muhammad ndiye
Soma zaidi »»

Zijue Tabia Nne za Kiongozi Bora Kazini

Picha
Ufanisi kazini, kwa kiasi kikubwa, unategemea uwezo alionao kiongozi. Huyu ni mtu mwenye mamlaka yanayompa sauti ya kuhamasisha watu kujiwekea dira na utaratibu wa kuifikia dira hiyo. Kiongozi anatambulishwa na uwezo wake wa kuwavuta na kuwashawishi watu makini kutumia vipawa , ujuzi na uzoefu walionao katika kuwezesha kufikia malengo mapana ya kampuni, taasisi au kikundi husika.
Soma zaidi »»

Tabia za Mtoto wa Miaka 0 – 3 Kimahusiano na Kihisia

Katika makala yaliyopita , tuliangalia matukio muhimu ya kimakuzi katika maeneo mawili makubwa ya ukuaji wa mtoto nayo ni 1) kimwili na 2) kiakili. Katika sehemu hii ya pili, tunasaili ukuaji wa kimahusiano na kihisia ili kutazama yabia zinazojitokeza pasipo kuathiriwa na malezi na haiba ya wazazi. Kwa lugha nyingine, haya ni matarajio ya mtoto yanayoendana na umri wake bila kuingiliwa na matarajio na yanayofanywa na mzazi kwake.
Soma zaidi »»